އިބްނު ތައިމިއްޔާ ޤާޟީކަމުގެ މަޤާމަށް ތަރްޖީޙުދެއްވަނީ ބާރުހުރި، ޢިލްމުވެރި ތަޤްވާވެރިންނަށެވެ. ނަމަވެސް އެދެސިފަހުރި އެކަކު ނުލިބިއްޖެނަމަ ޙާލަތު ނިޔާކުރާގޮތަކަށް މަޤާމަށް މީހަކު ހަމަޖައްސަން މަޝްވަރާ ދެއްވައެވެ. އިމާމު ވިދާޅުވެއެވެ. އިލްމުވެރިޔާ ހަވާނަފްސަށް ތަބާވެދާނެކަމުގެ ބިރުހީވާނަމަ ޢިލްމުވެރިޔަކަށް ނުވާ ތަޤްވާވެރިޔާއަށް އިސްކަންދޭށެވެ. ނަމަވެސް ޢިލްމީ ތަޙްޤީޤުތަކުގެ ބޭނުންތެރިކަން ބޮޑު ޙާލަތްތަކުގައި ތަރްޖީހުދޭންވާނީ ޢިލްމުވެރިޔާއަށެވެ. އިލްމުވެރިޔާއަކީ ކޮންމެކަހަލަ މީހެއްކަމުގައިވިޔަސް އެފަދަ ޙާލަތްތަކުގައި ތަޤްވާވެރިޔާގެ މައްޗަށް އިލްމުވެރިޔާއަށް އިސްކަން ލިބިގެންވެއެވެ. އިމާމު ޞަރީޙު ބަސްފުޅުން ވިދާޅުވަނީ ޙާލަތާއި ޒަމާނުގެ ބޭނުން ނިޔާކުރާގޮތަކަށް ޤާޟީން ޢައްޔަންކުރުމުގައި ޢަމަލުކުރަންޖެހޭނެ ކަމުގައެވެ. ޒަމާނުގެ ޙާލަތުނިޔާކުރާގޮތުން ލަޝްކަރުގެ އަ މީރާއި، އާއްމުންގެ ތާއީދު ޤާޟީއާއެކުގައިވާނަމަ ޤާޟީކަމަށް އައްޔަންކުރާނީ ބަލިކަށި، ތަޤްވާވެރި، އިލްމުވެރިޔާއެވެ. ސިފައިންނާއި އާއްމުންގެ ތާއީދު ޤާޟީއަށް ލިބިފައިނުވާނަމަ އެފަދަ ހާލަތެއްގައި ޤާޟީއަކީ އާރާއިބާރުހުރިމީހަކަށް ވާންޖެހޭނެއެވެ.