މިކަމާއިމެދު ވިސްނާލަން މިއީވެސް މޮޅު ލިޔުމެއްކަމުގައި އަޅުގަނޑަށް ފާހަގަކުރެވުނެވެ. އާދެ ބަންގިއާއި މެދުއެވެ. އަދި ދުނިޔެ ވަށައިގެން މެދުކެނޑުމެއްނެތި އެކަން ތަކުރާރުވަމުން ދާކަމަމާއި މެދުގައެވެ.

މިއީ ހަމަކަށަވަރުންވެސް އަޅަމެން ހައްދަވާ، ބޮޑުކުރައްވާ، ގެންގުޅުއްވާ މަތިވެރިވަންތަ ކުޅަދުންވަންތަ ގަދަކީރިތިވަންތަ މާތް ﷲ ސުބުޙާނަހޫ ވަތަޢާލާގެ ޙިކްމަތްވަންތަކަމުގެ ދިރިދިރި ހުރި ދަލީލެކެވެ. އިސްލާމްދީނުގެ މަތިވެރި ތައުޙީދުގެ އަޑު މިދުނިޔެ މައްޗަށް އިރުއަރާ އިރު އޮއްސޭ ކޮންމެ ދުވަހަކުގެ މެދުކެނޑު މެންނެތި އެކަލާނގެ އިރާދަކުރެއްވި ދުވަހަކަށް ދާންދެން އިވެމުންދާނޭ ގޮތަށް އެކަމަށް އިރާދަ ކުރެއްވި ފަރާތީ ހުސްތާޙިރުވަންތަ މާތް ﷲ އެވެ. ފަހެ މިކަމާއިމެދު ވިސްނާ ފިކުރު ކުރާ ބަޔަކަށްވެސް މިކަމުގެ ސަބަބުން ޢިބުރަތްތަކެއް ލިބޭނެކަން ކަށަވަރެވެ. ފަހެ މެދު ކެނޑުމެންނެތި ތައުޙީދުގެ ކަލިމައިގެ އަޑު އިވިއިވި ހުންނަ ހާލުގައިވެސް އެއިންސާނާ އަބާއްޖަވެރިއެއް ގޮތުގައި މާރާއި ބައްދަލު ކުރުމަށް ކުޑަވެސް ބިރުގަތުމެެއް ހިތުގައި ނުވޭ ބާވައެވެ.

ބައެއް އިސްލާމީ ފޯރަމްތަކުގައި ޒުވާންކުދިން މިވާހަކަ އެހެން ގޮތަކަށް ލިޔަމުން ގެންދެއެވެ. ނަމަވެސް މައުޟޫޢަކީ ހަމަ، ބަންގީގެ މުޢުޖިޒާތެވެ.

ކޮންމެ ދުވަހަކު މެދުނުކެނޑި، 24 ގަޑިއިރު، ބަންގީގެ އަޑު ދުނިޔޭގައި ދެމިހުރެއެވެ. މިކަން ހޯދި ބާޙިޘް ޢަބްދުލްޙަމީދުލް ފާޟިލު ގެ ދިރާސާގައި ވެއެވެ.

"ބަންގިއަކީ ނަމާދަށް ގޮވާލާ އިސްލާމީ ގޮވާލުމެވެ. ބިމުގެ އެއްރަށުން ބަންގި ގޮވާ ނިމޭއިރަށް އަނެއް ރަށަކުން ބަންގި ގޮވަން ފަށައެވެ. އެގޮތުގެ މަތިން، މެދުނުކެނޑި ބަންގީގެ އަޑު ދުނިޔެ ވަށާ ބުރުޖަހަމުން ދެއެވެ."

ޝަރަޙައިގައި ވެއެވެ.
"ދުނިޔޭގެ ބިން ވަނީ، ވަގުތު ބެލުމަށްޓަކައި، 360 ބަޔަށް ބަހާލެވިފައެވެ. އެއިން ކޮންމެ ބަޔެއް ބައިކުރާ ރޮނގަކީ އެބައިގެ ވަގުތު ބުނެދޭ ރޮނގެވެ. ވަގުތުގެ ގޮތުން ބުނާނަމަ، އެއިން ކޮންމެ ދެ ރޮނގެއްގެ ދެމެދުގައިވާ ދުރުމިނަކީ، ހަތަރުމިނިޓެވެ. ރަނގަޅަށް ބަންގި ގޮވާ މީހަކަށް، ހަތަރު މިނިޓް ތެރޭގައި ބަންގި ގޮވާލެވިދާނެއެވެ."

"މިކަން ތަޞައްވުރުކުރަން ފަސޭހަގޮތެއް ބުނެދީފާނަމެވެ."
"ދުނިޔޭގެ ވަގުތު ބުނެދޭ ފުރަތަމަ ރޮނގުގެ މަތީގައި އޮތް ރަށަކަށް ނަމާދު ވަގުތު ޖެހިގެން ބަންގި ގޮވުމުގައި ހަތަރު މިނިޓް ހޭދަވިއެވެ. އެރަށަށް ބަންގި ގޮވާ ނިމޭއިރަށް، ދެވަނަ ރޮނގުގެ މަތީގައި އޮތް ރަށަށް ނަމާދު ވަގުތު ޖެހިއްޖެއެވެ. ދެން އެރަށުގައި ބަންގި ގޮވުމަށް ހަތަރު މިނިޓް ހޭދަވިއިރު، ތިންވަނަ ރޮނގުގެ މަތީގައި އޮތް ރަށަށް ވާނީ ނަމާދުވަގުތު ޖެހިފައެވެ. ... މިގޮތުގެ މަތިން، ދާއިމީ ގޮތެއްގައި ދުނިޔެ ވަށާ ބަންގީގެ އަޑު މެދުނުކެނޑި ދެމިހުރެއެވެ."

މިފަދަ މަޒުމޫނެއް ތަރުޖަމާކުރައްވައި، އަޅުގަނޑުމެންނާ ހަމައަށް ފޯރުކޮށްދެއްވި ކަމަށްޓަކައި ޝަމްސުލް ފަލާޙަށް ޝުކުރު ދަންނަވަމެވެ. ފޯރަމްތަކުގައި ޒުވާންކުދިން ދައްކާ ވާހަކައެއް މިތަނުގައި ލިޔެލީ ޝަމްސުލް ފަލާޙާ ބައިވެރިވެލުމުގެ ގޮތުންނެވެ. ޅަފުރައިގެ ޒުވާން ކުދިބަޔަކު، ކިޔާ އެއްޗަކަށްވުރެ، ހަރުދަނާ ލިޔުމެއް މާ މޮޅުވާނެކަން ކަށަވަރެވެ.

ޙުސައިން ޢަލީ ލިޔުއްވި ޚިޔާލަށް އަޅުގަނޑު ވަރަށް ބޮޑަށް ތާޢީދުކުރަމެވެ. އަދި ބަޔާންކުރައްވާފައިވާ މަޢްލޫމާތުތައް ވަރަށް ފުރިހަމައެވެ. އަޅުގަނޑުހިތުން، ތިބާގެ ކޮމެންޓުގެ ސަބަބުން، މި ލިޔުން އިތުރަށް ޢިލްމީވެ، ފުރިހަމަވެގެން ހިނގައްޖެއެވެ.

މިލިޔުން ވަރަށް ބޮޑަށް ފުރިހަމަވެގެން ދޭ ހުސެން އަލީ ސައިންސް، އެހެން ގޮތަކަށް ބުނާނަމަ ޖިއޮގްރަފީއާއި މިލިޔުން ގުޅުވާލީމަ