ފޮނުވީ: އެމް

ހޮލެންޑްގެ އެމްސްޓަރޑަމް ޔުނިވަރސިޓީގެ ބާޙިޘެއްގެ ދިރާސާތަކުން އެނގިފައިވާ ގޮތުގައި، ﷲ މި ނަންފުޅު ދުލުން ކިއުމަކީ، ހިތްހަމަނުޖެހުމާއި ކަންބޮޑުވުން، މީހާގެ ކިބައިން ފިލުވާލަދޭ ކަމެކެވެ. އަދި މި ނަންފުޅު ގިނަގިނައިން ކިއުން އާދަކޮށްފިނަމަ، ހިތް ނުތަނަވަސް ވެފައިވާ މީހުން، ހިތްހަމަޖެހި، ހަމަޔަކަށް އެޅިދެއެވެ.

މިނަތީޖާ ޙާޞިލުކުރެވުނީ، މުސްލިމުންނާއި ޣައިރު މުސްލިމުންގެ މައްޗަށް، ތިން އަހަރު ވަންދެން ކުރެވުނު ދިރާސާއަކުންނެވެ. މި ދިރާސާގައި ހިމެނުނު ޣައިރު މުސްލިމުންނަކީ، ޢަރަބި ދަންނަ ބަޔެއް ނޫންކަން ފާހަގަކޮށްލަން ޖެހެއެވެ. އެ އެންމެންނަކީ، ކޮންމެވެސް ކަމަކާ ހެދި، ވަރަށް ބޮޑަށް ހިތް ނުތަނަވަސްވުމުގެ ނަފުސާނީ ބަލި ޖެހިފައިވާ ބަޔަކު ކަމުގައި ވިއެވެ.


ދިރާސާ ކުރެއްވި ފަރާތުން ﷲ މި އިސްމުފުޅު ކިއުމުގެ ފައިދާތައް ބަޔާންކޮށްފައިވަނީ އަންނަނިވި ގޮތަށެވެ.

1. އަލިފުގެ އަޑު ނުކުންނަނީ، މޭގެ މަތީ ހިސާބުންނެވެ. އެއީ ނޭވާލުން ފެށޭ ހިސާބެވެ. މިއަކުރު ކިއުން ތަކުރާރުކުރުމުން އެތެރެހަށްޓަށް އަރާމު އިޙުސާސްކުރެވެއެވެ.

2. ލާމުގެ އަޑު ނެރުމަށްޓަކައި ދޫ ޖައްސަން ޖެހެނީ، މަތީ ތަލީގައެވެ. މިކަން ކުރާއިރު ހިނދުކޮޅަކު ދޫ އެތަނުގައި ޖައްސައި ހަމަހިމޭން ވެލަން ޖެހެއެވެ. މިކަން ކުރުން ތަކުރާރުކުރުމަކީ، ނޭވާލުން ލުއިފަސޭހަކޮށްދޭ ކަމެކެވެ.

3. ލާމުގެ ބަރު ޙަރަކާތް، އޭގެ ފަހުގައި އަންނަ ހާ ކިއުމަށް މަގުފަހިކޮށްދެއެވެ. ހާ ކިއުމަކީ، ދެ ފުއްޕާމެއާ ހިތާ ގުޅުވާދޭ ކަމެކެވެ. މިކަމުގެ ސަބަބުން ހިތުގެ ވިންދު ޖެހުން އިންތިޒާމުވެ، ޠަބީޢީ ޙާލަތަށް ރުޖޫޢުވެއެވެ.

(الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ)

މިހާތަނަށް ހުށަހަޅާފައިވާ ޚިޔާލުގެ އަދަދު (3)

...
ލިޔުނީ umar, 2009-04-19 06:59:05

nala artcile

...
ލިޔުނީ އަހުމަދު ސަމީޢު 29, 2009-04-20 16:04:33

އެމް މިލިއުމުގައި މިވާ އާޔަތުގެ ތަރުޖަމާ ދެއްވާފައި ނެއްކަން ވަރަށް ދެރައެވެ. ވީމާ އަރަބި ދެނެލަށްވާބޭކަލަކު މިއާޔަތުގެ މާނަ ކޮއްދެއްވާނެކަމަށް އުންމީދުކުރަމެވެ. އަދިމާނައަށް އިންތިޒާރުކުރަމެވެ.

...
ލިޔުނީ ފާތުން, 2009-04-21 04:12:07

އަރަބި އާޔަތުގެ މާނަ ބޭނުން އަޅުގަޑަކަށް އަރަށްބެށް ނޭގޭ

ޚިޔާލު ހުށަހަޅާ

ހުށަހަޅާ

ނަން

ޚިޔާލު ލިޔާބައި ކުޑަކުރޭ | ލިޔާބައި ބޮޑުކުރޭ

މަތިން ފެންނަ އަކުރުތަށް ހުރިގޮތަށް (އިގިރޭސިން) ލިއުއްވާ

ހުށަހެޅުމަށްޓަކައި މަތިން ވާތްފަރާތުގައިވާ "ހުށަހަޅާ" ބަޓްން ބޭނުންކުރަށްވާ