މި ލިޔުމުން އެނގުނީ އަޅުގަނޑުމެންގެ އިސްލާމްދީނުގައި އޮތީ، ކަންކަމުގައި މެދުމިން އުސޫލެއްކަމެވެ. ނިވާ ނުވުމުގައި ހައްދެއް އޮތް ފަދައިން، ނިވާވުމުގައި ވެސް ހައްދެއް އެބަ އޮތެވެ. ކައިވެނީގެ ކަންކަމުގައި ލިބިދޭ ލުއިކަމެއް އެބަ އޮތެވެ. ރައްޓެހިވެގެން އުޅުމުގެ ނަމުގައި މީހާގެ އަބުރު ދުއްވާލަކަށް ނުޖެހެ އެވެ. އޭގެ ބަދަލުގައި ރައްޓެހި ވުމަކީ އެކަކު އަނެކަކަށް އެނގުން ކަމުގައި ލެއްވި އެވެ. ހަމަ އެހެންމެ، އަންހެންކުއްޖާގެ ކަނދުރާއާއި ބޮލުއިސްތަށިގަނޑު ހާމަވާ ސިޓްއޭޝަނެއް އެބަ އާދެ އެވެ. އެކަމަކު އަތްލުން ހުއްދައެއް ނޫނެވެ. ގޯސްކަމަކަށް އަރައިގަނެވިދާނެތީ އެވެ. އަދި ދީނުގެ ކަމެއްގައި ދަންނަބޭކަލުން ޚިޔާލުތަފާތުވެފައިވާ މިންވަރުން ވިސްނުނީ، ޚިޔާލުތަފާތުވުމަކީ ޒުވާބު ކުރަންވީ ކަމެއް ވެސް ނޫންކަމަށެވެ. ޚިޔާލުތަފާތު ވެއްޖެއްޔާ އޭގެ ތެރޭން ކޮންމެ ހިޔާލަކަށް ވެސް ރެސްޕެކްޓް ކުރަންޖެހޭނެ އެވެ.

މާޝާﷲ ! ދީނީ ޢިލްމުން ފުރިގެންވާ އަގުހުރި ލިޔުމެއް މިއީ. ނޭންގޭ އެތައް މަޢުލޫމާތު ތަކެއް ލިބިގެން ހިނގައްޖެ. ލިޔުންތެރިޔާގެ މި މަސައްކަތުގައި ﷲ ބަރަކާތް ލައްވާށި. އާމީން

މިލިޔުމުގެ މަޢުލޫމާތަކާމެދު އަޅުގަނޑު ތަޢުރީފުކުރަމެވެ. މިފަދަ ބުރަ މަސައްކަތެއް ކޮށްދެއްވިކަމަށް އަލްއަޚް ޝިފްޒާނަށް ޝުކުރު ދަންނަވަމެވެ. މިލިޔުމަކީ އަދު ދިވެހި މުޖުތަމަޢަށް ނުހަނު ބޭނުންތެރި މައުޟޫޢަކަށް ލިޔެވިފައިވާ ލިޔުމެކެވެ. ވީމާ މިލިޔުން ވީހާވެސް ގިނަ ސައިޓްތަކުން ފެންނާނެ ގޮތް ހެދުން ބުއްދިވެރިކަމަށް ފެނެއެވެ،

ތިރީގައި ފާހަގަކުރެވިފައިވާ ކަންކަމީ ލިޔުމުގެ ބައެއް ކުދިކުދި ކުށެވެ. ފުރިހަމަ ކަމުން ކަންނޭނގެއެވެ. މިތަކެތި ފެނުނީ ބޮޑުވާ ބިއްލޫރި އަޅައިގެން އަތްފުނާއެޅީމައެވެ.

އެކަމަކު އިސްވެދިޔަ ތަޢުރީފަކީ ތަފްޞީލު ތަޢުރީފެކެވެ.
"އިސްވެދިޔަ"އިގެ ބަދަލުގައި މިތާ "ފުރަތަމަ" އޮތުން ރަނގަޅުކަމަށް ފެނެއެވެ. އޭރުން މިޖުމްލައިން އެއިޝާރާތްކުރަނީ ކޮން އެއްޗެއްކަށްކަން މާބޮޑު އުނދަގުލަކާއި ނުލާ އެނގޭނެއެވެ.

ކާވެނީގެ ކުރިން ދެމީހުންގެ ދެމެދުގައި ލޯތްބާއި މަވައްދަތު ބޭއްވޭނެ ކަމުގެ ޔަޤީންކަން ލިބިގަތުމެވެ.
މިޖުމްލައިގެ ފެށްޓުމަށް "އެއީ" އިތުރުކޮށްލައިފިނަމަ ޖުމްލަ އިތުރަށް ފުރިހަމަވެގެންދާނެއެވެ.

''އަދި ކަލޭގެފާނު މުއުމިނު އަންހެނުންނަށް އެކަބަލުންގެ ބެލުންތައް ތިރިކުރުމަށާއި ފަރުޖު ރައްކާތެރިކުރުމަށް އަންގަވާށެވެ.''
މިތާ ހިމަނަންވީ ފިރިހެނުންނަށް އޮތްބައި ދެއްތޯ؟

"ބެލުމަކީ އިބިލީހުގެ ދުނީގެ ތެރެއިން ދުންޏެކެވެ."
މިތާ "ބެލުމަކީ އިބިލީހުގެ ދުނިތަކުގެ ތެރެއިން ދުންޏެކެވެ." ޖެހުނުނަމަ ޙަދީޘްގައި އޮތް ޢިބާރާތާ މާގާތްކަމަށް ފެނެއެވެ.

އިންޞާފުގައި ވިދާޅުވެފައިވެއެވެ.
"އިންޞާފުގައި (އަލްއިމާމް) އަލްމަރުދާވީ ލިޔުއްވާފައިވެއެވެ (ވިދާޅުވެފައިވެއެވެ.)" މިހެން އޮތުން ކިހިނެއްތޯއެވެ.

ފުރަތަމަ ރައުޔައަކީ ބެލުން ހުއްދަވެގެންވުމެވެ. މުބާޙުކަމެއްކަމުގައިވުމެވެ. އަދި މުސްތަޙައްބު ކަމެއްކަމުގައިވުމެވެ.
މިތާގައި ދެވަނަ ޖުމްލަ "ދެވަނަ ރައުޔަކީ މުސްތަޙައްބު ކަމެއްކަމުގައިވުމެވެ." މިގޮތަށް ބަދަލުކޮށްލުން ރަނގަޅުކަމަށް ފެނެއެވެ. އެއާ ޖެހިގެން އަންނަ، "އިމާމް ނަވަވީ" ޖުމްލައާ އެއިރުން ޖުމްލަ މާބޮޑަށް ގުޅެންވެސް ގުޅެއެވެ.

"إذا خطب أحدكم امرأة فلا جناح عليه أن ينظر منها إذا كان إنما ينظر إليها لخطبة و إن كانت لا تعلم" رواه أحمد
މިޙަދީޘްގެ ތަރުޖަމާއެއް ނެތެވެ.

ދެން ބަހެއްގެ މާނަ، އަޅުގަނޑަށް އެނގޭ މިންވަރުން، ކިޔުންތެރިންގެ މަޢުލޫމާތަށްޓަކައި ދަންނަވާލާނަމެވެ.
ޣަރީބު: ބީރައްޓެހި، ބީރައްޓެހިކަމުގެ ސަބަބުން ފާހަގަކުރެވޭފަދަ.

އަލްއަޚް ޝިފްޒާންގެ މިފަދަ އިތުރު ލިޔުމެއްގެ އިންތިޒާރީގައި...

އަލްއަޚް ތުއްފާށަނާގެ ޚިޔާލުފުޅު ބަލައިގަންނަމެވެ. ދެން ލިޔާ ލިޔުމެއްގައި ތިޔަ ދެއްވި ޚިޔާލުފުޅުތަކާ އެއްގޮތަށް ޢަމަލުކުރެވޭތޯ ބަލާނަމެވެ. އަދި ދެއްވި ހިތްވަރަށާއި ކުރެއްވި ތަޢުރީފަށްޓަކައި ޝުކުރުގެ ޖިޒީތައް ބަރުތީލަކުރަމެވެ.
ކާޑިނަލްއަށް މާތްﷲ ބަރަކާތް ލައްވާށިއެވެ. ދެބޭފުޅުންނަށްވެސް ހެޔޮ ޖަޒާދެއްވުން އެދެމެވެ.

ޝަހުވަތަކާ ނުލައި ގަސްތުގައި ޝަހުވާ އުފައްދާފާނެ ތަނަކަށް ބޭނުންޖެހުމުން ބެލުން ހުއްދަވެގެންވެއެވެ. އެއީ ޚިޠުބާގައި ޖެހިފައިވާ ފިރިހެނާ ޚިޠުބާގައި ޖެހިފައިވާ އަންހެނާއަށް ބަލާ ބީދައިންނެވެ.....
މިޖުމްލައިގައިމިވަނީ ޚިތުބާގައި ކިހިނެއްބަލާވާހަކކަތޯ ތަފްސީލް ކޮށްދިނުން އެދެން..ޑޮކްޓަރުން ބަލިމީހުން ބައެފަހަރު ހާލަތުގެގޮތުން އައުރަ މުޅިން ހާމަވާގޮތަށްވެސް ބަލާ... ނަމަވެސް ޚިތުބކުރާފަރާތާއި ކުރެވޭފަރާތް އެއްވެސް ނިވާކަމެއް ނެތި އެކަކު އަނެކަކުގެ ޝަހުވާނީ ގުނަވަންތަކަށް ބެލުން ހުއްދަވާނެކަމަކަށް ގަބޫލެއްނުކުރެވޭ ޝަހުވަތަކާ ނުލައިވިޔަސް،،، ނަމަވެސް އެއްވެއް އައިބެއް ވާކަމުގައި ވާނަމަ އެކެން ހާމަކޮށްދިނުމަކީ އޮންނަކަމެއް، އަދި ކުރަންޖެހޭނެކަމެއް.
ސަބަބު: މިހާރުގެ ކުދިން ބިޓުން އެންގޭޖްވުމަށްފަހު އެކަކު އަނެކަކަށް ވަރަށް ރަގަޅަށް ބަލައެވެ. މިބެލުންތަކަށް މިޖުމްލައިގެ ސަބަބުން ބާރުލިބެއެވެ. އެބެލޭނެ މިންބަރު އެތާގައި ހާމަކޮށްލުން އެދެނެ