ވަރަށް ރަނގަޅު މަސައްކަތެއް. މިލިޔުމާއިއެކު މަޒުހަބުތައް ފެތުރިފައިވާ ޤައުމުތަކާއި ސަރަހައްދުތައް އެނގޭނެ ޗާޓެއް ހިމަނުއްވާފައި ވާނަމަ އިތުރު ފުރިހަމަކަމެއް މިލިޔުމަށް ލިބޭނެ.

ސުންނަތާއި ޤުރުއާނުގެ ނަމުގައި، މިއަދު ދުނިޔޭގައި އެންމެ ހަލުއިކޮށް ފެތުރެމުންދަނީ ޙަންބަލީ މަޛުހަބެވެ. ޚާއްޞަކޮށް ދީނުގެ ޢިލްމު މަދު ޢާންމުންގެ މެދުގައި، ހިކި ފަންތަކެއްގައި އަލިފާން ރޯކުރުމުން ހުޅުގަނޑު ފެތުރިގެންދާ ފަދައިން، މިމަޛުހަބު ފެތުރެމުންދެއެވެ. ނޭނގި ނަމަވެސް ދިވެހި ރާއްޖޭގެ ގިނަ ބައަކު މިއަދު ތަބާވަނީ މިމަޛުހަބަށެވެ.

ނޭނގޭ މިހާ އެބުނީ ތެދެކެވެ. މިތާގައި ހުރިހާ އެންމެން އެއް ދީނެއް ޤަބޫލުކޮށް އެއް މަޛްހަބަކަށް ތަބާވެގެން ތިބިކަމުން މި ދިވެހިން ދިރިއުޅެމުންދިއައީ ފިސާރި އެކުވެރިކަމާ ފާގަތިކަމުގައެވެ. މިތާގެ ދިވެހީން ނަމާދުކޮށް ރޯދަ ހިފައި ޙައްޖުވެ ޒަކާތްދީ އުޅުނީވެސް ހަމަ މިމާތް އިސްލާމް ދީނުގެ ޝަރީއަތާއި އެއްގޮތަށެވެ. ނަމަވެސް މިފަހަކުން ޢަރަބިކަރަޔަށްގޮސް ހައެއްކަ އަހަރަކު އެތަނުގައި ނުވަތަ ދެތިން އަހަރަކު އުޅެލާފައި އެހެރަ އަންނަ ފިޤްހުވެރިންނާއި ފިތުނަވެރިންނަށް މިތަން ދެކޭކަށް ކުޅަދާނައެއް ނުވިއެވެ. އިމާމު ޝާފިއީގެފާނަކީ އެއްޗެއް ދަންނަ ބޭކަލަކަށްވެސް ނުހެއްޖެވެ. ތަބާވާންޖެހޭނީ ޝާފިޢީގެފާނަކަށްނޫނޭ ތަބާވާންޖެހޭނީ ޤުރުއާނާއި ސުންނަތަށޭ އަހަރުމެން މިބުނާގޮތަށޭކިޔާ މިތަނުގައި ދީނީ އަރާރުންތަކާއި މަޛްހަބީ ފިތުނަވެރިކަމުގެ ހުޅުގަނޑު ރޯކޮށް މުޅި ޤައުމު ސުންނާފަތިކޮށްފިއެވެ. ފަހެ ޝާފިޢީގެފާނު ތަބާވެވަޑައިގަތީ އެކަލޭގެފާނުގެ ހަވާ ނަފުސައްތޯއެވެ؟. ނޫނެކެވެ. ޤުރުއާނާއި ރަސޫލާގެ ޠާހިރު ސުންނަތުގެ މައްޗަށެވެ. ތިމާމެން މިކުރާކަންތަކުން އުފެދޭ ފިތުނަވެރިކަމާ ބައިބައިވެގެން އެދިއަ އަޚްވަންތަކަމާމެދު ﷲ ގެ ޚަޟްރަތުގައި އެމީހުން ދައްކާނީ ކޮން ޙުއްޖަތެއް ދަލީލެއްބާވައޭވެސް ހިތައްއަރައެވެ.

މިލިއުމުގައިވާ ޗާޓުތަކާމެދު ވިސްނާލުމުން ދޭހަވަނީ ވަކިތަނެއްގައި ވަކި މަޒުހަބެއް އޮންނަން ނުޖެހޭ ކަމެވެ. މިއަދު ޝާފިޢީ މަޒުހަބު އޮތްތަނެއްގައި މާދަމާ ޙަނަފީ މަޒުހަބު އޮވެދާނެ ކަމެވެ. މިއަދު ޙަންބަލީ މަޒުހަބު އޮތް ތަނެއްގައި މާދަމާ ޝާފިޢީ މަޒުހަބު އޮވެދާނެ ކަމެވެ. މާލިމީއެވެ. ސުންނަތުގެ ނަމުގައި މަޒުހަބެއް ފެތުރެމުން މިދަނީ ބަޔަކު ނިދާފައި ތިއްބައެއް ނޫނެވެ. އެއީ ޒަމާންތަކެއް ވަންދެން ބަޔަކު ކުރި މަސައްކަތުގެ ނަތީޖާއެވެ. މިއަދުގެ އިސްލާމީ ދުނިޔޭގައި ޙަންބަލީ މަޒުހަބު ފެތުރުން ހުއްޓުވޭނެ އެއްވެސް ބާރެއް ނެތެވެ. ސަބަބަކީ ދީން ކިޔަވައިގެން ތިބި ގިނަބަޔަކު ރަނގަޅަށް ދަންނަނީ އެމަޒުހަބެވެ. ގިނަ ފޮތްތައް ލިޔެވިފައިވަނީ އެމަޒުހަބަށެވެ. އިންޓަރނެޓްގައިވާ ގިނަ ދީނީ ވެބްސައިޓްތައް ހިންގަނީ އެމަޒުހަބާ ތަބާވާ މީހުންނެވެ. އެންމެ ހަރުއަޑުން ދީނީ ވާހަކަތައް ދައްކަނީ އެމަޒުހަބުގެ މީހުންނެވެ. އަދިވެސް ދުނިޔޭގައި މިއޮތީ "އަޑުގަދަ މީހާގެ ރުއްގިނަވާ" ނިޒާމެވެ. ޝާފީޢީ މަޒުހަބު ދިރުވަން ބޭނުންނަމަ ތަބާވާންވީ ދުނިޔޭގައި މިއޮތް ނިޒާމާ އެވެ. ޝާފިޢީ މަޒުހަބަކީ ސުންނަތް ކަމުގައި ބުނެ، ހަމައެކަނި އެމަޒުހަބު ކިޔަވާދޭ ސްކޫލްތަކާއި ޔުނިވަރސިޓީތައް ހެދިދާނެހެއްޔެވެ؟ ޝާފިޢީ މަޒުހަބަށް ގޮވާލާ ދާޢީން ދުނިޔޭގެ ކަންކޮޅުތަކަށް ފޮނުވިދާނެ ހެއްޔެވެ؟ ޝާފިޢީ މަޒުހަބުގެ ފޮތްތައް ދުނިޔޭގެ އެހެން ބަސްތަކަށް ތަރުޖަމާކުރެވިދާނެ ހެއްޔެވެ؟ ... މިފަދަ އެތައް ކަމެކެވެ. މިއިން އެއްވެސް ކަމަކީ ޝާފިޢީ މަޒުހަބުގެ ހުވަފެން ދެކޭ ބަޔަކަށް ކުރެވޭނެ ކަމެއް ނޫނެވެ. ޙަންބަލީ މަޒުހަބު ފަތުރާމީހުންނާ ދިމާއަށް އެއްލާ ގަޅިއަކުން ޝާފިޢީ މަޒުހަބެއް ނުފެތުރޭނެއެވެ. މިޒަމާނުގައި އިސްލާމްދީން ދިރާސާކުރާ މީހުން ފަރާތްތަކުން ބުނަނީ މިއީ ޙަންބަލީ މަޒުހަބުގެ ޒަމާންކަމަށެވެ. ޝާފިޢީގެފާނު އަމިއްލަފުޅަށް ގޮތްތަކެއް ނުއުފައްދަވާ ފަދައިން، އިމާމު އަޙުމަދު ބިން ޙަންބަލް ވެސް އަމިއްލަފުޅަށް ގޮތްތަކެއް ނުއުފައްދަވައެވެ. މިކަލޭގެފާނު ވެސް ގެނެސްދެއްވީ މާތްވެގެންވާ އިސްލާމްދީނުގައި އޮތް ގޮތެވެ. ވީމާ ޝާފިޢީ މަޒުހަބު މޮޅުކޮށްފައި ޙަންބަލީ މަޒުހަބު ދެރަކުރެވޭނެ ޖާގައެއް ނެތެވެ. ބައެއް މީހުނަށް ހަޖަމް ނުކުރެވިގެން އުޅޭ ހަގީގަތަކީ އެއް މަޒުހަބަށްވުރެ ގިނަ މަޒުހަބު އޮތުމެވެ. ނަމަވެސް ދެމި އޮންނާނީ މިހަގީގަތެވެ. ވަރުގަދައީ މިހަގީގަތެވެ. ގައުމެއްގައި ހަމައެކަނި އެއްމަޒުހަބު ދެމެހެއްޓުމަކީ މިޒަމާނުގައި ވާނެ ކަމެއް ނޫނެވެ.

މިސްރާބު ތިޔަބުނީ ތެދެކެވެ. އެއްބައިވަންތަކަމަށްވުރެ ތިމާމެންގެ ގޮތް ފަތުރަން ލޯބިކުރާ ބަޔަކު މިމުޖުތަމަޢުގެތެރޭގައި ތިބިހައި ހިނދަކު މިތާކު އެއް މަޛްހަބެއް ނޯންނާނެއެވެ. މިއޮތްހާ ދުވަހުވެސް މިތާގައި އެއް މަޛްހަބު އޮތީ އޭރު ވަޑާއިގެންނެވި ޢިލްމުވެރިން އެބޭފުޅުން އުގެނިވަޑައިގެންފައިވާ މަޛްހަބު ފެތުރުމަށްވުރެ އެއްބައިވަންތަކަމަށް ލޯބޮކުރެއްވީމައެވެ. ޝާފިޢީ މަޛްހަބުގައި ޤުރުއާނާއި ރަސޫލާގެ ސުންނަތާއި ޚިލާފް އެއްވެސް ކަމެއް ނެތުމާވެސް އެކުގައެވެ. ދެން މިޞްރާބު ތިޔަބުނަނީ ޝާފިޢީގެފާނު އަމިއްލަފުޅަށް ގޮތެއް ނުއުފަށްދަވާކަމަށެވެ. ދެން އެހެންވިއްޔާ މިތިބަ މީސްތަކުންގެ މެދުގައި މިއޮތް އެކުވެރިކަމާއި ހަމަޖެހުން ނަގާލަން ތިއަކުރައްވާ މަސައްކަތަކީ ﷲ ގެ ޚަޟްރަތުގައި ހާދަހާ ދަރުމަޔެއްހުރިކަމަކަށްވާނެތ