މި ލިޔުން އެނގޭތަ މިބަޔަށް ލާފައިއޮތުމުން މި މައުލޫގެ ހައިބަތު ގެއްލޭކަމަށް ފެނެއެވެ. އެހެންކަމުން ދީނުގެ ތެރެއިން ސިޔަރަތު ނުވަތަ ދިރާސާ ބަޔަކަށް ލިޔުން ލެއްވުން ކިޔެއްތޯއެވެ!! ނޫނީ އަޅުގަނޑަށް ފެންނަހެން ހަމަ ދީނުގެ ތެރޭގައި ޙަދީސް އަށް ( ދެން އޭގެ ތެރޭގައި ޢުލޫމުލް ޙަދީސްއަށްވެސް) ވަކި ބައެއްވެސް ހެއްދެވިދާނެ ނޫންތޯއެވެ!!! އަޅުގަނޑު މިވާހަކަ މިދަންނަވާލީ ވ ޣީރަތްތެރިކަމާއެކީއެވެ!

މަރިޔަސް ނޫހީން އެދިވަޑައިގަތް ގޮތުގެ މަތިން، ''ޙަދީޘް'' މި ގިންތި އިތުރު ކޮށް، އިރާދަ ކުރެއްވިއްޔާ ވަރަށް އަވަހަށް، ޙަދީޘާބެހޭ ލިޔުންތައް އެ ގިންތީގެ ތެރެއަށް ޖަމާކުރެވޭނެ އެވެ. ހިއްސާކޮށްލެވި އިޚްލާޞްތެރި ޝުޢޫރަށްޓަކައި ވަރަށް ޝުކުރު ދަންނަވަމެވެ. wwww.fanvai.info

މަރިޔަމް ނޫޙީންގެ ޚިޔާލަށް އިޙުތިރާމުކުރާ ޙާލު، އަޅުގަނޑު އެއްޗެއް މިދަންނަވަނީ، ވަރަށް ޙިކުމަތްތެރިކަމާއެކުގައެވެ.

ދިވެހި މުޖުތަމަޢުގެ މިއަދުގެ ޙާލަތަށް ބަލާއިރު، ފަންވަތުގައި ޙަދީޘަށް ވަކި ބަޔެއް ހެދުމަކީ، އެދޭވޭ ކަމެއް ކަމުގައި ނުދެކެމެވެ. މިއަދު އަޅުގަނޑުމެންނަށް އެންމެ ބޮޑަށް ބޭނުންވެފައި މިވަނީ ރަނގަޅު ޢަޤީދާއަކަށެވެ. ދެން ފިޤުހަށެވެ. އަޅުގަނޑުމެންގެ ތެރެއިން ބައެއް މީހުންނަށް ހީވެފައި މިއޮންނަނީ، ދެތިން ޙަދީޘާއި އޭގެ މާނަ ލޮލަށް ފެނުނީމާ، ތިމަންނަ ދަންނަބޭކަލަކަށް ވީ ކަމަށެވެ.

ފަންވަތުގައި މިވެނި ބަޔެއް ނެތޭ ކިޔާފައި މީހަކު ހަމަ ގޮވާލާއިރަށް އެބަޔެއް ހަދާކަށް ނުޖެހެއެވެ. މިސާލަކަށް އަޅުގަނޑު މިބުނަނީ، ކެމިސްޓްރީއާއި މެތެމެޓިކްސްގެ ބަޔެއް ފަންވަތުގައި ހަދައިދޭށެވެ. ދެން އެކަން ކުރަންވީތޯއެވެ؟

ޙަދީޘް ޢިލްމު ކުރިއެރުވުމަށްޓަކައި، މީހަކު މަސައްކަތްކުރުމަކީ، އެދެވިގެންވާ ރަނގަޅު ކަމެކެވެ. ނަމަވެސް، އެއްބަސް ނުވެވޭނެ ކަމަކީ، އެކަން ކުރުމުގެ ނަމުގައި ވަކި މަޒުހަބެއް ނުވަތަ ވަކި ގޮތްތަކެއް ކުރިއަރުވަން މަސައްކަތްކުރުމެވެ. އެކަންކުރާ ބަޔަކު ވާނީ، ދީނަށް ނަޞްރު ދިނުމުގެ ނަމުގައި ދީނަށް ފުރައްސާރަކުރާ ބަޔަކު ކަމުގައެވެ. އަޅުގަނޑުމެންނީ، އެފަދަ ބަޔަކު ކަމުގައި މާތް ﷲ ނުލައްވާށިއެވެ. އާމީން.

ތިޔަ ވިދާޅުވީ ވަރަށް ރަނގަޅު ވާހަކައެކެވެ. ސެލް ބަޔޮލަޖީ އަދި ރޮކެޓް ސައިންސް ފަދަ ދާއިރާތަށްވެސް ފަންވަތަށް އިތުރު ކުރަންވީއެވެ. އެދާއިރާތަކުން ލިޔުންތައްލިބެމުން ދާވަރަކަށްބަލައިގެންނެވެ. ހަދީސްއަށް ހާއްސްކުރައްވާވައިގެން ގިނަ ލިޔުއްވުންތަކެއް ލިޔުއްވާ ބޭފުޅުން އެބަ ފަންވަތަށް ފޮނުވައެވެ. "ވަކި މަޒުހަބެއް ނުވަތަ ވަކި ގޮތްތަކެއް ކުރިއަރުވަން މަސައްކަތްކުރު" މަކީ ފަންވަތުގެ ހިޔަލުގައި ނުކުރެވޭނެ ކަމެއްކަން އޭގެ ހަމަތަކުން ސާބިތުވެއެވެ. ޚާއްޞަކޮށް ތަޢައްޞުބާއި އެކު ކަމަށްވާނަމައެވެ. މިއާ ޚިލާފަށް ޢިލްމެވެރި ފަރާތަކުން ޢިލްމީ އުސްލޫބަކުން މަޛްހަބުތަކުގެ ޚިލާފު ހިމެނޭ ލިޔުމެއް ހުށަހެޅުމަކުން އެ ޖެހުމަކަށް އަޅުގަނޑުހިތުން ފަންވަތްވެސް ދެކޮޅެއް ނުހަދާނެއެވެ. އަދި އަޅުގަނޑުގެ ޚިޔާލަށް ފަންވަތުން ތާއިދުކުރެއްވުންވެސް އެކަމުގެ ގޯހެއް ނެތްކަމަށް ފަންވަތައް ފެންނަކަން ކިތައްމެ ރީއްޗަކަށްވެސް އެނގިގެންދެއެވެ.
މި މި ދަންނަވާ ގޮތުން ފަންވަތުގެ ގޮފިތައް އިތުރުވެގެން ދިއުމަކީ މައުލޫމާތުގެ ސައިޓެއްގެ ގޮތުން ފަންވަތުގެ ބުރަދަން އިތުރަށް ބަރުވެގެން ދާނެ ސަބަބެއް ކަމުގައި ނޫނީ ނުވާނެއެވެ.
-މަރިޔަމް ނޫހީން-

ޙުސައިން ޢަލީ މުޙައްމަދުގެ ޚިޔާލާ އަޅުގަނޑުގެ ޚިޔާލު ވަރަށް ތަފާތު، "ޙަދީޘު ޢިލްމު ކުރިއެރުވުމަށްޓަކައި، މީހަކު މަސައްކަތްކުރުމަކީ " އޭ އޮތުމުން އަޅުގަނޑަށް ދޭހަވީ އިސްލާމްދީނާއި ޙަދިޘާއި ވަކިކޮށްލެވިފައިވާ މިންވަރު. ޙަދީޘަކީ އިސްލާމްދީނުގެ ދެވަނަ މަޞްދަރު، ޙަދީޘު ޢިލްމާއި ނުލައި،ޢަޤީދާއެއްވެއް އަދި ފިޤުހެއްވެސް ޙާޞިލެއް ނުކުރެވޭނެ. ޙަދީޘަކީ ޤުރުއާނުގެ ތަފުސީރު. ކަމަކާމެދު ޚިޔާލު ތަފާތުވެއްޖެނަމަވެސް އަޅުގަނޑުމެން އެނބުރިދާން ޖެހޭނީ އެދެމަޞްދަރަށް. ކީރިތި ޤުރުއާނާއި ކީރިތި މާތްރަސޫލާ ޞައްލަﷲ ޢަލައިހ ވަސައްލަމްގެ ސުންނަތަށް.

އެއްދުވަހަކު އަޅުގަނޑާއި ދިމާވި ޙާދިޘާއަކީ؛ އަޅުގަނޑު ފިހާރައަކަށް ވަންއިރު ޓީވީއިން ދީނީ ތަޤުރީރު އަންނަމުންދޭ. ދެން ފިހާރައަށް އައިމީހަކު އެބަލާލަން މަޑުކޮށްލާފަ ބުނީ. "ކޮންމެ ކަމަކަށް ޢަރަބި ބަހުން ކޮންމެސް އެއްޗެއް ކިޔާފަ މާނަ ކިޔާފަ ބުނާނޭ ޙަދީޘޭ، ތީހަދަ ހަދައިގެން ކިޔާއެއްޗެހި ނޫންކަމެއްވެސް ނޭނގެޔޭ." އަޅުގަނޑުގެ ހިތަށް ވަރަށް ތަދުވި. އެކަމަކު އަޅުގަނޑު ހިތައް އެރީ އޭނާއަށް ޙަދީޘަކީ ކޮބައިކަން އަދި އޭގެ އަގު ވަޒަންނުކުރެވެނީއޭ.
އަދި މީގެ އިތުރުން އޭގެފަހުނަ ދުވަހު ނޫހެއްގައިވެސް ޙަދީޘްގެ މަޤާމް ގެއްލޭފަދަ ލިޔުމެއް ލިޔެފައި އޮއްވާ ފެނިއްޖެ.
އެހެންކަމުން މިމަޢުޟުގައި ފަންވަތް މެދުވެރިކޮށް ޢާންމުންނަށް މަޢުލޫމާތުކޮޅެއް ގެނެސްދޭން ބޭނުންވީ ކީރިތި ރަސޫލާ ޞައްލަﷲ ޢަލައިހި ވަސައްލަމްގެ ސުންނަތާއި މެދު އިހުމާލު ކުރެވިފައިވާ މިންވަރުގެ ބޮޑުކަމުން.

މަރިޔަމް ނޫހީންގެ ޚިޔާލަށް ތާއީދުކުރަމެވެ. އަޅުގަނޑުވެސް ބުރަވަނީ، މަޢުލޫމާތުގެ ގޮތުން، ފަންވަތް މުއްސަނދި ކުރުމަށެވެ. ޢިލްމީ ނަޒަރަކުން ބަލާއިރު، ތަފާތު މަޛުހަބުތަކުގެ ރައުޔުތައް ލިޔުމަކީ މައްސަލައެއް އޮތް ކަމެއް ނޫނެވެ. އެކަން ކުރުމަށް، ފަންވަތުގެ ހަމަތަކާއި ބައެއް ކިޔުންތެރިންގެ ހޭލުންތެރިކަން ތަން ނުދިނަސް، ވިންދު ޖަހާ އުންމީދު ދަމަހައްޓަން ޖެހޭނެއެވެ. ފިލޯސަފަރަކު ބުނެފައި ވެއެވެ. ވާރޭ ވެހެނީ ގަސް ހެދޭ ތަންތަނަށެވެ.