މުޞްލިޙު
 
1 - ކީރިތި ރަސޫލާ ދުނިޔޭގެ އަލިކަން ދެކެވަޑައިގަތީ، ރަބީޢުލްއައްވަލު މަހެއްގެ 12 ވަނައަށްވީ ހޯމަ ވިލޭރެއެއްގައި ކަމަށް ސީރަތު ޢިލްމުވެރިންގެ އަރިހުގައި މަޝްހޫރުވެފައިވެ އެވެ.

އެކަމަކު، ތާރީޚު ޢިލްމުވެރި ބުރަވެ ވަޑައިގަންނަވަނީ، ކީރިތި ރަސޫލާ ދުނިޔޭގެ އަލިކަން ދެކެވަޑައިގަތީ، ރަބީޢުލް އައްވަލުމަހެއްގެ 9 ވަނައަށްވީ ހޯމަ ވިލޭރޭ ކަމަށެވެ.

އެއީ އިތުބާރު ހުރި ފަލަކީ ޙިސާބުގެ ހަމަތަކުން  ބެލީމާ، އެބޭފުޅުންނަށް ލިބިވަޑައިގަންނަވާ ނަތީޖާގެ ބައްޗަށް ބައްލަވާފައެވެ.

2 - ކީރިތި މާތް ރަސޫލާ، އައްސައްޔިދާ ޢާއިޝާތުގެފާނާ ކާވަނި ބައްލަވައިގަތް ޢުމުރުފުޅެއް ކަމަށް ސީރަތުގެ ޢިލުވެރިން ލިޔުއްވަނީ އެކަމަނާގެ ޢުމުރުޅުން ހަތް އަހަރުފުޅެވެ. އެކަމަކު ތާރީޚު ޢިލްމުވެރިންގެ ތަޙުޤީޤުތަކުގެ ނަތީޖާ ވަރަށް ތަފާތެވެ.  ތާރީޚީ ހޯދުންތަކާ ދިރާސާތަކުގެ އަލީގައި، ދުނިޔޭގެ އިތުބާރު ހުރި އިސްލާމީ ބައެއް ޢިލްމުވެރިން ވިދާޅުވާ ގޮތުގައި، ޢާއިޝަތުގެފާނު، ކީރިތި މާތް ނަބިއްޔާގެ އަނބި ކަނބަލެއްގެ މަޤާމު ފުރުއްވަން ފައްޓަވާފައިވަނީ، އެކަމަނާގެ ޢުމުރު ފުޅުން 19 އަހަރުފުޅުގައެވެ.

3 -  ފަލަކީ ޢިލްމުގެ ސައިންސުވެރިން، އެއްޒަމާނެއްގައި ބުނަމުން އައީ، އިރަކީ އޭގައި ދައުރުވުމެއް ނުވާ ތަރިއެއް ކަމަށެވެ. ހުންނަތާ ސާބިތުވެ ހުންނަ ތަރިއެއް ކަމަށެވެ. އެކަމަކު، ކީރިތި ޤުރުއާނުގައި މާތް ﷲ އަންގަވާފައިވަނީ، އިރު ހަނދު އެއީ އެއަށް ކަނޑަ އަޅުއްވާފައިވާ ވަކި ދާއިރާއެއްގެ ތެރޭގައި، ދައުރުވާ ދެ  ޖުރުމު ކަމަށެވެ.  ކީރިތި ޤުރުއާނުގައި ބަޔާން ކުރައްވާފައިވާ ގޮތަށް  މި އަދުގެ ސައިންސް ވަނީ، މި ޙަޤީޤަތް ހާމަ ކޮށްދީ ކަށަވަރު ކޮށްދީފައެވެ.

4 -  ކީރިތި މާތް ރަސޫލާ އެކަލޭގެފާނުގެ ޢީދު މީލާދު (އުފަން ދުވަސް) ފާހަގަ ކުރައްވައެވެ.  އެކަމަކު، އުފަން ދުވަސް ފާހަގަ ކުރުމުގައި އަޅުގަނޑުމެންނަށް ތަބާވެވެނީ އެމާތް ރަސޫލާ ދެއްކެވި ނަމޫނާ އަކަށް ނޫނެވެ. އެކަލޭގެފާނުގެ މާތް ޢީދު މީލާދު (އުފަންދުވަސް) ފާހަގަ ކުރައްވަނީ އަޅުކަމަކުންނެވެ. ކޮންމެ ހޯމަ ދުވަހަކު ހުންނަވަނީ ރޯދަފުޅަށެވެ.

5 -   ކީރިތި މާތް ރަސޫލާ އެންމެ ފުރަތަމަ ހުކުރު ނަމާދެއް ކުރެއްވީ، މަދީނާޔަށް ހިޖުރަޔަށް ވަޑައިގަތް މަގުމަތީގައި، ބިނާ ކުރެއްވި ޤުބާ މިސްކިތުގައެވެ. އިސްލާމީ ތާރީޚުގެ ކުރީކޮޅުގައި ތާރީޚު ޢިލްމުވެރިންނާއި ސީރަތު ޢިލްމުވެރިންނަށް އެނގިވަޑައިގަންނަވަނީ، އެދުވަހަކީ، ރަބީޢުލް އައްވަލު މަހެއްގެ 8 ވަނަ ދުވަސްކަމެވެ. ނަމަވެސް ފަހުން އެމާތް ހުކުރު ދުވަހުގެ މީދާލީ ތާރީޚު،  ހޯދުނެވެ.  އެއީ 21 ސެޕްޓެމްބަރު 622 އެވެ.

މިހާތަނަށް ހުށަހަޅާފައިވާ ޚިޔާލުގެ އަދަދު (1)

...
ލިޔުނީ އީމާން, 2008-12-25 22:56:32

ހުކުރު ދުވަހު ހެނދުނު ކީރިތި ޤުރުއާން ކިޔެވުމަށްފަހު، މިފަދަ ދީނީ މަޢުލޫމާތުކޮޅަކުން ދުވަސް ފެށުމަކީ ވަރަށް ހިތްހަމަޖެހޭ ކަމެއް. މުޞްލިޙުއަށް ވަރަށް ބޮޑަށް ޝުކުރިއްޔާ.

ޚިޔާލު ހުށަހަޅާ

ހުށަހަޅާ

ނަން

ޚިޔާލު ލިޔާބައި ކުޑަކުރޭ | ލިޔާބައި ބޮޑުކުރޭ

މަތިން ފެންނަ އަކުރުތަށް ހުރިގޮތަށް (އިގިރޭސިން) ލިއުއްވާ

ހުށަހެޅުމަށްޓަކައި މަތިން ވާތްފަރާތުގައިވާ "ހުށަހަޅާ" ބަޓްން ބޭނުންކުރަށްވާ