ފަންވަތް ދިވެހި ވަޒަންބަހުރުވަ ބޭއިންސާފު
ބެލި ޢަދަދު: 1155
ބޭއިންސާފު ޕްރިންޓް އީމެއިލް
ކިޔުންތެރިން ދެކޭގޮތް / 6
ދެރަވަރަށްމޮޅު 
ދިވެހި - ވަޒަންބަހުރުވަ
07 ސެޕްޓެމްބަރ 2010، 14:48 އަންގާރަ

އަޙްމަދު ޝަމީނު ދޮންމަނިކު (2010)
 

ދެ އިނގިއްޔަކުންނޫނެވެ.
އޭނާ އަހަރެން ބިނދެލީ ހަތަރެސްފައިންނެވެ.
ބިނދެލީއެއްނޫނެވެ. ޖެހިކުއްލިއަކުން އުފުރައިގަތީ އެވެ.
ނޫނެކެވެ. އޭނާ އަހަރެން ގަސްދުގައި ޗިސްޗިސްކޮށްލީ އެވެ.
މީހުން ބުނެއުޅެ އެވެ. އެ ފިނިފެންމަލުގެ ކުށަކީ ރަތްކުލައިގައި އިނދެ ފޮޅުމެވެ.

އަތްގޮށްޓަކުންނޫނެވެ.
އޭނާ އަލާ ކެނޑުނީ އަހަރެންގެތެރޭ ފީނައި ވެސް ލައިގެނެވެ.
ފީނީއެއްނޫނެވެ. ގަނބަހައްދާލައި އަޑީގައިވާ ކިސަޑުތައް އޭނާ ހިލުވައިފި އެވެ.
ނޫނެކެވެ. އޭނާ އަހަރެން ހިނގާ މަގު، ގަލާ ހިލައަޅާ ފޮރުވާލީ އެވެ.
މީހުން ބުނެއުޅެއެވެ. އެކޯރުގެ ކުށަކީ އުސްބިމުން ތިރިބިންތަކަށް ފެންފޯރުކޮށްދިނުމެވެ.

އަތްތިލައަކުންނޫނެވެ.
އޭނާ މަސަލަސްވީ އަހަރެންގެ މޫނުގައި ފިރުމާލެވުނީމަ އެވެ.
ފިރުމާލީއެއްނޫނެވެ. އޭނާގެ ހިތުގެ ހޫނު އިޙްސާސްތައް ހިއްސާކޮށްލީ އެވެ.
ނޫނެކެވެ. ގޮށްމުށްކަވައި އޭނާ ހަމަ ނިކަން ވަރުހުރި ބޮނޑިއެއްއެޅީ އެވެ.
މީހުން ބުނެއުޅެ އެވެ. އެމޫނުގެ ކުށަކީ ހިތުގެ މުރާދާއެއްގޮތަށް ޢިބާރަތްކުރާނެ ދުލެއްއޭގައި ވުމެވެ.

އަތްފޯރާ ހިސާބުގައެވެ.
ތިބާގެ ޙަޔާތުގައި ބޭއިންސާފާ ކުރިމަތިވެދާނެ އެވެ.
ކުރިމަތިވުން އެކަންޏެއްނޫނެވެ. ތިބާގެ މުޅި ދިރިއުޅުން ވެސް ބޭއިންސާފަކުން ބަރުބާދު ވެސް ވެދާނެ އެވެ.
އާނއެކެވެ. ބޭއިންސާފާ، މި ނަހަމަކަމުގެ ހުސްކަން ފުރާދެވެނީ އާޚިރަތުގަ އެވެ.
މީހުން ބުނެއުޅެއެވެ. ދުނިޔަވީ ބޭއިންސާފުގެ ބަދަލު ހޯދުމަށް އާޚިރަތަށްޓަކައި ތިބާ ތައްޔާރުވާށެވެ.
އެކަން ކުރުން އެއީ ތިބާގެ އަތްފޯރާ ހިސާބުގައިވާ ކަމެކެވެ.

(ނިމުނީ)
މިހާތަނަށް ހުށަހަޅާފައިވާ ޚިޔާލުގެ އަދަދު (2)Add Comment
...
ލިޔުނީ މަޤުތޫލު, 2010-09-08 03:49:15

ވަރަށް ރީތި. ޚިޔާލު ތަނަވަސް. މާނަ ފުން. އަސަރުގަދަ. ފިލާވަޅު ޢިބްރަތްތެރި.
...
ލިޔުނީ ފަޒީލް, 2011-06-29 18:23:36
ވަރަށް، ޗާލު. ޚާއްޞަކޮށް ބަސް އެތުރުން ހަމަ ވަރަށް ޗާލު. ވަރަށް ހިއްގައިމު. ތަނަވަސް ޚިޔާލެއް. މާނައިން ފުރިގެންވާ ލިޔުމެއް. ދެން ވަރަށް މޮޅު ލިޔުމެއް. އަސަރުގަދަ ފިލާވަޅުތަކެއް ލިއްބައިދިން ފަށުވި ޢިބާރާތް ތަކަކުން އަމުނާލެވިފައިވާ ލިޔުމެއް

ޚިޔާލު ހުށަހަޅާ
ލިޔާބައި ކުޑަކުރޭ | ލިޔާބައި ބޮޑުކުރޭ

security code
މަތިން ފެންނަ އަކުރުތަށް ހުރިގޮތަށް (އިގިރޭސިން) ލިއުއްވާ

ހުށަހެޅުމަށްޓަކައި މަތިން ވާތްފަރާތުގައިވާ "ހުށަހަޅާ" ބަޓްން ބޭނުންކުރަށްވާ

busy
 
ހަމަ މި ގަލަމުން
ބެލި ޢަދަދު: 1155
extra avandia and congestive heart failure