އައްސަލާމް ޢަލައިކުމް. ވަރަށް ޢިބްރަތްތެރި ވާހަކައެއް މާޝާ ﷲ. ލިޔުންތެރިޔާ ހުށަހަޅުއްވާފައިވާގޮތުން ވަރަށް އަސަރުގަދަ. އަޅުގަނޑު ބޭނުން އާދަމް ނަސީރުގެ މިފަދަ ވާހަކަތައް އަޅުގަނޑުމެން ހިންގާ ސައިޓެއްގައި ޖަހާލަން. އެކަމުގެ ހުއްދައަކަށް އެދެން.

މާތް ﷲ އެޒުވާނާއަށް ދެ ދުނިޔޭގެ ބާއްޖަވެރިކަން މިންވަރު ކުރައްވައި ކުށްފާފައިން އޭނާގެ ނަފްސް ތާޙިރު ކުރައްވައި، އީމާންކަމުގެ ބަރަކާތުން އިނބަ ﷲގެ ދީލަތިވަންތަ ރަޙްމަތް އެއަޅާގެ މައްޗަށް ގުނަގުނައިން އިތުރުކުރައްވާއި އޭނާގެ ހިތް އެމަގުގައި، އިނބަ ﷲގެ ޙަޟްރަތަށް ގެންދެވޭންދެން ސާބިތުކުރައްވައި ލަހައްޓަވައިފާންދޭ. ޔާﷲ އަޅަމެނަށް ސީދާވެގެންވާ ތެދުމަގަށް މަގު ދެއްކެވުމަށްފަހަށް އެމަގުން އަޅަމެން ދުރުނުކުރައްވާންދޭވެ.. ފަހެ އިނބަރަސްކަލާނގެ ހެޔޮމަގެއް ދައްކަވައި، ދެއްވަވައިފި އަޅަކަށް ނުބައި މަގެއް، ނުބައި ކަމެއް، ދައްކައިދޭނޭ އެހެން ފަރާތެއް މިއުޑު ހިޔާވައްސަކު ނުވެއެވެ. އަދި އިނބަރަސްކަލާނގެ ނުބައި މަގެއް ދައްކަވައި، ދެއްވައިފި އަޅަކަށް ހެޔޮ މަގެއް، ހެޔޮ ކަމެއް، ދައްކައިދޭނޭ އެހެން ފަރާތެއް މިއުޑު ހިޔާވައްސަކު ނުވެއެވެ. މިޒުވާނާގެ ވާހަކަ އަހައިފައި އަޅުގަނޑުގެ ހިތަށް އަންނަނީ ސޫރަތުލް ފާތިޙާގެ 7 ވަނަ އާޔަތުގެ މާނައެވެ. އެއާޔަތުގެ މާނައިގައި ވެއެވެ. (އެއީ) އެއުރެންނަށް އިނބަރަސްކަލާނގެ ނިޢުމަތް ދެއްވި މީހުންގެ މަގެވެ. އެއުރެންގެ މައްޗަށް ކޯފާލެއްވިގެންވާ މީހުންގެ މަގެއް ނޫނެވެ. އަދި މަގުފުރެދިގެންވާ މީހުންގެ މަގެއްވެސް ނުމެ ނޫންމެއެވެ. ﷲ އަކްބަރު! އިނބަރަސްކަލާނގެ ބަސްފުޅަށް ވުރެން ވަކީން ޙައްޤުކަން ބޮޑު ދެވަނަ ބަސްފުޅެއް ނުވެއެވެ. އިނބަﷲ މިވަޙީ ބަސްފުޅު، އާދެ މުސްލިމުންގެ މިމާތްވެގެންވާ ދުސްތޫރު އަދި ޙިދާޔަތުގެ އަލިގަނދަ ނޫރު ކިޔެވުމުންނާއި އަޑުއެހުން އަޅަމެންގެ އީމާންކަން އިތުރުކުރައްވާށި. އާމީން

ވަޢަލައިކުމުއްސަލާމް! ޝާފިޢު އަޅުގަނޑާމެދު ތިޔަ ވިދާޅު އިޚްލާޞްތެރި ޝުޢޫރުތަކަށްޓަކައި ވަރަށް ހިތްހެޔޮކަމާއެކު ޝުކުރުދަންނަވައިލަމެވެ.

ފަންވަތުގައި އަޅުގަނޑު މި ލިޔާ ލިޔުންތަކަކީ، ވަކި އުސޫލުތަކެއްގެ މަތިން ވެވިފައިވާ އެއްބަސްވުމަކަށް ރިޢާޔަށްކޮށް ލިޔެވޭ ވަކި ރޫޙެއްގެ ލިޔުންތަކެކެވެ. މި ދެންނެވި އެއްބަސްވުން އަޅުގަނޑު ގަބޫލުކޮށްފައި އޮންނާނީ އަޅުގަނޑަށް ކީރިތި ﷲ މި ހުނަރު މިންވަރު ކުރައްވައިފައިވާ ނިސްބަތުން، މި ހުނަރު އަޅުގަނޑުގެ ކިބައިން މުޖުތަމަޢަށް ފޯރުކޮށްދިނުމުގައި، އަމިއްލަ ނަފުސާއި ދީނާއި ޤައުމަށް އަމާނާތްތެރިވުމުގެ ގޮތުން، އަޅުގަނޑު ހިފަހައްޓަންޖެހޭނެ ކަމަށް ގަބޫލުކުރާ ހަމަތަކަކާއި އިންތަކެއްގެ އަސާސްމަތީގަ އެވެ. މި ދެންނެވި ވިސްނުމާއެކު، ދަންނަވައިލަމެވެ. ފަންވަތުގައި އަޅުގަނޑު ހިމަނާލައި ލިޔުންތަކުގެ ތެރެއިން ޝާފިޢު ޝައުޤުވެރިވެވަޑައިގަންނަވާ ލިޔުމެއް ވާނަމަ، އެ ލިޔުމެއްގެ ބޭނުން ހެޔޮގޮތުގައި ހިއްޕެވުމީ އަޅުގަނޑު މަރުޙަބާ ދަންނަވާކަމެކެވެ. އެކަމަކު އަޅުގަނޑުގެ ވެސް އެދުމެއް އެބަ އޮތެވެ. ނުވަތަ ޝަރުޠެއް ކަމަށް ބެއްލެވިޔަސް އެންމެ ރަނގަޅެވެ. އެ ލިޔުމެއްގެ ތިރީގައި '' މިއީ www.fanvai.infoއިން ނަކަލު ކޮށްފައިވާ ލިޔުމެކެވެ.'' މި ފަދައިން ޖައްސަވައިލައިދެއްވުން އެދެމެވެ. ފަންވަތުގެ އެއްބަސްވުމަށް އަޅުގަނޑު ވެސް އިޙްތިރާމު ކުރަންޖެހޭނެ ނޫންތޯ އެވެ؟ ވަރަށް ޝުކުރިއްޔާ!

އަޅުގަނޑަށް މިލިޔުން ކިޔާލެވުމުން ހިތަށްއަރާ އަޅުގަނޑުގެ ރަޙްމަތްތެރިޔާ ވެސް މިފަދަ ޙާދިޘާއެއް ދިމާވެގެން އަޅުގަނޑަށް ކިޔައިދޭނެ ނަމައޭ.. އަޅުގަނޑު ބޭނުން އަޅުގަނޑުގެ ރަޙްމަތްތެރިއާއަށް ވެސް މިފަދަ އިބްރަތްތެރި ހާދިޘާއެއް ކުރިމަތި ކުރައްވައިގެން އޭނާ ވެސް މާތްﷲ ގެ ރުހުން ލިބެނިވިގޮތަކަށް ދުނިޔޭގައި އުޅެން. އަޅުގަނޑު އޭނާއަށް ނަޞޭޙަތްތެރިވެގެން އަދި އެއްވެސް ބަދަލެއް ނާދޭ. ހަމަ ލިޔުމުގައިވާފަދަ ފާފަތަކަށް އަރައިގަތުމުގައި އަދިވެސް ހުރީ.

އަލް އަޚް ޙަސަން ތިޔަ ކުރައްވާ މިންނެން މަސައްކަތަށް މާތް ﷲ ކާމިޔާބީ މިންވަރު ކުރައްވާށިއެވެ. އަދިވެސް މަސައްކަތް ކުރާށެވެ. ތިބާގެ އެކުވެރިޔާ އިންޝާ ﷲ ހެޔޮމަގަށް ރުޖޫޢަ ކުރެވޭނޭ. ގިނަ ގިނައިން އޭނަގާތުގައި އެވާހަކަތަށް ދައްކާށެވެ. ޝަކުވާކޮށް އޭނާ ހުންނަ އުނި ސިފަތައް ބުނާ އުސޫލަކުންނެއް ނޫނެވެ. ރިވެތި ގޮތުގައި އޭނާއަށް ހެޔޮއެދޭ ރަޙްމަތްތެރިއެއްކަން ވިސްނުވައިދީގެން..ޚުދު އޭނާގެ އަމިއްލަ ނަފްސަށް އޭނާ ކުރާ ކަންކަމުގެ ނުބައިކަން ވިސްނި އޭގެ ހެޔޮގޮތްވެސް އޭނާގެ އަމިއްލަ ނަފްސަށް ވިނުނީމާ ދެން ލަހެއް ފަހެއް ނެތި އޭނާގެ އުޅުން އިޞްލާޙް ވަމުންދާތީ ތިބާ ދެކޭނޫއެވެ. ހަނދާންކޮށްދިނުމަކީ މުއުމިންތަކުންނަށް ނުހަނު މަންފައުކުރާނޭ ކަމެކެވެ. ހަނދާންކޮށް ދޭނީ ރިވެތި ގޮތުގައި ނަޞޭޙަތުގެ މަގުންނެވެ.