ތިމާ ދޫކޮށްފައި ފިރިމީހާއަށް ދާން މަޖުބޫރުކުރަން ބޭނުންނަމަ އަވަސް އަވަހަށް ޢާއިލާއާއި ބެހޭ ކޯޓަށް ވަރިވާން ސިޓީލާށެވެ! އެއަށްވުރެ ފަސޭހައިން ތިކަންވާނެގޮތެއް ނެތެވެ!

ﷲ ތަޢާލާ ގަންދެމެވެ. ތިޔައީ ހުސް ތެދެވެ. އަހަރެންގެ ދިރިއުޅުމުގައި ހަމަތިކަން ތިޔަ ގޮތަށް ތަޖުރިބާ ކޮށްފީމެވެ. އަހަރެންގެ އެންމެ ފަހު އުންމީދުތައްވެސް އަނބިމީހާ ނަގާލައިފިކަން އެނގުމުން އަހަރެން އޭނާ ވަރިކުރުމަށް ކޯޓަށް ހިނގައްޖައީމެވެ. ވަފާތެރި އަންބަކަށް ނުވެވުނު ތާނގައި އަހަރެންގެ ތުއްތުދަރިފުޅަށް ހެޔޮމަގު ދައްކާނޭ މަންމައަކަށްވެސް އޭނާއަށް ނުވެވޭނެކަން އެނގޭތީއެވެ. ކައިވެނީގެ ވަގުތުގައި އޭނާ ދުވަހަކުވެސް ވަރި ނުކުރުމަށް އަހަރެން ވަޢުދުވީމެވެ. އިރާދަ ކުރެއްވިޔާ އެވަޢުދުވެސް އަހަރެން ފުއްދާނަމެވެ. އަހަރެން އޭނާ ވަރިއެއް ނުކުރާނަމެވެ. އަހަރެމެން ވަރިކޮށްދޭނީ ކާވެނިވެސް ކޮށްދިން ޙާކިމެވެ. ބުނެބަލާށެވެ. އޭރުން އަހަރެން އަހަރެންގެ ވަޢުދު އުވާލީ ކަމުގައި ވާނެ ހެއްޔެވެ؟ އަހަރެން އެދެނީ ﷲ ތަޢާލާ ވަޢުދު ނުފުއްދާ މީހުންގެ ތެރޭގައި އަހުރެން ނުލެއްވުމެވެ.