ބަހުގެ ވައްތަރުތައް އޮޅުންފިލުވައި ދެއްވީތީ ޝުކުރިއްޔާއެވެ. މެދުގައި އެއޮތްބަހުން ދަތުރުނުކުރެވޭނެއެވެ. ދެކޮޅުގައި އޮތް ދެބަހުގެ ތެރެއިން ކޮންމެ ބަހަކަށް އެރިދާނެއެވެ. ހުތުރުބަހުގައި ދަތުރުކުރާނަމަ އުޅެންޖެހޭ ހާލު މެދުގައިވާ ފޮޓޯއިން ވަރަށް ބޮޑަށް އެނގެއެވެ.

ތިޔަ ވިދާޅުވީ ހަމަ ރަނގަޅުވާހަކައެކެވެ. ދިވެހިންވެސް މިބޭނުންކުރާ ދިވެހި ބަހަކީ ދިވެހި ވަންތަ ބަހެކެވެ. ރީތި ހުތުރު ވަކިކޮށް އެނގެންއޮތް މުއްސަނދި ބަހެކެވެ. އެހެނަސް މިއަދުވެސް އަޅުގަނޑުމެންނަށް ފެންނަމުންގެންދަނީ ދިވެހިބަހަށް އުނިކަން ލިބޭފަދަ ގޮތަކަށް ދިވެހިންގެ ބަސް ދިވެހިން ބޭނުންކުރަމުން ދާތީއެވެ. ތިޔަ މަޒްމޫންތަކަކީ މަޢުލޫމާތުން ފުރިގެންވާ މަޒްމޫން ތަކެކެވެ. ތިފަދަ މަޒްމޫންތަކަށް އަޅުގަނޑުމެން މަރުޙަބާކިޔަމެވެ.

އެކަމަކު މިސައިޓްގައި ރަނގަޅުކޮއްލުމުގެ ގޮތުން ބައެއްނުކުތާތައް އަޅުގަނޑުގެ ޚިޔާލުހުރިގޮތަށް ލިޔެލާނަމެވެ. އެގޮތުން މިސައިޓަކީ މަޢުލޫމާތު ޙަޒާނާއަށް ވީއިރު ދިވެހިންގެ ދިވެހިބަސް ކުރިއެރުވުމަށް ސައިޓްގައިހުރި އިނގިރޭސިބަސްތައް މަދުކޮށް ވީވަރަކުން ދިވެހިބަސް ސައިޓްގައި ގިނަކުރުމަށް ދަންނަވަމެވެ. އެގޮތުން މިހާރު
1. ރޭޓް ޖަހާފައި އިންނަ ތަނުގެ ބަދަލުގައި '' ދަރަޖަ '' ޖެހުން ކިހިނެއް ވާނެތޯއެވެ؟
2. ޕްރިންޓް ކުރަން އިންނަ އައިކޮންގައި '' ޗާޕްކުރޭ '' ޖެހުން ކިހިނެއް ވާނެތޯއެވެ؟
3. ޑައުންލޯންޑްގެ ބަދަލުގައި '' ވިއުގަ އިން ނެންގެވުމަށް '' ފަދަ ބަސް ބޭނުންކުރުން ކިހިނެއްވާނެތޯއެވެ؟
4. ޒުވާބު ފޮށީގެ ތިރީގައިވާ މެސެޖްގެ ބަދަލުގައި '' ބުނަން ބޭނުންވާ ބަސް '' މިފަދަ ގޮތަކަށް ބޭނުންކުރުން ކިހިނެއްވާނެތޯއެވެ؟

މިއީ އަޅުގަނޑުގެ ޚިޔާލެވެ. ބޭނުމަކީ ތިޔަ ސައިޓްފަދަ ބޭނުންތެރި ސައިޓެއްގައި ދިވެހިބަސް މަދުކޮށް ދިވެހިބަހަކީވެސް މުއްސަނދިބަހެއްކަން އެހެންމީހުންނަށް ހާމަކޮށްދިނުމެވެ. އަޅުގަނޑުގެ އުންމީދަކީ މިފަދަ ދިވެހިބަހުގެ މަޢުލޫމާތު މުއްސަނދި ސައިޓްތަކުގައި ދިވެހިބަހުގެ މުއްސަނދިކަން އަންގައިދިނުމެވެ. އަޅުގަނޑުގެ އުންމީދަކީ މިފަދަ ޚިޔާލުތައް ބަލައިގަނެ ސައިޓް އަޅުގަނޑުމެން ކިޔުންތެރިންގެ ހިތްހަމަޖެހޭގޮތަށް ފަރުމާކުރެވިގެންދިއުމެވެ.

އަބަދުވެސް އެދެނީ މިފަދަ ސިޔާސީކަންތަކާއި ދުރު މަޢުލޫމާތުތަކުން ފުރިގެންވާ ސައިޓަކަށް މިސައިޓްވުމެވެ.

ފާއިޒުގެ ޚިޔާލަށް ތާއީދުކުރަމެވެ. އަދި އެނޫން ބަސްތައްވެސް ބޮޑަށްދިވެހިކޮށް ލިއުންތައްވެސް އެއްއުސޫލަކުން ހިފެހެއްޓުން ރަނގަޅުވާނެކަމަށް ދެކެމެވެ.

ފާއިޒުގެ ޚިޔާލަށް ބަލާފައި ބުނަމެވެ.
ދެކޭގޮތް ވިދާޅުވީތީ ޝުކުރިއްޔާ => ދަރަޖަ ދެއްވީތީ ޝުކުރިއްޔާ ނުވަތަ އަގުކުރެއްވީތީ ޝުކުރިއްޔާ
ކިއުންތެރިން ދެކޭ ގޮތް => ކިއުންތެރިން ދެއްވާ ދަރަޖަ ނުވަތަ ކިއުންތެރިންގެ އަގުކުރެއްވުން
ރޭޓް => ދަރަޖަ ނުވަތަ އަގު
މިއިސްލާހުތައް ގެންނެވުން އެދެމެވެ.

ވަރަށް ފައްކާ ސްޓައިލަކަށް ލިޔެފައިވާ މަޒުމޫނެއް. އެންމެ ހިތްގައިމީ ފޮޓޯތަކާ ލިޔުމުގައި ދެއްކި ވާހަކަޔާ ގުޅުވާފައި އޮތްގޮތް. މިހާރު ހިތަށް އަރަނީ ހުތުރު ބަހުން ވާހަކަ ދެއްކުމަކީ މެދުގައި އެ އޮތް ހަޑި މުޑުދާރު ބަހުން ދަތުރު ކުރުންފަދަ ނާތަހުޒީބު ނުތާހިރު ކަމެކޭ. އަސްލު އަހަރެމެންކަހަލަ ޒުވާނުންނަށް ދިވެހި ބަހުގެ ވެސް އަދި އަޚްލާގުގެވެސް މިކަހަލަ ވަރަށް އާދައިގެން ކަންތައްވެސް ނޭނގޭ. މި ހާރު އިޙްސާސްކުރެވިއްޖެ. ރީތިކޮށް އެންމެ ފަހުގެ މޯބައިލާއި ޓީޝާޓާއި ޖީންސް ލައިގެން މެދުގައި އޮތް ބަހަށް ރުހުމުގައި އަރާނީ ކާކު. ފުރަތަމަ ބަސް ރީތީ. އެއީ ރީތިބަސް. ދެންވާހަކަ ދައްކާނީވެސް އެފަދަ ރީތިބަހުން. ވަރަށް ބޮޑަށް ޝުކުރިއްޔާ އާދަމް އަށް!