ނަސީރުގެ ލިޔުއްވުންތަކަށް ވަރަށް ތާއީދުކުރެވޭ. ތިޔަ ވިދާޅުވާ ވާހަކައަކީ ހަމަތެދުފުޅެއް. ޤައުމީޓީވީއިންވެސް އަދި ނޫސްތަކުންވެސް ތިޔަފަދަ ގޮތަށް ޙަބަރުތައް ގެނެސްދީފައި އެބަހުރި. ތިޔަ ފަދަ ލިޔުއްވުންތަކުން ޙޭލުންތެރިކަން އިތުރުވާނޭކަމަށްފެނޭ. އަބަދުވެސް އެދެނީ ތިޔަފަދަ ލިޔުއްވުންތައް މިސައިޓްގައި ޝާއިޢުކޮށްދެއްވުން...

ވަރަށް ފުރިހަމަ ތިން މިސާލު ތިޔަ ގެނެސްދެއްވީ. ކޮންމެ ލަފުޒެއް ބޭނުންކުރަންޖެހޭ ހަމަތަކެއް ވާކަން މިހާރު ވިސްނިއްޖެ.

1-ވަރަށް ރަނގަޅު ލިއުއްވުމެއް. ލަފުޒަކީ ވަރަށް ބާރުގަދަ އެއްޗެއް. ނުވިސްނައި ބޭނުންކުރެވޭ ލަފުޒަކުން، އެ ލަފުޒު ބޭނުންކުރި މީހާ ދޭހަކޮށްދޭން ބޭނުންވި މާނަ ނޫން އެހެން މާނައެއް އަޑުއަހާ މީހާ އަށް ދޭހަވާ ގޮތް ވެސް ވެދާނެ. ހަމަ އެފަދައިން، ވާހަކަދެއްކި މީހާ އަޑުއެހި މީހާއަށް ކުރުވާން ބޭނުންވި އަސަރު ނޫން އެހެން އަސަރެއް ވެސް އަޑުއެހި މީހާ އަށް ކޮށްފާނެ.
2-ނަޞީރުގެ ތިންވަނަ މިސާލާ މެދު އަޅުގަނޑު ވާހަކައެއް ދަންނަވައިލާނަން. "ބަނޑާ ގުޅުވައިގެން، ''އެޅުން'' މި ލަފުޒު އައިމާ އެބަސް ... މާރުކޭޓުގެ މަސްކަނޑާ އަށިމައްޗަށް" ނޫނަސް ރަނގަޅުވާ ޙާލަތު އާދޭ. މިސާލަކަށް: (ހ) ފާރުގައި ބަނޑުއަޅައިގެން ތިޔަ ގޮތަށް އޮތްވައި މަގުމައްޗަށް ވެއްޓިދާނެ! (ށ) ރާނާ އިރު، މި ކުދި ގައުކޮޅުތައް ފާރުގެ ބަނޑު އަޅާން ރަނގަޅުވާނެ. (ނ) މުދައުއުފުލާ ބަނޑު އަޅައިފައި އޮތީ މަގަތު ފާލަމުގައި. (ރ) އަހަރެން އޭނާ ބަލައި ބޮޑުކުރީ އަހަރެން ބަނޑު އަޅައި ވިހޭ ދަރިއެއް ވެސް ބަލައި ބޮޑުކުރާނޭ ހެން. ނަޞީރުގެ މިސާލުގައި ވިދާޅުވެފައިވާ ޖުމުލަ އަޑުއަހައިލާން އަޅުގަނޑަށް އުނދަގޫ ވަނީ، އެ ބުނަން އުޅުނު ވާހަކައާ އެ ލަފުޒާ ނުގުޅުނީމާ.
3-ބައެއް ފަހަރު، "ކުޅަދާނަ މީހުން" މި ކަހަލަ ބަސްބަސް ދެ މާނަ ނެގޭ ގޮތަށް ވެސް ބޭނުން ކުރޭ. މިސާލަކަށް ތެޅިގަލުން ރާނާން ހުރި މީހަކާ ދިމާއަށް "ރާނާ އިރު ބަނޑުއަޅާން މި ގައުކޮޅުތައް ރަނގަޅުވާނެ!" އޭ، ގައުކޮޅުތަކެއް ދައްކައިފައި ބުނެފާނެ. އެކަމަކު "ރާނާން ހުންނަ އިރު ބަނޑު އަޅާން މި ގައުކޮޅުތައް ރަނގަޅުވާނެ!" އޭ ބުނެފިއްޔާ އަޅުގަނޑަށް ދޭހަވަނީ ހުތުރު ބަހުރުވައިން ކެއުމުގެ މާނަ. ފަހު ޖުމުލައިން އަޅުގަނޑަށް ދެ މާނަ ނުނެގެނީ "ހުންނަ" އައުމުން. އެ ލަފުޒު ރައްދުވަނީ ހަމަ އެކަނި ރާނާ މީހާ އަށް ކަމަށް ވާތީ. ފާރުގެ ބަނޑަށް ރައްދު ނުވާތީ.