ތެދުފުޅެއް.. މިހާރު މީހުން ވާހަކަދައްކާ އިރު މި ބޭނުންކުރާ 'ދޯ'ތައް ގިނަކަމުން އަޑުއަހާ މީހާ ހުންނަނީ އަނބުރައިގަންނަވަރު ވެފައި، ބަނޑުގަލުގެ ގޮތުގައި ނަސީރު ފާހަގަކުރެއްވި އެއްޗެހި ބޭނުންކުރެވޭ ޙާލަތްތަކެއްވެސް ހުރޭ އެހެންނޫންތޯ؟ ނަސީރު އެތަންކޮޅު ފާހަގަކޮށްލެއްވި ނަމަ މައުލޫއިން ބޭރުވީސް ކަމަކަށް އަޅުގަނޑު ނުދެކެން، އަދި އެހެން ނުލިޔުއްވީތީ ބައެއް މީހުންނަށް ދޯއަކީ އެއްވެސް ހާލެއްގައި ބޭނުންކޮށްގެންވާނޭ އެއްޗެއް ނޫނޭ ހީވެ، އެމީހާގެ ބަސްކޮށާރުން އެ ބަސްތައް މުޅިން ފުހެލުން ވެސް އެކަށީގެންވޭ.
ވަރަށް އުފާކޮށްފިން ދިވެހި ބަހާމެދު އަޅުގަނޑުމެންގެ ލޯ ހުޅުވާލަދެއްވަން ތިޔަ ކުރައްވާ މަސައްކަތާ މެދު.

މިހާރު އޮފީހެއްގެ ވެރިޔަކު ވެސް ވާހަކައެއް ދައްކާ ނިމޭއިރު އެވާހަކައިގެ ދެބައިކުޅައެއްބަޔަށްވުރެ، ވާހަކައަކީ ވާހަކައަކީ ގިނައެވެ. މިބުނީ އަޅުގަނޑު އުޅޭ އޮފީހުގެ ވެރިމީހާގެ ވާހަކައެވެ. އޮފީހުގެ ހުރިހާ ކުދިންވެސް އޭނާގެ "ވާހަކައަކީއަށް" ޖޯކުޖަހައެވެ. އޭނާއަށް އަޅުގަނޑުމެން ކިޔަނީ ވާހަކަބޮސް އެވެ. އެއްދުވަހަކު ޓީވީއަށް އިންޓަވިއުއެއް ދިން އިރުވެސް ޓީވީ ބަލާފައި ހީނހީނ ހަލާކުނުވީ ކިރިޔާއެވެ. އޮފީހުގެ ބައެއް ކުދިން މިހާރު އޭނާއާ ވާހަކަދައްކާއިރު އޭނާ ވާހަކަދައްކާ ގޮތަށް ވާހަކައަކީ ވާހަކައަކީއޭ ކިޔައިގެން ވާހަކަދައްކާ ހަޖޫޖަހައެވެ. އޭނާގެ ގަމާރުކަމުން އޭނާއަކަށް އެކަމެއް ރޭކާވެސް ނުލައެވެ. އަދިވެސް އޭނާ ކިޔާ އެއްޗެއްގެ ވާހަކަ ނަންގެންފާނަމެވެ. އެއީ، "އެހެންނަމަހީވެސް" އެވެ. ވާހަކަ ދައްކާއިރު ދެބަހު ދެކޮޅު މިހެން ވެސް ކިޔައެވެ.
"އެހެންނަމަހީވެސް"، މިއީ ކޮންކަހަލަ "ހީ" އެއް ކަމެއް އަޅުގަނޑަކަށް ނޭގެއެވެ. ނަޞީރުއަށް އެނގިވަޑައިގަންނަވާނަމަ، އެއީ ކޮންވައްތަރެއްގެ ހީއެއްކަން ވިދާޅުވެދެއްވާފާނަންތޯއެވެ؟

ބަނޑުގަލާއި ބަނޑު އަކިރީގެ ތަފާތަކީ ކޮބައިބާ؟ ކޮންމެޔަކަސް މި މަޒުމޫނުގެ ވާހަކަ ތަކަކީ ވަރަށް މުހިންމު މައުޒޫއެއް. މިހާރު ހަމަ ތިގޮތަށް ތިކަންވޭ. އުނދަގޫވާ ވަރަށް ވެސްވޭ. ކަމުގެ ހައްލެއް ގެނެސްދެއްވާފައި އޮތީމާ ވަރަށް ފުރިހަމަ.

ރޭނުމުގައި ބަނޑުގަލަކީ ބޭނުންތެރި އެއްޗެއް. ރާނާ އިރު ބަނޑުގާ އެޅުމުން ރޭނުންގަނޑަށް އިތުރު ބަދަހިކަމެއް ލިބޭ. އެކަމަކު ބަހުގައި ތިޔަ ވިދާޅުވި ބަނޑުގަލުގެ ބޭނުމެއް ނޯވޭ... އަޅުގަނޑަކަށް އެ ލަފުޒުތަކާ ބަނޑުގަލުގެ ނަމަކާ ނުގުޅޭ.... އެކަމަކު ވަރަށް ބޭނުންތެރި ލިއުއްވުމެއް.

ޝާހިދު ޚިޔާލުފުޅެއް ދެއްވީތީ، ވަރަށް އުފާވި. ވަރަށް ހިތްވަރު ލިބުނު. ފާޅުކުރައްވާފައިވާ ޚިޔާލުފުޅާމެދު ވިސްނާލިން. ކުރިޔަށް އޮތްތާނގައިވެސް ތިޔަ ފަދައިން ދެއްވާ އެއެްބާރު ލެއްވުންތަކަށް ޝައުޤުވެރިކަމާއެކު، ހެޔޮ ހިތުން އެދިހުރިވާހަކަ ދަންނަވާލިން. ތިޔަ ފާޑުވިދާޅުވުމަކީ، އަޅުގަނޑު އެދޭ ކަހަލަ ފާޑުވިދާޅުވުމެއް. ބިނާ ކުރަނިވި، ޢިލްމީ އަދަބީ ފާޑުވިދާޅުވުމެއް. ވަރަަށް ޝުކުރިއްޔާ!

ނަސީރު އެވިދާޅުވަނީ ހަމަ ހަޤީޤީ ވާހަހައެކެވެ. މިހާރުދެން ބަނޑުގާ ވަރަށް ގިނައެވެ. އެކިއެކި ބަހުރުވަ ތަކުންވެސް މިބައި މިހާރު ފެންނަމުން އެބަދެއެވެ. " އަސްލުގާ" އަކީވެސް މިގޮތަށް މިހާރު މަދުންނަމަވެސް ބޭނުން ކުރެވޭ ބަހެކެވެ. މީގެ އިތުރަށް މާނައޮޅޭ ގޮތަށް ބައެއްބަސް ބޭނުން ކުރެވޭކަންވެސް ފާހަގަކުރެވެއެވެ. މިސާލަކަށް ވީގޮތަކީ ބުނަންވާ ތަނަކަށް ވީއެއްޗަކީ އޭ އެބަބުނެއެވެ. އެކަމަކު " ވުން" އެއީ މަސްދަރަކަށްވެފައި " އެއްޗެއް" އެއީ ނަމަކަށް ވާއިރު ވިސްނާލީމަވެސް އެއްޗެއް ނުވާނެކަމާއި ވާނީ ކަމެއްކަން އެނގޭނއެވެ. މިފަދަ ކަންތައް ހައްލުކުރުމަށް ކޮންމެވެސް ބަޔަކު މަސައްކަތް ނުކޮށްފިނަމަ ދިވެހި ބަހަކީ އެހެން ބަހަކަށް ވެ ނިމިގެން ދާނެ ދުވަސް ދެން މާދުރެއްނޫނެވެ.

ރާނާ އިރު އަޅާ ބަނޑު ގަލަކީ ސިމެންތި ނުވަތަ އުވަ ހަރަދު ކުޑަކުރަން އަޅާއެއްޗެއް!!! އެކަމަކު ބަހަށް ބަޑުގާ އެޅީމާ ހަކަތަ އާއި ވަގުތު ވަނީ ހަރަދު ބޮޑު!!! އެހެން ވީމަ ބަހުގެ ބަނޑުގާ ބޭނުމެއްނޫން!!!