ނަޞީރުގެ ވިސްނުންފުޅު ހުރީ ހަމަ ރަނގަޅު މިޞްރާބުގައެވެ. ދިވެހިބަހުގައި "ވާހަކަދެއްކުމުގެ އަދަތައް" އެއީ މުހިއްމު ބަޔެކެވެ. ދަރަޖަ އޮޅުވައިނުލައި ވާހަކަދައްކައި ލިޔެކިޔައި ހަދަން އެނގޭ މީހުން ވަރަށް ތަދު ވެއްޖެއެވެ. މިހެންމިވަނީ ބަހުގެ ހަމަތަކާއި އުޞޫލުތަކަށް ނުބެލޭތީއެވެ. އެއީ ބަލަންޖެހޭ ކަމެއްކަންވެސް ގަބޫލުނުކުރެވޭތީއެވެ. އަދި ތިމާގެ އަމިއްލަ ބަހުން ކުށް ނުލައި ލިޔެކިޔަން ނޭނގުމަކީ ހުތުރުކަމެއްކަން ގަބޫލު ނުކުރެވޭތީއެވެ. އެހެންވީމާ މި ރޮނގުން ގިނަ ލިޔުންތައް ފައިދާ ވާން އެބަޖެހެއެވެ. ނަޞީރުމެން ފަދަ ބަހަށް ލޯބިކުރައްވާ ކިތަންމެ ބޭޅުޅުންނެއް އެބަ ތިއްބެވިވެސްމެއެވެ. އެފަދަ ބޭފުޅުންގެ ގަލަންކޮޅުތަކަށް ބޭނުމީ އިތުރު ޙަރަކާތްތެރިކަމެކެވެ. ތިޔައީ ވަރަށް މުހިއްމު ލިޔުއްވުމެއް ކަމުގައި އަޅުގަނޑު ގަބޫލުކުރާވާހަކަ މިދަނަނަވަނީ ޝުކުރުވެރކަމާއެކީގައެވެ.

އަހަރެން ބަނޑަށް މަރުވާނެ ހެއްޔެވެ؟ އަހުރެން ވިހެއީ އަހުރެންގެ މަންގެ ބަނޑުންނެވެ. ދެން އަލަކުން ބަނޑަށް މަރުވާހުށީ ކޮންގޮތަކުން ހެއްޔެވެ؟ މިއީވެސް ހަމަ މިލިިޔުމުގައި ބަހުސް ކުރެވިފައިވާ މަޢުޟޫގެ ތެރެއިންވާ ޖުމުލައެއްކަމަށް އަޅުގަނޑަށް ވިސްނުނު ޖުމުލައެވެ.

މުޞްލިޙު މުޙައްމަދު އިސްމާޢީލުގެ ޚިޔާލުފުޅާމެދު ދަންނަވައިލާ ހިތްވެ އެވެ. ދިވެހިބަހަކީ ވަރަށް މުއްސަނދި ބަހެކެވެ. މާ ފަޤީރު ބަހެއް ނޫނެވެ ދިވެހި ބަހުގައި މިވާ އަދަބީ ބަހޭކިޔައި އެ އުޅޭ ބަސްބަސް ބަލައިލީމާ އެކަން އެނގެ އެވެ. އެކަން ރަނގަޅަށްސާބިތުވެ އެވެ. މިސާލުބަސް، ފަށުއިޢިބާރާތް، މަޖާޒު، މަޖާޒީމިސާލު މިހެންގޮސް ތަފާތު އެތައްއެތައް ނަންނަން ކިޔާބަސްބަސް ހުރީތީ އެވެ. ވީމާ، ތިޔަ ވިދާޅުވި "އަހަރެން ބަނޑަށް މަރުވާނެ ހެއްޔެވެ؟" މި ޢިބާރާތަށް ވެސް ބަހުގެ ހަމައިގާ ހަމަޖެހޭ ރަނގަޅު ޖާގައެއް އެބަ އޮތްކަން ޔަޤީން ނޫންތޯ އެވެ. ފާޅުކުރެއްވި ޚިޔާލުފުޅަށް މަރުޙަބާ