ބައެއް ބަސްބަހަކީ، އެބަހެއް ދިވެހިން ގިނައިން ބޭނުންކުރާގޮތަށް ލިޔަންޖެހޭނެ ބަސްބަހެވެ. މިސާލަކަށް، އެއްވެސް ދިވެއްސަކު މުޡާހަރާ ނުކިޔާނެއެވެ. ކިޔާނީ މުޒާހަރާ އެވެ. މިފަދަ ބަސްތައް ލިޔަންވާނީ ދިވެހިން ކިޔައިއުޅޭ ގޮތަށެވެ. ނަޞީބަކީވެސް އެފަދަ ބަހެކެވެ. ދިވެހިން ކިޔަނީ ނަސީބެވެ. އެހެންވީމާ ބައެއް ބަސްތައް އެހުރީ ޤަމީޞް، ގަމީހަށް ވީގޮތަށް ދިވެހިވެފައެވެ. އެކަމަކު ޝަރީފު، ޝުރުރަތު ފަދަ ބަސްތައް ލިޔަންވާނީ އެގޮތަށެވެ. ދިވެހިން ކިޔަނީވެސް އެގޮތަށެވެ. ދިވެހިން ވާހަކަ ދައްކާނީ ދިވެހިބަހުންނެވެ. ދިވެހިބަހުން ލިޔާނަމަ ލިޔަންވާނީ ދިވެހިން ކިޔާގޮތަށެވެ. އެހެންނަމަވެސް، އިނގިރޭސިބަހުގައި އިރެގިއުލަރ ބަސް ހުންނަގޮތަށް ދިވެހިބަހުގައިވެސް މިފަދަ ބަސްތައް ހުރެއެވެ. މިސާލަކަށް، ޢަމަލު، އަމަލު. ދިވެހިން ދެބަސް ބޭނުންކުރާއިރުވެސް ކިޔަނީ އަމަލު މިގޮތަށެވެ. ނަމަވެސް، ލިޔުމުގައި ތަފާތު ނުކުރިނަމަ ޢަމަލުކުރަނީ ކަމެއް ނުވަތަ އަމަލުވަނީ ކަމެއް ބައެއް ފަހަރަށް ނޭނގޭގޮތް ދިމާވެދާނެވެ. މިފަދަ ބަސްތަކަށް ރައްކާތެރިވެ ލިޔުމަކީ މުހިންމު ކަމެކެވެ.

އިނގިރޭސި ބަސް ލިޔަން ބޭނުންކުރާ ލެޓިން އަކުރުގައި ވެސް ތިކިޖެހި އަކުރު ހުރޭ ދޯ. ތާނައިގައި ހުރީމާތަ ބައެއް މީހުންނަށް މައްސަލައަކަށް ވަނީ؟