އަޅުގަނޑުމެންގެ ދިވެހި ބަހުގެ އުސްތާޛު ޢަބްދުﷲ ޞާދިޤަށް ވަރަށް ޝުކުރު ދަންނަވަމެވެ. ތިޔަ ކުރައްވާ މަސައްކަތްޕުޅުގެ އަގު ވަޒަން ކުރާ މީހުން މި ގައުމުގައި ތިބޭނެ އެވެ. މި ހެން މި ދެންނެވީ ސަބަބެއް އޮވެގެންނެވެ. ފަހަކަށް އައިސް ދިވެހި ބަހުގެ މާތީ ހަރުފަތްތަކަށް ކިޔަވައި ނިމިގެން ނިކުންނަ ބައެއް ފަރާތްތަކުން މުދައްރިސަށް އައިބު ބަސްތައް ބުނެ އެވެ. އެކަމުން އެ ފަދަ މީހުންގެ އަގުވެއްޓުން ފިޔަވައި އެހެން ކަމެއް ނުވާނެ އެވެ. ދުނިޔޭގައި އެންމެ ފުރަތަމަ ޕީއެއްޗްޑީ ނެގި މީހާ އަށް ކިޔަވައި ދޭނީ ހަމަ ގައިމު ވެސް ޕީ އެޗްޑީ ނަގައިގެން ތިބި މީހުންނެއް ނޫނެވެ. ފަޟީލަތުއްޝައިޚު ޙުސައިން ޞަލާޙުއްދީނަކީ ވެސް ދިވެހި ބަހުގެ ޑިގްރީ އޮތް ބޭފުޅެއް ނޫނެވެ. އެކަމަކު އެ މަނިކުފާނާ އެއްވަރަށް ދިވެހި ބަހުން އުފެއްދުންތަކެއް އުފެއްދި ލިޔުންތެރިޔަކު ނުފެނެ އެވެ. އެހެންވީމާ ބައެއް މީހުން ސެޓްފިކެޓަށް ފަޚްރުވެރިވެ، އިލްމުވެރިންގެ އަގު އިހުމާލު ކުރި ނަމަވެސް، މުދައްރިސްގެ މި ފަދަ ދިރާސާއަކާ އެއްވަރު އެންމެ އުފެއްދުމެއް ވެސް އެންމެ މަޒުމޫނެއް ވެސް އެންމެ ޅެމެއްވެސް، ނުވަތަ ރައިވަރު ޝަރަހަ އެއްވެސް އެފަދަ މީހުންގެ ކިބައިން ފެނިފައެއް ނުވެ އެވެ.
ވީމާ މުދައްރިސަށް ފަށް ފަށުން ޝުކުރިއްޔާ އެވެ. އަޅުގަނޑު މުދައްރިސޭ މި ދަންނަވަނީ ފަހަރެއްގައި ވެސް އަޅުގަނޑަށް ކިޔަވައި ދެއްވާފައިވާތީ އެއްނޫނެވެ. އަޅުގަނޑުމެން ރަށަށް މުދައްރިސް ދުރުވި ކަމެއް ވެސް ނޭނގެ އެވެ. އެކަމަކު އަޅުގަނޑަށް މިހެން ލިބޭ މަދު ލިޔުންކޮޅާއި ލިޔުއްވާފައިވާ ބައެއް ފޮތްތަކުން ލިބޭ މައުލޫމާތުން ވެސް މުދައްރިސަކަށް ތިޔަ ބޭފުޅާ ވަނީ އެވެ. ވަރަށް ހެޔޮ އެދެމެވެ.

ނަފީކުރުމުގެ އުޞޫލުތަކުން މިސާލު ދައްކަވަމުން ތިޔަދެއްކެވި ހަމަތަކަކީ އަޅުގަނޑުމެން ހިތުގެ އަޑިން ތާއީދުކރާ ހެކިތަކެކެވެ. އެހެން ނަމަވެސް ހުށައެޅުން ކިޔާ ގޮތަށް އިސްތިސްނާ ގަވާއިދެއްގެ ގޮތުން ހުށަހެޅުންވެސް ބޭނުންކުރުމްކީ ހަމަ "ހަމަ" ގޮތެއްކަމަށް މުދައްރިސުވެސް ގަބޫލުފުޅުކުރައްވާނެ ކަމަށް އުންމީދުކުރަމެވެ. ތިޔަ ކުރައްވާ ޢިލްމީ ޚިދުމަތަށް ހިތުގެ އަޑިން ޝުކުރުދަންނަވަމެވެ. މާތް ﷲ ތިޔަ އުސްތާޛަށް ހެޔޮ ރަޙުމަތްލައްވައި ޢުމުރުފުޅު ދަންމަވާށިއެވެ! އާމީން!

އަޅުގަނޑުގެ ޚިޔާލުގައި "ހުށައެޅުން" އެއީ ހަމަތަކަށް ބަލާއިރު އޮންނަންވާ ގޮތް. ނަމަވެސް ޒަމާނުއްސުރެ "ހުށަހެޅުން" ވެސް ކިޔާތީ އެ ދެ ގޮތަކީވެސް "ހަމަ" ދެ ގޮތް ކަމުގައި ބަލައިގަތުމަކީ އެންމެ މަޞްލަޙަތު ހުރި ގޮތް. އަޅުގަނޑު ލިޔަނީ "ހުށައެޅުން" މި ގޮތަށް. އެކަމަކު "ހުށަހެޅުން" ވެސް އެއީ ކުށް ގޮތެއް ކަމަކަށް ނުބަލަން.