އައިބައިބިލީގެ މުހިންމުކަން ތިހާ ބޮޑުކަމެއް އަދ އެއީ ދިވެހިބަހުގައި އެހާ މަތިވެރި މަޤާމެއް ދެވޭ ފިއްޔެއް ކަމެއް އަޅުގަނޑުގެ ސަމާލުކަމަކަށްވެސް ކުރިޔަކުން ނާދެއެވެ. ނަމަވެސް ޖަމާލުގެ ތިޔަ ލިޔުމުން ވަރަށް ރަނގަޅަށް އެކަން ސާފުވެއްޖެއެވެ. ދިވެހި ބަހަށް ތިޔަ ކުރައްވާ މަތިވެރި ޚިދުމަތް ގެއްލެނި ނުކުރައްވާށިއެވެ!

އައިބައިފިލީގެ މައްސަލައިގައި ޢަބްދުލްޢަޒީޒު ހާދަ ގިނައިން އެބަ ލިޔުއްވަމުއެވެ. އަދިވެސް މީހުން މިކަމަށް އެހާ ބޮޑު ސަމާލުކަމެއް ނުދެއެވެ. އައިބައިފިލީގެ ހަމަތަކާއި އުޞޫލުތަކާ ބެހޭ ތަފްޞީލު ލިޔުމެއް ދުވައު ނޫސްތަކަށް، ފަންވަތް މެދުވެރިކޮށްގެން ނަމަވެސް ފޮނުއްވުން ކީއްތޯއެވެ؟ މިހެން މި ދެންނެވީ މި ފިލީގެ މުހިއްމުކަން އަޅުގަނޑަށްވެސް މި ވިސްނުނީ އަދި ކިރިޔާ ކަމަށް ވާތީއެވެ. ފަންވަތުގެ ޓީމުން ދިވެހިބަހަށް ތިޔަކުރައްވާ ޚިދުމަތަށް ހަމަ ސާބަހެވެ. މުދައްރިސެއް

ރަނގަޅު ލިޔުމެކެވެ. އަދި މި ސައިޓަށް ލިޔުއްވަނީވެސް ރަނގަޅު ބޭފުޅުންތަކެއް ކަމަށް ގަބޫލުކުރަމެވެ. ނަމަވެސް ބަހުގެ ހަމަތަކާ، ގަވައިދުތަކުގެ ވާހަކަ ތަކުރާރުކޮށް ސައިޓުގައި ލިޔެވޭއިރު އެއިން ފައިދާ ވަނީ ކިޔާ މިންވަރަކަށް ބާއެވެ. އިސްލާހުކުރުމުގެ މަސައްކަތް ފެށުމަށް އެންމެ އައުލާކަން ބޮޑު ހިސާބަކީ ތިމާއާ އެންމެ ގާތެވެ. ތިމާ ކުރާ މަސައްކަތްތަކެވެ. މިގޮތުން މިސައިޓަށް ބަލާލާއިރު އަޅައިގަންނަ އެއް ކަމަކީ "ސައިޓުގައި ތިބި މީހުންގެ އަދަދު" ބުނެދޭ ތަންކޮޅެވެ. އެތަނުގައި ލިޔެފައިއެވަނީ "ސައިޓުގަ" މި ގޮތަށެވެ. ނަމަވެސް ބަހުގެ ހަމަތަކުން އެތަނުގައި އިންނަން ޖެހޭނީ "ސައިޓުގައި" ނޫން ބާއެވެ. އަޅުގަނޑަކީ ބަހުގެ އިލުމްވެރިއެއް ނޫންކަމުން އަޅުގަނޑުގެ ހިތުގައި އުފެދޭނީ ސުވާލުތާއެވެ. ޖަވާބު ހުންނާނީ ތިޔަ ބޭފުޅުންގެ ސިކުނޑިތަކުގައެވެ.

ނަޞްރުﷲ އަށް ޝުކުރު ދަންނަވަމެވެ. ތިޔަ ވިދާޅުވިހެން "ގަ" ކިޔާ އަކުރެއް ދިވެހިބަހުގައި ބޭނުންކޮށެއް ނޫޅެއެވެ. މި ފަދަ ލިޔުންތަކުގެ އަސަރު ބޮޑަށް ފޯރާނެ ކަމަށް މި އުންމީދުކުރަނީ މުދައްރިސުން މެދުވެރިވެވަޑައިގެން ދަރިވަރުންނަށެވެ. ފަންވަތުގައި އޮތް ("އިން" އެއް ނޫން "އޮތް") ތިޔަ ފާހަގަކުރެއްވި ކުށް ފަންވަތުގެ ހިންގުންތެރިން އިޞްލާޙުކުރައްވާނެ ކަމަށް އުންމީދުކުރަމެވެ.

އައިބައި ފިއްޔަކީ އަޅުގަނޑަށް ވަރަށް ކަމުދާ ފިއްޔެކެވެ. މި ފިލިން ދެ ލަފުޒެއްގެ ތަފާތު ދޭހަކޮށްދެއެވެ.