ވަރަށް ރަނގަޅު ވާހަކަތަކެއް ކަމަށް އަޅުގަނޑުދެކެމެވެ. އަދި ހަމަ އެއާއި އެކު އެހެންކަމެއްވެސް އެބަ ހާމަކޮށްލަން ޖެހޭކަމުގައި ޤަބޫލުކުރަމެވެ. އެކަމަކީ މަޒްމޫނުގައި ހާމަކޮށްފައިވާ ފަދައިން ދިރިއުޅުމުގެ ކަންކަމަށް އައި ބަދަލުތައް އައީ ވަރަށް ހަރު ކޮށެވެ. ނަމަވެސް އެއާއި އެއްވަރަށް އަޅުގަނޑުމެންގެ އެހެނިހެންކަންކަމަށް ގެންނަންޖެހޭ ބަދަލުތައް ގެނެވިފައެއް ނުވެއެވެ. މަޒްމޫނުގައި ހާމަކޮށްފައިވާ އިޖްތިމާޢީ ދުޅަހެޔޮކަށް އައި ހީނަރުކަން އިތުރަށް ހީނަރުވާން ދިމާވި އަނެއް ސަބަބުކަމަށް އަޅުގަނޑަށް ފެންނަނީ އަޅުގަނޑުމެންގެ ތަޢުލީމީ ނިޒާމަށް ބޭނުންވި އިންސާނީ ވަޞީލަތް ބޭނުންވި މިންވަރަށް ފައިހަމަކޮށް އަޅުގަނޑުމެންގެ ތެރެއިން ލިބެންނެތިގެން ދިއުމެވެ. މިފަދަ ކަންތައްތަކެއްގެ ސަބަބުން ގިނަ ޢަދަދަކަށް ބޭރުމީހުންތަކެއްގެ އެހީތެރިކަން އެއްގޮތައްވުރެ ގިނަ ގޮތްގޮތަށް ތަޢުލީމީ ނިޒާމުގެ ތެރެއަށް ވައްދަންޖެހުން ވެގެންދިޔައީ ހާމަކޮށްފައިވާ ފަދައިން އަޅުގަނޑުމެންގެ ދިވެހި ޘަޤާފަތުގެ ކަންކަން ކުދިންނަށް އުނގަންނައި ދޭންވީ މިންވަރަށް އުނގަނައިދީ އެކަމަށް ދޭންވީ މިންވަރަށް އިސްކަންދީ ކުދިންގެ ކިބައިގައި އަށަގެންނުމާއި އަހުލުވެރިކުރުވުން ކުޑަވެގެން ދިއުންކަމުގައިވެސް ދެކެމެވެ.
މިކަންމިއީ އިތުރު މަސައްކަތްތަކެއް ކޮށްގެން އައުފެށުމަކުން ފަށައިގެން ނަމަވެސް ޙައްލުކުރުމަށް ބޮޑު އަދި ބުރަމެ މަސައްކަތްތަކެއް ކުރަންވެއްޖެކަމެއް ކަމުގައިވެސް ދެކޭ ޙާލު މުޙައްމަދު ޢަބްދުއްޞަމަދު މިކައަމާޒަށް އަޅުގަނޑުމެންގެ ލޯހުޅުވައިދިނުމަށް ކުރެއްވި ތިޔަމަސައްކަތަށް ޝުކުރު އަދާކުރަމުން މިޚިޔާލުކުރުކޮށްލަމެވެ.