އަޅުގަނޑަކީ ބިންމާ އިބްރާހީމް ވަޙީދު ފަދަ މޮޅު ވާހަކަ ލިޔުންތެރިއެއްގެ ވާހަކައަށް ފާޑުކިޔޭވަރު މީހެއްނޫން ނަމަވެސް މިވާހަކައިގައި ވަރައްހިތްހަމަނުޖެހޭ ކަހަލަ ޢިބާރާތްތަކެއް ވާހަކައިގެ ފެށުމުގައި ހުރީތީ އެވާހަކަ ދަންނަވާލަމެވެ. އެގޮތުން އިސްލާމްދީނުގައި ނަޙިކުރައްވާފައިވާ ކަންކަމަށް ހިއްވަރު ލިބޭފަދަ ޢިބާރާތްތަކެއް ހުރިކަމަށް އަޅުގަނޑަށް ވަރަށް ބޮޑަށް މިވާހަކައިން ފާހަގަކުރެވެއެވެ. އަދި އެކަންކަން ނަހީކުރައްވާފައި ވަނީ އެއްވެސް ބޭނުމެއްނެތިކަމަށް ކިޔާމީހުންނަށް ހީވާފަދަގޮތެއް ހުރިކަން ހިތާމަޔާއެކު ފާހަކަކުރަމެވެ. އަދި ދެންފަހަރަކުން ވާހަކައެއް ލިޔުއްވާއިރު އިސްލާމީ ޝަރީއަތުގައި ހިމެނޭ ނަހީތަކާއި މީހުންގެ އަޤީދާއާގުޅޭ ކަންކަމުގައި މިއަށްވުރެ ބޮޑަށް ސަމާލުވެހުންނަވައިގެން ލިޔުއްވުމަށް ދަންނަވަމެވެ. މިހެން މިދެންނެވީ އެއްވެސް ބޭފުޅަކު އެބޭފުޅަކުލިޔުއްވާ ލިޔުއްވުމެއްގެ ސަބަބުން އެބޭފުޅަކުދެ އެކިޔާމީހަކު ނަފުރަތުވުމަކަށް ނޭދޭނެތީއެވެ. ވާހަކައާއި މެދު ދެންނެވެން އޮތީވަރައްތަފާތު ރީތިވާހަކައެއްކަމުގައެވެ. ހީނުކުރާކަހަލަ ތަފާތުވާހަކައެއް .

ވަރައްރީތިވާހަކައެއް ނަމަވެސް ދަންނަވާލަން އޮތީ ވާހަކައިގެ ފެށޭހިސާބު ރަގަޅެއްނޫނެވެ. ތަންކޮޅެއް ލާދީނީ އުސޭލެއް އަސަރުތަކެއް އެބަހުރި އެއަސްވުރެ ރީތިކޮން އެވާހަކަތަށް ގެނެވިދާނެ އަދި ދަންނަވަމެވެ. މިލިންކަށް ޒިޔާރަތް ކޮއްލެއްވުން އެދެމެވެ.http://www.fanvai.info/dheen/fatuva/265.html

ފާޑުކިޔުމުގެ ފަންނުގެ ޢިލްމުވެރިން ބުނާ ގޮތުން، އެކަމުގައި ހެވާ ނުބަޔާ މެދު ވިސްނުން މުހިންމެވެ. ޕޮޒިޓިވް، ނެގެޓިވް އޮންނަންޖެހެ އެވެ. ބިނާ ކުރަނިވި ފާޑު ކިޔުމަކީ އެއީ އެވެ.

މި ލިޔުމަށް ދެބޭފުޅަކު ފާޅު ވިދާޅުވެފައި ވެއްޖެ އެވެ. އެބޭފުޅުންގެ ޝުޢޫރާ ޚިޔާލުފުޅަށް އިޙްތިރާމު ކުރަމެވެ. އަދި އެހެންކަމުން އެ ދެބޭފުޅުންގެ ޚިޔާލުފުޅު ތަކުރާކުރުުގެ ބަދަލުގައި އެހެން ނަޒަރަކުން، މި ލިޔުމާމެދު އެއްޗެއް ދަންނަވާލަން ގަސްތުކުރަމެވެ.

ފުރަތަމަ ކަމަކީ، ބިންމާ ވިދާޅުވެފައިވާ ގޮތުގައި މި ވާހަކައަކީ، ޙަޤީޤީ ހާދިސާއެއްގެ މައްޗަށް ލިޔެފައިވާ ވާހަކަ އެކެވެ. އެހެންކަމަށްވާނަމަ، މި ވާހަކައިގައި ހިނގައި ދިޔަ ހާދިސާއަކީ، ހަގީގީ ހާދިސާއެކެވެ. ހަގީގަތެކެވެ.

ދެން އޮތީ މި ހާދިސާއާ މެދު ވިސްނާލުމެވެ. އެ ފިރިހެން މީހާ މި އަންހެން ކުއްޖާއާ މެދު ކަންތައް ކުރީ ރަނގަޅަށް ހެއްޔެވެ؟ ނުވަތަ ނުރަނގަޅުކޮށް ހެއްޔެވެ؟ އަޅުގަނޑަށް ވިސްނޭ ގޮތުގައި އޭނާ ކަންކުރީ ވަރަށް ވެސް ގޯސްކޮށްނެވެ.

ލިޔުންތެރިންގެ ޙަޤީޤީ އަގު ވަޒަންކުރަންވީ މި ހާ ހިސާބުންނެވެ. ބިންމާގެ ގަލަމަކީ ވަރަށް ހިނގާ ގަލަމެކެވެ. އަބުރާ ބެހުމާއި، ފުރައްސާފައިގެ މައިދާންތަކުގައި އެގަލަން ހިނގައިފައި ހުއްޓާ ފެނިފައެއް ނެތެވެ. އެކަމަކު، އިޖުތިމާޢީ ވަރަށް މުހިންމު މައްސަލައެއް މި ވަނީ ތިލަ ކޮށް ދެއްވާފަ އެވެ.

އެހެން ޕޮއިންޓެއް ވެސް އެބަ އޮތެވެ. ބިންމާ މި ތިލަ ކޮށްދެއްވީ ހަމަ އެކަނި އިޖުތިމާޢީ މައްސަލައެއް ހެއްޔެވެ؟ އަޅުގަނޑަށް ވިސްނުނު ގޮތުގައި މިއީ ހަމަ އެކަނި އިޖުތިމާޢީ މައްސަލައެއް ނޫނެވެ. އަދި ކީއްތޯ އެވެ؟ މިއީ ދީނީ މައްސަލައެއް ވެސް މެ އެވެ. ދީނުގެ ނަމުގައި މި ފަދަ ރަނގަޅު ނޫން ކަންކަން މީހުން ކުރާނަމަ އެކަމަކީ ދީނަށް ވެސް އޭގެ ހުތުރުކަން ލިބޭ ކަމެކެވެ. ދީނީ ނަޒަރަކުން ބަލާއިރު، މިއީ ވެސް ކުޑަ ކަމެއް ނޫނެވެ. ދީނީ ކަމަކަށް މިކަންވަނީ، ހަމަ އެކަނި ސަފިއްޔާ ކަޅުހެދުންލީ ވާހަކަ އޮތުމަކުން ނޫނެވެ. މައިންބަފައިން ބަހަށް ކަމޭ ހިތުމުގެ ގޮތުން ''ދޮންބެ'' އެހެން ކުއްޖަކާ ކާވަނި ކުރިކަމަށް ބުނުމުންނެވެ. ހަމަ އެހެންމެ، ފިރިހެނަކާ ވާހަކަ ދެއްކުމަކީ، ދީނީ ގޮތުން ޖާއިޒު ނޫންކަމެއް ކަމަށް ސަފިއްޔާ ދެކޭއިރު، ލޯބީގެ އެސް އެމް އެސްތައް ފޮނުވައި ޕްރެޒެންޓުތައް ފޮނުވައި ހެދުމުން މި ކުރެވެނީ ކޮންކަމެއް ބާވައެވެ؟

މި ނުކުތާގައި އަޅުގަނޑު ވެސް ފާހަގަ ކޮށްލާ ކަމެއް އެބަ އޮތެވެ. ރަނގަޅު ނިޔަތުގައި ދީންވެރިވުމަކީ ކޮންމެހެން ލާޒިމު ކަމެކެވެ. އަމާނާތްތެރިވުމަކީ މުހިންމު ކަމެކެވެ. ފިރިހެނުންނާ މަސްހުނިވުމާއި، ރަށްޓެހިވުމުގެ މާނައިގައި ބަދުއަޚުލާޤީ ޙަޔާތެއް ވޭތު ކުރުމަކީ، ވަކިން ގެއްލުން ކުޑަކަމެއް ނޫނެވެ. އެ ފަދަ ކަންކަމުން ވެސް ނަފުސާނީ ބޮޑެތި ގެއްލުންތައް މީހުންނަށް ލިބި ބައެއް އަންހެން ކުދިންނާއި ފިރިހެން ކުދިން މި ރާއްޖޭގައި ދަންޖެހިފައި ވެސް އެބަ ހުއްޓެވެ.

ވީމާ، މި ހުށަހެޅުމާއެކު، ބިންމާގެ މި މެސެޖަކީ، އަޅުގަނޑު ހިތުން ދީނަށް ލޯބި ކުރާމީހުން އިތުރަށް ދީނާ މެދު ފަރުވާތެރިވެ، އިޚްލާސްތެރިވުމަށް ބާރު އާޅާ މުހިންމު މެސެޖެއް ކަމަށް އަޅުގަނޑަށް ވިސްނޭތީ އެ ޚިޔާލު ފަންވަތުގެ އަހުލުވެރިންނާ ހިއްސާކޮށްލީމެވެ.

ކިންގ ދެއްވާފައިވާ ލިންކުގައިވާނީ، އަޅުގަނޑުގެ ލިޔުމެކެވެ. ވާހަކައެއް ލިޔާއިރު، ބަލަންވީ ހުރިހައި ކަމެއް އެލިޔުމުގައި ހިމެނިފައި ނުވާނެއެވެ. އޭގައިވާނީ، ޢިލްމުވެރިންގެ އަރިހަށް ހުށަހެޅުނު ދެ ސުއާލަކާއި އޭގެ ޖަވާބެވެ. އަދަބީ އުފެއްދުންތަކާމެދު ބަލަންޖެހޭނީ ހަމައެކަނީ ދީނީ ނަޒަރަކުން ނޫންކަމަށް ބައެއް ޢިލްމުވެރިން ވިދާޅުވެފައި ވެއެވެ.

ވާހަކައިގެ ފަހަތުގައި، ވަރަށް މުހިންމު މަޢުލޫމާތެއް ދެއްވާފައި އެބައޮތެވެ. އެ މަޢުލޫމާތުން އެނގެނީ، މި ވާހަކައަކީ، ހަމައެކަނި ވާހަކައެއް ނޫންކަމެވެ. ވާހަކައެއްގެ އިތުރުން، ތާރީޚު ވެސް އޭގައި ހިމެނިފައި ވެއެވެ. ވާހަކައިގައިވާ ކޮންމެ ކުލައަކީ، މުޖުތަމަޢުގައިވާ ކުލައެކެވެ. ލާދީނީ ކުލައެއްވާނަމަ، އެއީ، އިޞްލާޙުވުމަށް ގޮވާލާ ވަރުގަދަ ނިދާއެކެވެ. ވަގުތު ފާއިތުވުމުގެ ކުރިން، އަޅުގަނޑުމެން ހޭލަންވީއެވެ. ދީނީ ކުލައެއް ވާނަމަ، އެއީ، އިތުރަށް ދީންވެރިވެ، ހަރުދަނާވުމަށް ދީފައިވާ ދަޢުވަތެކެވެ. ވަގުތުގައި އަސީރުނުވެ، އަޅުގަނޑުމެން އިޖާބަދޭންވީއެވެ.

ތިޔަލިޔުއްވީ ހަމަ ރީތި ތަފާތު ވާހަކެއެކެވެ. ކުރިން ކޮމެންޓު ކުރެއްވި ޝަފީޤަށް އަސްލު ވާހަކަ ދޭހައެއްނުވެއެވެ. އެއީ މީގައި ފިރިހެނަކު ގޯހެއްހަދާފައެއްނެތެވެ. ރަނގަޅު ފަޑެއެއް ކިޔޭނީ އެއެއްޗެއް ރަނގަޅަށް ދޭހަވުމައްވަފުގައި ކަމުގައި ދަންނަމެވެ. "ދީނަށް ލޯބިކުރާ މުސްލިމުންނާ" އެނޫން ބަޔަކާ އުޅޭކަށް މީ ކިރިސްޓިޔަނިޓީއެއްނޫނެވެ. (ނޮންޕްރެކްޓިސިން ކޮރިސްޓިޔަނުންނާ ޕްރެކްޓިސިން ކްރިސްޓިޔަނުންނާ އުޅޭގޮތަށެވެ.) މިއީ އެންމެ ދީނެކެވެ. މިއީ އެންމެ ރާއްޖެއެކެވެ. ބަސްމަގުން ނަމަވެސް ތަފާތުކުރުންތަކަށް މަގު ނުކޮށްޓަވާށެވެ.

ބިންމާ އަސް ދަންނަމެވެ:
1. މީގައި ގޯސްހަދައިފައިވަނީ އަންހެކެވެ. އޭނާ އެހެދުންލީ ސަބަބު މިއިން އެނގެން ސާފުކޮށްއެބައޮތެވެ. އެކަން މިއަށް ވުރެވެސް ސާފުކޮށް ފެންނާނެ ހެން ލިޔުއްވިނަމަ "ބައެއްފަރާތްތަކަށް" މި އޮޅުމެއް ނޭރީހެވެ. މި ވާހަކާގައި އިސަލާމީ ޝިޢާރަކާ ކުށަކާ ފައްތަރު ކުރައްވަން އުޅުއްވާފައި ވާތަނެއް ނުފެނެއެވެ.
2. އެހެންކަމުން ކުރިން ދެންނެވުނު ތަންކޮޅު ސާފުވާނެހެން ލިޔުއްވިނަމަ މި ވާހަކައިގެ އަރިމަތިން އިތުރު މާނައެއް ނުނުކުތީސްކަމަށް ދެކެމެވެ.
3. "ބިރުވެރިމީހާ" ފަދަ އަދި މި ވަހަކަ ފަދަ މައުލޫތަކަށް ބިންމާގެ ގަލަން ހިނަގަވާއިފައި ހުއްޓާ  ފެނުމުން އިޖްތިމާޢީ މައްސަލަތަކާމެދު ނަޒަރު ހިނަގަވާކަން ދޭހަވެއެވެ.
4. ކުރިން ކޮމެންޓް ކުރެއްވި ބޭފުޅުން އެ ކުށްވެރި ކުރެއްވި ކަންކަން "އޮފެންސިވް" ގޮތަކަށް އައިސްފައި ނުވާތީ އަޅުގަނޑު ހަމަ ލައްކަ ޝުކުރުކުރަމެވެ. "ޑިފެންސިވް" ގޮތަކަށް ގެންނެވުމުގެ ބަދަލުގައި ތަންކޮޅެއް އިތުރަށް ދިރާސާ ކޮށްލެއްވުމަށް ފަހު "ޕޮޒިޓިވް" ގޮތަކަށް ގެންނެވި ނަމަ ރަނގަޅުވާނެކަމަށް ދެކެމެވެ.
5. ތިއީ ވވވ ރީތި މި މުޖަތަމަޢު އާގުޅޭވާހަކައެކެވެ.

ބިންމާގެ މިވާހަކަ ވަރަށް ރީއްޗެވެ. އަދި ދެއްވާފައިވާ ކޮމެންޓްތައް ކިތަންމެހާވެސް ރަނގަޅެވެ. ނަމަވެސް އެއްވެސް ބޭފުޅަކު ވާހަކައިގައިވާ މެސެޖަށް ބަހުސްކުރައްވާފައިވާ ތަނެއް ނުފެނެއެވެ. ވާހަކައިގެ މެސެޖު މިވަނީ މިޖުމުލައިގައެވެ. "ސަފިއްޔާ އަށް ދޭންވީ ފުރަތަމަ ފަރުވާ އަކީ، އޭނަ އަކީ އަންހެން ކުއްޖެއްކަން އޭނަ އަށް ވިސްނައިދިނުން!" ފަހަރެއްގައި މިހެންކަންމިވީ ލަދު އަބުއި ވާހަކައެއް ދައްކަންޖެހޭތީ ކަންނޭނގެއެވެ. ނަމަވެސް މިހެން ބިތުފަނގިއަށް މިކަހަލަ މައްސަލަތައް އަޅަނިކޮށް ދެންފެންނަނީ ބިތުފަނގިއަށް ނުހިފެއްޓިގެން ފަޅައިފަޅައިގެންދާތަނެވެ. އޭރުން "ދެންހާވަންޖެހޭ ހަޑި" މާހަޑިވެދާނެއެވެ. މިއީ އަދި "ލީކެކެވެ."

ބިންމާގެ މި ވާހަކަޔާ މެދު އަޅުގަނޑަށް ފާޅު ކުރެވުނު ޚިޔާލުގައި ކުށެއްވާނަމަ އެކަމަށް މާފަށް އެދެމެވެ. ސިމްބޮލްސްގެ ނަމުގައި ޚިޔާލުފާޅު ކުރެއްވި ފަރާތަށް އެކަން ފާހަގަ ކުރެއްވިފައިވާނަމަ، އެކަމަށްޓަކައި އެ ފަރާތަށް ޝުކުރު ދަންނަވަމެވެ. މި ވާހަކައިގައި ކުށްކުރީ ސަފިއްޔާތޯ ނުވަތަ '' ދޮންބެ'' ތޯ އެއީ ވާހަކައިން ޖަވާބު ނުލިބޭ ސުވާލެކެވެ.

މި ފަހަރު ޚިޔާލު ގޮޅީގައި އަޅުގަނޑު އެއްޗެއް މި ލިޔެލަނީ އަޅުގަނޑު ފާޅުކުރި ޚިޔާލަކީ، ޒިންމާދާރުކަން ކުޑަ އަދި ރަނގަޅު ނޫން މެސެޖެއް ލިބިދޭ، ޚިޔާލެއްކަމަށް ބައެއް ފަރާތްތަކުން ތުހުމަތު ކުރައްވާފައިވާތީ، ނުވަތަ ބައެއް ފަރާތްތަކަށް އެގޮތަށް އެކަން ވިސްނިވަޑައިގެންފައިވާހެން ހީވާތީ، އެ ފަދަ އިހުމާލެއް، އަދި ނުބައި ނިޔަތެއް މި ކަމުގައި އަޅުގަނޑުގެ ނެތް ވާހަކަ ދަންނަވާލުމަށެވެ. ޚާއްޞަކޮށް، ''ދީނަށް ލޯބިކުރާ މުސްލިމުން'' މި ޖުމުލަ ބައެއް ބޭފުޅުންނަށް ދޭހަވެވަޑައިގެންފައިވަނީ ކުށް މަފުހޫމެއްގައި ކަމަށްވާތީ، އެކަން ރަނގަޅު ކޮށްލުމަށެވެ. ފަހަރެއްގައި ވެސް އެއްވެސް ފިކުރެއް ދިފާޢު ކުރާކަށް ނޫނެވެ.

އަޅުގަނޑު މި ވާހަކަ ކިޔަމުން ދިޔައިރު، "ދޮންބެ ބޭނުމެއް ނޫން އެ ކުއްޖާއާ މެރީކުރާކަށް.. އެކަމަކު ބައްޕަ ފޯސްކޮށްގެން ދޮންބެ އަށް މަޖުބޫރުވީ.." މި ޖުމުލަ ފެނުނެވެ. މީން އަޅުގަނޑަށް ދޭހަވީ މައިންބަފައިންގެ ނުފޫޒެއް މި ކަމުގައި އުޅޭކަމުގެ ބަހަނާއެއް ދައްކާ ކަމަށެވެ. ދަންނަ ބޭކަލުން ވިދާޅުވާތީ އިވިފައިވަނީ، މާތްވެގެންވާ އިސްލާމް ދީނުގައި މާތް ﷲއަށް ޝަރީކު ކުރުން މަނާ ކުރެއްވުމާއެކު، އޭގެ ފަހަތުން މައިންބަފައިންނަށް ކިޔަމަން ވާން އަންގަވާފައި ވާކަމަށެވެ. އެހެން ކަމުން ދީނުގައި މައިންބަފައިންނަށް މިހާ އިސްކަން ދެއްވާފައި އޮތް އޮތުމުން، އޭގެ މާތް މަޤުޞަދު އެއްފަރާތްކޮށް، މި ވާހަކައިގައި އުޅޭ ''ދޮންބެ'' ނުވަތަ ސަފިއްޔާ ނަމަވެސް އެ މާތް ޝަރުޢީ މަޤުޞަދުން އޭނާގެ އަމިއްލަ ނާޖާއިޒު ފައިދާއެއް ނަގަނީ ކަމަށް ވިސްނުނީ އެވެ. ހަމަ އެހެންމެ، "ކޮންމެ ގޮތެއް ވިޔަސް އަހަރެން ލޯބިވަނީ ރުވޭ ދެކެ.." "ރުވޭ ސްޓަޑީކޮށް ނިމުނީމަ، އަހަރެން ރުވޭއާ މެރީ ކުރާނަން.. ރުވޭ ބޭނުމިއްޔާ ދެ އަނތްބަށް.. އެހެންނޫނީ ވައިފް ވަރިކޮށްފަ ވެސް ރުވޭއާ އިންނާނަން.." މިއީ ވެސް މި ވާހަކައިގައި އުޅޭ ''ދޮންބެ'' ދައްކާފައި ހުރިކަމަށް ބެލެވޭ ނުވަތަ ބުނެވޭ ވާހަކަތަކެވެ. އަދި މި ވާހަކަ ތަކަކީ ސަފިއްޔާ ދެއްކި ވާހަކަ ތަކެއް ކަމުގައި ވިޔަސް ވަރިހަމަ އެވެ. މި އިން ވަޢުދާ ޚިލާފުވުމާ އޮޅުވާލުން އެބަ ފެނެ އެވެ. ދަންނަ ބޭކަލުން ވިދާޅުވާތީ އިވިފައިވަނީ، މަކަރު ހެދުމާ އޮޅުވާލުމަކީ ދީނުގައި މަނާ ކުރައްވާފައިވާ ކަމެއް ކަމަށެވެ. އެކަމުގެ ދަލީލަކަށް އެ ބޭކަލުން ދައްކަވާ އެއް ޙުއްޖަތަކީ ކީރިތި ރަސޫލާގެ މި ޙަދީޘް ފުޅެވެ. " من غشنا فليس منا " އަހަރެމެން މުސްލިމުންނަށް މަކަރު ހަދައި އޮޅުވާލާ މީހުންނަކީ އަހަރެމެންގެ ތެރޭން ވާބައެއް ނޫނެވެ. އެހެން ކަމުން އަޅުގަނޑަށް ވިސްނުނީ '' ދޮންބެ'' އެހެދި މަކަރުގެ ސަބަބުން ދޮންބެ އަށް ވެސް އެހެދުނީ ގޯހެއް ކަމަށެވެ. ނުވަތަ ސަފިއްޔާ އެ މަކަރު ހެދިޔަސް، އޭނާ އަށް ވެސް އެ ހެދުނީ ގޯހެކެވެ. އަދި އޭން އެނގެނީ އެއީ ކޮންމެ މީހަކު އެކަން ކުރިޔަސް، އެމީހަކީ ދީނަށް ލޯބި ނުކުރާ މީހެއް ކަމަށެވެ. އެކަމަކު، އެ ވަރުން އަދި އޭނާ އަކީ ކާފިރެއްކަމުގައި ނުނިންމޭނެ އެވެ. އެހެންވީމާ އިސްލާމްދީނުގައި މުސްލިމެއްގެ ގޮތުގައި އެ މީހެއްގެ އީމާންކަން އެކި ވަރުގައި އެކި އިރު ހުރެދާނެކަމަށެވެ. ރާބޯ މީހާ ރާބޯ ވަގުތު މުއުމިނެއްގެ ގޮތުގައި ނުހުންނާނެ ކަމަށް އޮންނަ ނަބަވީ ބަސްފުޅަށް ވެސް ރިޢާޔަތް ކުރުމާ އެކުގަ އެވެ. މިއީ ދީނުގެ މުޢުތަބަރު ދަންނަ ބޭކަލުން ވެސް އެއްބަސްވެ ވަޑައިގަންނަވާ ކަމެކެވެ. އޭގެ ތެރޭގައި ޢައްލާމާ ޢަލީ ޖުމުޢާ، ޢައްލާ ޑރ. ޔޫސުފް ޤަރުޟާވީ ފަދަ ބޭފުޅުން ވެސް ހިމެނި ވަޑައިގަންނަވަ އެވެ. މި މައްސަލައާއި، ކްރިސްޓިޔަންދީނުގައި އޮންނަނަ ''ނޮންޕްރެކްޓިސިން ކޮރިސްޓިޔަނުންނާ ޕްރެކްޓިސިން ކްރިސްޓިޔަނުން'' ގެ ފަލްސަފާއާ މިއީ މުޅިން ތަފާތު ދެކަމެކެވެ. އިސްލާމްދީނުގެ ''އުސޫލުލްފިޤުހު'' ގެ ފޮތްތަކުން މި ކަމުގެ އިތުރު ތަފުސީލުތައް ލިބިވަޑައިގަންނަވާނެ އެވެ.

ޝައްކެއްނެތެވެ. އީމާންކަމަކީ، އެކި އިރު އެކި މީހުންގައި އެކި ވަރަށް ހުންނަ ސިފަޔަކަށްވާތީ، ދީނަށް ލޯބި ކުރުމަކީ، އީމާންކަމުގެ ބިންގަލުގެ މަތިން އުފެދޭ އަސަރެއްކަމުގައި ވާތީ، ދީނުގެ ލޯބިވެސް އެކި އިރު އެކި މީހުންގައި އެކި ވަރަށް ހުރެދާނެ އެވެ. އެއީ އިސްލާމެއްކަމުގައި ވިޔަސް، ނުވަތަ ނަޞާރާއެއްކަމުގައި ވިޔަސް، އެކަން ހިނގާނެ ގޮތެވެ. މި ބަދަލު އިންސާނާގެ މައްޗަށް ގެންނަނީ ޝައިޠާނާ އެވެ.

އަޅުގަނޑުގެ ޚިޔާލު ލިޔެލީ މި އަސާސްތަކުގެ މަތީގަ އެވެ. މި މަޢުލޫމާތުތަކުގެ މައްޗަށް ރިޢާޔަތްކޮށެވެ. ފަހަރެއްގައި ވެސް މާތްވެގެންވާ އިސްލާމްދީނަށް ތަބާވުމުގައި މިންގަނޑުތަކެއް ގިންތިތަކެއް ގެންގުޅެންޖެހޭނެ ކަމުގެ މާނައެއްގައި ނޫނެވެ. ޠަބީޢަތާއި ޙަޤީޤަތް ވަތްކެއް ނުކުރެވޭނެ އެވެ.

އަޅުގަނޑުގެ މި ވާހަކަ އަށް ޚިޔާލުފާޅު ކުރެއްވި ހުރިހާ ކިޔުންތެރިންނަށް، ހިތުގެ އެންމެ ފުންމިނުން، އިޚުލާސްތެރިކަމާއެކު ޝްކުރު ދަންނަވަމެވެ. މި ވާހަކަ ވިދާޅުވުމަށްފަހު، ކަންބޮޑުވުން ހާމަކުރެއްވި ކިޔުންތެރިންގެ އެ ކަންބޮޑުވުމަކީ އަޅުގަނޑަށް ލިބުނު ހިތްވަރެއް ކަމުގައި ދަންނަވަމެވެ. އަޅުގަނޑު ބޭނުންވަނީ ކިޔުންތެރިންގެ ސަމާލުކަމަށް މި ކަންކަން އައިސް، މަގުން ކައްސާލާފައިވާ ޒުވާނުންނަށް މަގު ދެއްކެވުމެވެ. ލިޔުންތެރިއެއްގެ ހައިސިއްޔަތުން އަޅުގަނޑުގެ ދައުރު މި އަދާކުރީ އެވެ. ވާހަކައިގެ މަގުސަދަކީ އެއީ އެވެ. ހިތާމަ އަކީ، އަޅުގަނޑުމެންގެ މުޖުތަމަޢުގައި މި ކަހަލަ ލާދީނީ ޚިޔާލުތަކާއި، އުސޫލުތައް ބައެއް ދިވެހިން ގެންގުޅޭ ކަމެވެ. ވާހަކައިގައި މި ވަނީ ކަން ހިނގާފައިވާ ގޮތެވެ. ކުޑަކޮށް ނަމަވެސް އަޅުގަނޑު ތާއީދުކުރާ ގޮތެއް ނޫނެވެ. އަޅުގަނޑު މާތްﷲ އަށް އިންތިހާ އަށް ބިރުވެތިވަމެވެ. މާތްﷲ އިރާދަކުރެއްވިއްޔާ، އުމުރުގެ ކޮޅުން ވެސް މި ފަދަ ކަމަކަށް، އެކަކަށް ވެސް ހިތްވަރެއް ނުދޭނަމެވެ. އެކަމަކު، އަދި ވެސް، މީހުންގެ ސަމާލުކަމަށް މި ފަދަ ކަންކަން ގެންނާނަމެވެ. އަދި ދަންނަވަމެވެ. ކިޔުންތެރިއަކަށް ނުބައި މާނައެއް ދޭހަވުމަކީ، ކިޔުންތެރިޔާގެ ކުށެއް ނޫނެވެ. އެއީ ލިޔުންތެރިޔާގެ އިބާރާތުގެ ކޮށިކަމެވެ. އަބަދު ވެސް މަސައްކަތް މި ކުރަނީ، އެއް ވާހަކަ އަށް ވުރެ އަނެއް ވާހަކައިގެ އިބާރާތް ރަނގަޅު ކުރެވޭތޯ އެވެ. މާތްﷲ އެ ކަމަށް މިންވަރުކުރައްވާށި އެވެ.

ލިޔުމާއި މެދު ޖުމްލަ ނަޒަރަކުން އެއްޗެއް ދަންނަވާނަމަ ދަންނަވަން ޖެހެނީ ލިޔުން ފުރިހަމަ ކަމުގައެވެ.

ލިޔުން ނިންމަވާލައްވަމުން ގެންނަވާފައިވާ ޕޮއިންޓަކާއި މެދު އަޅުގަނޑު އެހޭ ހިތްހަމަ ނުޖެހެއެވެ. ހިތްހަމަ ނުޖެހެނީ އެ ގެންނަވާފައިވާ ގޮތާއި މެދުގައެވެ. އެއީ އަންހެނަކު އަނެއް އަންހެނާއި އަށް ފިރިހެނެއްގެ ނަމުގައި ފިރިހެނާއަށް ނުވެސް އެނގިހުރެ ކޮށްފައިވާ ހަޑިމުޑުދާރު މުޢާމަލާތުގެ (ކޮންވަރޒޭޝަންގެ) ލޯބީގެ ނަމުގައި ބަދަލު ކުރެވުނު ހަދިޔާ ބަދިޔާގެ ވާހަކަ ގެނެވިފައިވާ ގޮތުންނެވެ. ސަބަބަކީ އަންހެނަކާއި އަންހެނަކާއި ދެމެދު ހިނގާފައިވާ މިފަދަ މުޢާމަލާތަކީ ފާޙިޝްކަން ބޮޑުވެގެން ޢަމަލެއްގެ ކޮޅުމައްޗެވެ. މިވާހަކައިގައި ބުނާ ގޮތުން ރުވޭދާގެ މައްޗަކަށް ކުށެއް ނެތެވެ. ނަމަވެސް ސަފިއްޔާގެ ކުށްއެބަ އޮތެވެ. ހަމައެކަނި ކުށެއް ނުން، ފާހިޝް ޢަމަލަކަށް މަގު ފަހި ވެދާފަދަ މުޢާމަލާތެއް ގަޞްދުގައި ހިންގުމުގެ ސަބަބުންނެވެ. އަޅުގަނޑަށް ގޯސްވެގެން މިއުޅެނީ "ސަފިއްޔާއަށް ކުރިމަތިވި ނަފްސާނީ ބަލިމަޑުކަމުގެ ފަރުވާ ހޯދުމަށް ސަފިއްޔާ ދިޔަ ޑޮކްޓަރު، ސަފިއްޔާއަށް ދެއްވާފައިވާ ޖަވާބު ގެންނަވައިފައިވާ ގޮތެވެ. ހަމައެކަނި އެޑޮކްޓަރު ވިދާޅުވި ގޮތަށް :" "ސަފިއްޔާ އަށް ދޭންވީ ފުރަތަމަ ފަރުވާ އަކީ، އޭނަ އަކީ އަންހެން ކުއްޖެއްކަން އޭނަ އަށް ވިސްނައިދިނުން!" ޑޮކްޓަރު ބުންޏެވެ." މިޢިބާރާތް މިހާ ހިސާބުން ކުރުކޮށްލެއްވުމުންނެވެ. ވާހަކަ ނިންމަވައިލައްވަމުން މިނުބައި ޢަމަލް ކޮންމެވެސް ގޮތަކުން މަނާ ކުރެއްވުމެއް، ނުވަތަ ނުރުހުންތެރިކަމާއި އެކު ފައުޅު ކުރެއްވި ނަމަ، ވަރަށް ބޮޑުތަން ވާހަކަ ރަނގަޅުވީސް ކަމުގައި ފެނެއެވެ.

އަޅުގަނޑުދެކޭ ގޮތުގައި ބިންމާގެ ވާހަކަތަކަކީ ވަރަށްގިނަ ބޭފުޅުންނަށް އެވާހަކައަކުން އިބްރަތްތަކެއް ލިބޭ ވާހަކަތަކެކެވެ. މަތީގައި ކޮމެންޓް ކުރައްވާފައިވާ ބޭފުޅުންނަށް އަޅުގަނޑު ދަންނަވާލަން ބޭނުންވަނީ ނެގެޓިވް ކޮށް ނުވިސްނުމަށެވެ. މިއީވެސް ވާހަކައެކެވެ. އަދި މިވާހަކައިގެ ފަހަތުގައި ލިޔުއްވާފައި އެވަނީ މިއީ ހަޤީޤީ ހާދިސާއެއްގެ މައްޗަށް ބިނާކޮށް ލިޔުއްވާފައިވާ ވާހަކައެއް ކަމަށް.

ޝަފީޤުއަށް ދަންނަވާލަމެވެ. ''ކުށްކުރީ ސަފިއްޔާތޯ ނުވަތަ '' ދޮންބެ'' ތޯ އެއީ ވާހަކައިން ޖަވާބު ނުލިބޭ ސުވާލެކެވެ.' ސަފީގު މިހެންޖައްސަވާފައި އޮތުމުން އަޅުގަނޑު ހިތަށްއެރިއެވެ. ޝަފީޤު ރަގަޅަށް ވާހަކަ ވިދާޅުވިބާއެވެ. މިހެން މިދެންނެވީ މިވާހަކައިގައި މައިގަނޑު ހުރިހާގޯހެއވެސް ހެދީ ސަފިއްޔާކަން ވަރަށް ރަނގަޅަށް ސާފުވެއެވެ. އަދި ރުވޭއާއި ބޭބެއާއި ދެމެދުގައި ހަގީގަތުގައި އެއްވެސް ގުޅުމެއް ނެއްކަންވެސް ވާހަކަނިމޭއިރު އެގެއެވެ. އަދި އަލްއަޚް މުއީދުއަށް ދަންނަވާލަމެވެ. ދެއްވާފައިވާ ކޮމެންޓްގެ ފަހުބައި ގައި ވިދާޅޫވެފައި އެވަނީ އަޅުގަނޑުވެސް ވިސްނުނުން ހުރިގޮތެވެ. ނަމަވެސް މީހާރު މިމުޖުތަމައުގެ ދީނަށް ލޯބިކުރާމީހުން ހާލަތުހުރިގޮތުންނާއި މީހުންގެ ފިކުރާއި ހިޔާލުހުރިގޮތުން ބިންމާ ވާހަކައިގެ ފެށުނުހިސާބުގައި އިބާރާތް ގެންނަވާފައި ހުރިގޮތުން ބިންމާއާއިމެދު ކިޔުންތެރިން ހިތްހަނުޖެހިދާނެކަމަށް ލަފާކުރެވޭތީ ދެވަނަފަހަރު ވާހަކައެއް ލިޔުއްވާއިރު މިއަށްވުރެ ބޮޑަށް އެފަދަކަންކަމަށް ސަމާލުވުމަށް ދަންނަވާލުމެވެ. އަދި ބިންމާ ދެއްވާފައިވާ ކޮމެންޓް ފެނުމުން ވަރަށް އުފާވިއެވެ. އަދިދަންނަވަމެވެ. ބިންމާއަކީ ވަރަށް ޒިންމާދާރު ލިޔުން ތެރިއެއްކަމަށް އަޅުގަނޑު އަބަދުވެސް ގަބޫލުކުރަމެވެ.

i juz cant belive this its so............