މަޒްމޫން ޝާއިޢުކުރުމަށްޓަކައި ފޮނުއްވާނީ
publish@fanvai.info
ފުޅަފި
ފޮންޓްޑައުންލޯޑް
ގުޅުއްވުމަށް
ފަންމާފާނު
ދިވެހި ޅެންބަހުރުވަ ވަފާތެރި އަނބިން
ބެލި ޢަދަދު: 2738
|
| ވަފާތެރި އަނބިން |
 |
 |
| ދިވެހި - ވަޒަންބަހުރުވަ | |||
| 08 މާރޗް 2009، 01:59 އާދީއްތަ | |||
 ފަންވަތުގެ ޚާއްޞަ ނޯޓު: މި ލަވަޔަކީ، އަލްފާޟިލް މުޚުތާރު ފަހުމީ ހައްދަވައިފައިވާ ޅެމެކެވެ. ލަވައެއްގެ ގޮތަށް ވަކި ރާގަކަށް ކިޔުއްވައި ފައިވަނީ، އަލްމަރުޙޫމު މުޙަންމަދު ރަޝާދެވެ. އަލްފާޟިލް މުޚުތާރު ފަހުމީގެ މި ހަދިޔާ ފަންވަތުގެ އަހުލުވެރީންނަށް ފޯރު ކޮށްދެވުމަކީ، ފަންވަތަށް ލިބޭ ވަރަށް މަތިވެރި އުފަލެކެވެ. އޯޑިއޯ އަޑު އެއްސެވުމަށާއި، ޅެން ބައްލަވައިލެއްވުމަށް، ''އިތުރަށް'' މި ފިތުގެ ބޭނުން ހިއްޕަވާށެވެ. Adobe Flash Player not installed or older than 9.0.115!  ވަފާތެރި މޫނު އަލި ޞާލިޙު އަނބިން އޭ ޚާއްޞަ ނިޢުމަތެކޭ އުފާވެރި އެފަދަ ނިޢުމަތަކީ، ފިރިންނަށް މާތް ޢިނާޔަތެކޭ ދެހިތް ރުހުމުން ކުފޫ ހަމަވާ ގޮތުން ދީނަށްޓަކާ އެދިގެން ދެހިތް ގުޅިގެން ކުރާ ކާވެންޏަކީ، ލޯބީގެ ޢިއްޒަތެކޭ މުރާލި ގެވެހި އަމާނާތްތެރި އަނބީންގެ ލަޠީފު ޚިދުމަތަކީ ފުރާނަ އެ ޙައްޤުގައި ޤުރުބާން ކުރުން ވެސް ޙައްޤު ޚިދުމަތެކޭ ދަލާ ކަރުނައިގެ އަސަރުން ވެސް ޔަޤީންވޭ އެކަނބަލުން މާތްކަން ބަލާ އިރު އެކަމަކީ ވެސް އިންތިހާ ދަރަޖައިގެ ލައްޒެކޭ ގެވެހިި އަނތްބެއްގެ ނިޔަނެތި އުޅުމުގައި ލޯބިން ކުރާ ޝަކުވާ އެވެސް ހެޔޮ ބަސް ގަބޫލުކުރާ ފިރިންނަށް ހެޔޮ ނަސޭހަތެކޭ އެކަނިވެރި ވާނެހޭ މި ޙަޔާތުގައި އޮޅިގަނޑު ރަނގަޅުވީމާ އެކަނބަލުން އޭ ދަރީންނަށް ވެސް ވަރަށް ލޮބުވެތި ޙިމާޔަތެކޭ ދެފުށް އަލި ކޮންމެ ހިތަކަށް ވެސް އެހެން ހިތްތައް ލެނބޭ ލޯބިން، އެފުރުޞަތަކީ، އަނބިންނަށް ހެޔޮ ފިރިންނަށް ރަނުގެ ފުރުޞަތެކޭ މި ބޭނުންތެރި މިސާލުތަކުން އެނގޭ ހިތްހެޔޮ އަނބިންގެ މަޤާމް ލިބޭ ވަޅި ތޫނު ނަމަ ވަޅި ރީތި ވާނެ، މިވެސް ޙަޤީޤަތެކޭ މި ދުނިޔޭން ގަސްތުކުރެވޭ އެންމެ ހެޔޮ ކަމަކީ އެ ކަނބަލުންނޭ ނިދުންވެސް ދިރިއުޅުންވެސް ބާއްޖަވެރިވާ އޭ ވަސީލަތެކޭ (ނިމުނީ) މިހާތަނަށް ހުށަހަޅާފައިވާ ޚިޔާލުގެ އަދަދު (7)
...
ލިޔުނީ ފަންވަތް, 2009-03-08 15:55:51
ފަހުމީގެ ނަމުގައި ކޮމެންޓު ކުރެއްވި ކިޔުންތެރިޔާއަށާއި، އެހެނިހެން ކިޔުންތެރީންގެ ސަމާލު ކަމަށްޓަކައި ދަންނަވަމެވެ. މިއީ ވީޑިއޯ ކުޅެފައިވާ ލައެއް ނޫނެވެ. މި ލަވައިގެ އޮންނަނީ ހަމަ އެކަނި އޯޑިއޯ އެވެ. މި ލަވައިގެ ވީޑި އޯ އޮންނަ ކަމަށް ބައެއް ބޭފުޅުންނަށް ހީފުޅުވަނީ މި ނަމުގައި ދިވެހި ލަވައިގެ ފަންނާނު ''މުޚްތާރު'' ލަވައެއް ކިޔުއްވާފައި އޮންނާތީ ކަމަށް ވެދާނެއެވެ. އަދި މިއީ އެ ލަވަ ކަމަށް ހީފުޅުވުން ވެސް އެކަށީގެން ވެއެވެ.
މިއީ އެ ލަވައެއް ނޫނެވެ. އެލަވަ ނިކުތުމުން، މި ޅެމާއި އޭގެ ބަސްތައް ހުރި ގާތްކަމުގެ ސަބަބުން، އަޅުގަނޑު ލަވަކިޔުންތެރިޔާއަށް ގުޅީމެވެ. މި ޅެމުން ނަކަލު ކޮށްފައިވާ ކަމަށް ބެލެވޭ ކަމަށް ނަންގަތީމެވެ. އެހެން ކަމަށް ވާނަމަ އެއީ ވަރަށް ދެރަކަމެއް ކަމުގައި ނަންގަތީމެވެ. ޖަވާބުގައި ބުނުއްވީ އެއީ އަލަށް ޅެން ހަދާ ހިތުން އުޅޭ މި ވެނި މީހެއްގާތު ތިމަންނަ އެދުނު އެދުމަކަށް އޭނާ ހެދި ލަވައެއްކަމަށެވެ. ތިމަންނަ އޭނާ ގާތު ބުނީ ޅެން ހެދުމުގެ ކުރިން ނައިފަރު ދޮހޮއްކޮބެ ކިޔާ ''ވަފާތެރި މޫނު އަލި ޞާލިޙު އަނބިން'' މި ޅެން އަޑު އެހުމަށްފަހު، އެ ރާގަށް އެ އާ އެއްގޮތަށް އެ ކަހަލަ ޅެމެއް ހަދައިދިނުމަށް ކަމަށްވެސް ބުނުއްވި އެވެ. ފަންވަތުގައި ހިމަނައިފައިވާ މުޙަންމަދު ރަޝާދުގެ އަޑު އޮތް '' ވަފާތެރި އަނބިން'' މި ލަވައަކީ، މުޚުތާރުބޭބެ (މުޚްތާރު ފަހުމީ) ކެސެޓް ޓޭޕެއްގައި އަތުން އަތަށް ސީދާ އަޅުގަނޑަށް ދެއްވި ލަވަތަކެއްގެ ތެރޭގައި ހިމެނޭ ލަވަ އެކެވެ. އޯޑިއޯ ލަވައެކެވެ. ވަރަށް އޮއްޓަރު ހުރި މޮޅު ލެމެއްކަމަށް ދެކެމެވެ. -އާދަމް ނަޞީރު އިބްރާހީމް-
...
ލިޔުނީ ފަންވަތް, 2009-03-10 15:16:44
އޯޑިއޯ އަޑު އެއްސެވުމަށްޓަކައި، ޅެމާއެކު ހިމަނާފައިވާ ޕްލޭޔަރުގެ ބޭނުން ކުރައްވާށެވެ. ހަތަރެސްކަން ގޮޅިއެއްގެ ތެރޭގައި އެވާ ފިޔާތޮށި ކުލައިގެ ޖަވާހިރުގެ މެދުގައި ތީރު ތުނޑެއްގެ ބައްޓަމަށްވާ، ހުދުކުލައިގެ ނިޝާނަށް ކްލިކް ކޮށްލައްވާށެވެ!
...
ލިޔުނީ Fahumeeeeee, 2009-03-10 15:23:55
Varah bodah shukuriyyaa. Aoudio adu ahaalan hadhaany kihineh_thoa?
ޚިޔާލު ހުށަހަޅާ
|
| ހަމަ މި ގަލަމުން |
|---|
ބެލި ޢަދަދު: 2738