މަރުޙަބާ
ފަންވަތުގެ ހިޔާވަހިކަމަށް ޒިޔާރަތް ކޮށްލެއްވިކަމަށްޓަކައި ވަރަށް ބޮޑަށް މަރުޙަބާ ދަންނަވައި، ޝުކުރު އަދާކުރަމެވެ. ފަންވަތަށް ލިޔުމެއް ހުށަހަޅުއްވައި އެރޮނގުން ކިޔުންތެރިންނަށް އަގުހުރި ހަދިޔާއެއް ކުރައްވާނަމަ ޝުކުރު ތަކުރާރު ކޮށްލަމެވެ. ލިޔުން ޝާއިޢު ކުރެއްވުމުގެ ކުރިން، ނުވަތަ ލިޔުން އީމެއިލް ކުރެއްވުމުގެ ކުރިން ''ފަންވަތުގެ ހަމަތައް'' ވިދާޅުވެލެއްވުން މުހިންމުކަމުގައި ދަންނަވަމެވެ.
ފަންވަތުގެ ހަމަތައް
ތަޢާރުފު:
މިއީ، ޚަބަރާއި ސިޔާސަތާ ދުރު، މަޢުލޫމާތުގެ ސައިޓެކެވެ.
މި ސައިޓަށް ލިޔުން ހުށަހެޅުމުގެ ފުރުޞަތު ހުޅުވާލެވިފައި ވެއެވެ.
މަޤުޞަދު:
1. ދިވެހިންގެ ދީނީ ޝަޚުޞިއްޔަތު، ދިވެހިންގެ ތާރީޚާއި ސަގާފަތު، ދިވެހިވަންތަކަމާއި ޤައުމިއްޔަތު، ދިރުވާ އާލާކުރުމަށް މަގުފަހިކޮށްދޭނެ ތަފާތު މަޢުލޫމާތު ފޯރުކޮށްދިނުން.
2. އިންސާނީ ސުލޫކާއި ރިވެތި އަޚްލާޤަށް ފަރިތަވެފައިވާ ތަހުޒީބު މުޖުތަމަޢަކަށް ދިވެހި މުޖުތަމަޢު ވުމަށް ބޭނުންވާ ރަނގަޅު އަދަބީ ލިޔުންތައް ފަންވަތުގެ ބައިވެރިންނާ ހިއްސާކުރުން.
3. ދުނިޔެ ދެކެމުންދާ ޢިލްމީ ފަންނީ ކުރިއެރުންތަކަށް ފަންވަތުގެ ބައިވެރިން އަހުލުވެރި ކުރުވުން.
4. މުނިފޫހި ފިލުވައިދޭ މަޢުލޫމާތާއި އެފަދަ ސިކުނޑީގެ ކަސްރަތުތައް ގެނެސްދިނުން.
5. ތަފާތު އުމުރުފުރާތައް، އާއިލީވެށީގައި، ހިއްސާކޮށްލެވޭނެ ގޮތުގައި މަޢުލޫމާތު ގެނެސްދިނުން.
ލިޔުން ޝާއިޢު ކުރުމުގެ އުސޫލުތައް:
1. މި ސައިޓުގައި ހިމަނަންވާނީ، މާތްވެގެންވާ އިސްލާމްދީނާއި، ދިވެހި ރާއްޖޭގެ ޤާނޫނާއި، ދިވެހިންގެ ޒަމާންވީ ރީތި އާދަކާދަތަކުގެ ޙުރުމަތްތެރިކަން ހިފަހައްޓައިދޭ ލިޔުންތަކެވެ.
2. މި ސައިޓުގައި ހިމެނޭ އެއްވެސް ލިޔުމަކުން، އެއްވެސް ފަރާތެއްގެ ސިޔާސީ މަޞްލަޙަތަކަށް އުނިކަމެއް، އަދި މަންފާއެއް ލިބިގެން ނުވާނެއެވެ.
3. މި ސައިޓުގައި ޝާއިޢުކުރާ އެއްވެސް ލިޔުމެއްގެ ސަބަބުން، އެއްވެސް މީހެއްގެ ކަރާމާތާއި، އަބުރާ ޢިއްޒަތަށް އުނިކަމެއް ލިބިގެން ނުވާނެއެވެ.
4. އިސްލާމްދީނުގެ ފަރުޢީ ކަންތައްތަކާއި، މަޒުހަބީ ތަޢައްޞުބުތަކަށް ހިތްވަރުދޭ ފަދަ، ނުވަތަ އެފަދަ ޝުޢޫރުތައް އާލާކުރުވާ ފަދަ ލިޔުންތައް ފަންވަތުގައި ހިމަނައިގެން ނުވާނެއެވެ.
5. މި ސައިޓަށް ހުށަހެޅޭ ކޮންމެ ލިޔުމަކީ، އެ ލިޔުންތެރިޔާ ލިޔުނު ލިޔުމަކަށް ވާކަށް ނުޖެހެއެވެ. އެހެން ނަމަވެސް އެލިޔުމަކާބެހޭ ހުރިހާ ޒިންމާއެއް އުފުލާނީ، އެލިޔުމެއް ހުށަހެޅި ފަރާތަކުންނެވެ.
6. އެހެން ލިޔުންތެރިއެއްގެ ލިޔުމެއް ހުށަހަޅާނަމަ އެ ލިޔުމެއް ހުށަހަޅަންވާނީ، އެ ލިޔުނު މީހާއާއި، ހުށަހެޅި މީހާ އެނގޭނެ ގޮތަށެވެ.
7. ކިއުންތެރިން ފޮނުއްވާ ޚިޔާލުފުޅުތައް ޝާއިޢު ކުރުމާއި ނުކުރުމާއި އަދި އެ އެޑިޓްކުރުމުގެ ޙައްޤު މިސައިޓުގެ އެޑިޓަރުންނަށް ލިބިގެން ވެއެވެ.
8. މިސައިޓުގައިވާ ލިއުމަކާމެދު ނުވަތަ ޚިޔާލަކާމެދު އެއްވެސް ޝަކުވާއެއް އޮވެއްޖެނަމަ، އެ ލިއުމެއް ނުވަތަ އެ ޚިޔާލެއް ޝާއިޢުކުރިތާ އެއްމަސް ދުވަހުގެ ތެރޭގައި އެކަން މިކަން މިސައިޓަށް އަންގަންވާނެއެވެ. އެމުއްދަތުގެ ފަހުން ކުރާ ޝަކުވާތައް ބަލައި ނުގަނެވޭނެއެވެ. ނަމަވެސް މީހެއްގެ ޙައްޤަކަށް ނުވަތަ އަބުރަށް ގެއްލުމެއް ލިބޭފަދަ ލިއުމަކަށް ނުވަތަ ޚިޔާލަކަށް ވެއްޖެނަމަ، އެ މިސައިޓުން އުނިކުރެވޭނެއެވެ.
ފަންވަތަށް ލިޔުން ހުށަހެޅުން:
މި ސައިޓަށް ލިޔުން ފޮނުއްވަން ބޭނުންވާ ބޭފުޅުން،
This e-mail address is being protected from spambots. You need JavaScript enabled to view it
އަށް ލިޔުން ފޮނުއްވުން އެދެމެވެ.
ނޯޓް:
މުސްތަޤުބަލުގައި ދިމާވާ ކަމަކާ ގުޅިގެން، ފަންވަތުގެ ހަމަތަކަށް އިޞްލާޙާއި ތަރައްޤީ އައުމަކީ އެކަށީގެންވާ ކަމެކެވެ.
 |
މިވަގުތު ފަންވަތުގައި
މިވަގުތު 12 ކިޔުންތެރިން އޮންލައިން
ފަންވަތުގެ ޖަވާހިރު
''އަޅުގަނޑަށް ވިންސޭ ގޮތުގައި ހަމައެއް ނަހަމައެއް ބެލުމަކާނުލައި ބަސް އުފެދިފައިވާ އަޞްލަށް ޙުރުމަތްތެރިކަމެއް ނުބަހައްޓައި އެބަހަކާ ނުގުޅޭ ފަދަ ބޭރުބަސްތަކުގެ ލަފްޒުތައް ބަހަކަށް ވައްދަން މަސައްކަތް ކުޅައުމަކީ އެބަހަކަށް ޚިދުމަތް ކުޅައުމުގެ ބަދަލުގައި ބަހަށް ކުރެވޭ ވަރަށްވެސް ބޮޑު ޚިޔާނާތްތެރި ކަމެކެވެ.''
- މުޙަންމަދު އަމީން-
|
|
|
މެހެމާނުނުންގެ އަދަދު
މިހާތަނަށް : 725422
މަޒްމޫން ޝާއިޢުކުރުމަށްޓަކައި ފޮނުއްވާނީ
publish@fanvai.info
މަތީގައި އެވާ ފަންވަތުގެ ހަމަތައް ކިޔައި، ލިއުން ޝާއިޢުކުރުމުގެ އުޞޫލުތައް ބަލައި މުރާޖަޢާ ކޮށްފީމެވެ. އޭގައިވާ ގޮތުން ފަންވަތުގެ ލިއުންތެރިން ވަނީ، މަޞްލަޙަތުހުރި ޙުދޫދެއްގެ ތެރޭގައި ހިފެހެއްޓިފައެވެ.
ތިކަނޑައަޅުއްވާފައިވާ އުސޫލުތަކާ އެއްގޮތަށް ފަންވަތުގެ ލިއުންތެރިން ލިޔެފާނެއެވެ. ނަމަވެސް، ޚިޔާލު ހުށަހަޅާފަރާތްތަކުން، ތިއުސޫލުތަކުގައި ހިފަހައްޓަފާނެތޯއެވެ. އެއްވެސް ހިފެހެއްޓުމެއްނެތި، ފަންވަތުގައި ވަނީ، ޚިޔާލު ހުށަހެޅުމުގެ ދޮރު ހުޅުވާލެވިފައެވެ. ފަންވަތަކީ، ބަޔަކު އޭގެ ބޭނުން ނުބައި ގޮތުގައި ހިފަން ބޭނުންވެއްޖެނަމަ، މިހާރު އެކަމަށް ތަނަވަސްވެފައިވާ ވަރަށް ބޮޑު މައިދާނެކެވެ.
ތިބާވަތުގެ އެހެން ވެބްސައިޓްތައް ވެސް އަޅުގަނޑު ބަލަމެވެ. މިހާތަނަށް އަޅުގަނޑަށް ފެނުނު ހަރުދަނާ ވެބްސައިޓްތަކުގައި ވަނީ، ޚިޔާލު ހުށަހަޅާ ފަރާތްތައް ވެސް ޒިންމާދާރު ކުރުވާފައެވެ. އެފަދަ ވެބްސައިޓްތަކުގައި ޚިޔާލު ހުށަހެޅޭނީ މެންބަރުންނަށެވެ. މެންބަރަކަށް ވުމަށްޓަކައި އޭނާއާ ބެހޭ ބައެއް މަޢުލޫމާތު ވެބްސައިޓަށް ދޭންޖެހެއެވެ. މިސާލަކަށް، ނަމާއި ޢުމުރާއި ޤައުމާއި އީމެއިލް އެޑްރެހެވެ. މީގެ ތެރެއަށް، އައިޑީ ކާޑުގެ ނަންބަރު އިތުރުކުރުމަކީ ބުއްދިވެރި ކަމެއް ކަމުގައި ދެކެމެވެ.
ޝުކުރު ޙައްޤުވެގެންވާ ފަންވަތުގެ ހިންގުންތެރިންނޭވެ! ކުރިޔަށް އޮތް ދިރާސީ އަހަރުގެ ކިޔެވުން ފެށުމާއެކު، ޓީޗަރުންނާއި ދަރިވަރުން، ތި ވެބްސައިޓަށް ވަންނާނެކަމަށް ލަފާކުރެވެއެވެ. ތި ވެބްސައިޓްގައިވާ ތަކެއްޗަށް ބަލާލުމުން މިކަން އެބަ އިހުސާސްވެއެވެ. މިހާރު ތިސައިޓް ތިއޮތްގޮތުން އަޅުގަނޑު ވަރަށް ބޮޑަށް އެބަ ޖެހިލުންވެއެވެ. މިހެންވެ، މިހާރަށްވުރެ ބޮޑަށް ލިއުންތެރިންނާއި ކިއުންތެރިން ޒިންމާދާރު ކުރެއްވުމުގެ ގޮތުން މިދަންވާ ފިޔަވަޅުތައް ހުށަހަޅަމެވެ.
1. ލިއުންތެރިޔާގެ އަމިއްލަ ނަމުގައި ނޫނީ، އެއްވެސް ލިއުމެއް ހުށަނޭޅުން.
2. ތިވެބްސައިޓްގައި ރަޖިސްޓަރީކޮށް، އައިޑީކާޑުގެ ނަންބަރު ދީފައިވާ މެންބަރަކަށް ނޫނީ ޚިޔާލު ހުށަނޭޅޭ ގޮތަށް އޮތުން.
މި ދެނުކުތާ މި ހުށަހެޅީ ތި ސައިޓްގައިވާ ލިއުންތަކާއި ޚިޔާލުތަކަށް ބެލުމަށްފަހުގައެވެ. މި ދެއިސްލާހު ގެންނަވައިފިނަމަ، ތިވެބްސައިޓުގެ ލިއުންތެރިންނާއި ކިއުންތެރިންގެ މެދުގައި ގުޅުން ބަދަހިވެގެން ދާނެ ކަމަށް ދެކެމެވެ. އަދި ތި ވެބްސައިޓަކީ، އެބޯޅޭ މިބޯޅޭ މީހުންގެ ބަދަލުގައި ތައުލީމުޔާފުތާއިންގެ ސައިޓަކަށް ވެގެން ދާނެ ކަމަށް ވެސް ދެކެމެވެ.
ޝުކުރިއްޔާ.