ދަ ކަޕީކޭކް ސޯންގް – ޔޯމައި ހަނީބަންޗް

ބެލި ޢަދަދު: 2773

ސައިޓްބޭނުންކުރެއްވުމުގައި ދިމާވާދަތިތައް އެންގެވުމަށް
SMS: 7799077, email: admin@fanvai.info

30 ޑިސެމްބަރ 2008، 17:40 އަންގާރަ

ފޮނުވީ: ދާލު

2007 ވަނަ އަހަރުގެ ކުރީކޮޅުގައި އަޅުގަނޑުމެން ތެރެއަށް މަޝްހޫރު ވެގެން ދިޔަ " ޔޯމައި ހަނީބަންޗް" އެހެން އިބާރާތަކުންނަމަ "ދަ ކަޕީކޭކް ސޯންގް" އަކީ އެދުވަސްވަރުގެ ހުރިހާ މޮބައިލް ފޯނެއްގެ ރިންގުޓޯނޭ ދެންނެވިޔަސް ދޮގަކަށް ނުވާނެއެވެ. މިލަވައިގެ ވީޑިއޯ އެންމެފުރަތަމަ ޔޫޓިއުބުގައި ޝާއިޢު ކޮށްފައިވަނީ 2006 ނޮވެމްބަރ 9 ވަނަދުވަހުއެވެ. ފުރަތަމަ 2 މަސް ދުވަހުގެތެރޭގައިވެސް 47000 ފަހަރު ބަލާފައިވެއެވެ. އަދި 2007 ޖެނުއަރީ 14 ވަނަދުވަހާހަމަޔަށް 1،008،000 ފަހަރު މިލަވައިގެ ވީޑިއޯ ބަލާފައިވެއެވެ. މިއަދާހަމައަށް (2008 ޑިސްމްބަރ 30) މިލަވަ ޔޫޓިއުބް މެދުވެރިކޮށް ބަލާފައިވާ ޢަދަދަކީ 7,235,871 އެވެ.

މިލަވަކިޔާފައިވަނީ 1990 އެޕްރީލް 2 ވަނަދުވަހު، އެމެރިކާގެ ކެލިފޯނިއާގައި އުފަންވި "އެމީ ޖެސިކާ ކާސަލް" ނުވަތަ "އެމީ ކާސަލް" އޭނާގެ އުމުރުން އެންމެ 3 އަހަރުގައެވެ. މިއީ، މިލަވަ ދުނިޔޭގެ ގިނަބައެއްގެ މަޤްބޫލުކަން ހޯދި އެއްސަބަބެވެ. އަދިހަމައެހެންމެ މިހާ ތުއްތުކުޖަކު މިޔުޒިކީ ހަމަތަކާ އެއްގޮތަށް، ހުނަރުވެރިކަމާއެކީ ލަވައެއްކިޔުން ވެގެންދިޔައީ ގިނަބައެއްގެ ސަމާލުކަން އެކަމަށް އަނބުރުވާލި ކަމެއްކަމަށެވެ.

އެމީގެ އުމުރުން 4 އަހަރުގައި ނަށަން ދަސްކުރަން ފެށިއެވެ. އަދި އުމުރުން 8 އަހަރުގައި ޕުރޮފެޝަނަލްއެކްޓްރެސް އަކަށްވިއެވެ. މިގޮތުން އެމެރިކާގެ ޑްރާމާ ސީރީސްތައް ކަމަށްވާ "އެލީ މެކްބީލް، ދަ ނޯމް ޝޯ، ޕްރޮވިޑެންސް އަދި ލިޒީ މެކްގީ" ފަދަ މަޤްބޫލު ސީރީސްތަކުން ފެނިގެންދިޔައެވެ. 2002 ވަނަ އަހަރުގެ "ޔަންގ އާރޓިސްޓް އެވާރޑް އެމީއަށް ލިބުނެވެ. މިހާރު (2008 ޑިސްމްބަރ 30) އެމީގެ އމުރަކީ 18 އަހަރެވެ.

Adobe Flash Player not installed or older than 9.0.115!