ޢަބްދުލްމުޢީދު ޙަސަން

މިފަހަރު މި ގެނެސްދެނީ ތަފާތު ވެބްސައިޓަކާ ބެހޭ މަޢުލޫމާތުކޮޅެކެވެ. މިއީ ކުރިން ގެނެސްދީފައިވާ ވެބްސައިޓުތަކާ ޚިލާފަށް ކުޑަކުދިންނަށްޓަކައި ވެބްސައިޓަކުން ތައްޔާރުކޮށްފައިވާ ޞަފުޙާއެކެވެ.

އާދޭހެވެ. " ހަންހާރަ" ކުޑަކުދިންގެ ޞަފުޙާއަކީ، އާކިފެހިޗަރ ވެބްސައިޓުން ކުޑަކުދިންނަށްޓަކައި ތައްޔާރުކުރާ ޞަފުޙާއެކެވެ. މި ޞަފުޙާ، އާވަނީ، ކޮންމެ މަހަކު އެއްފަހަރުއެވެ. މި ޞަފުޙާ އަމާޒުކޮށްފައިވަނީ، ގްރޭޑް 7 އިން ފެށިގެން ދަށުގެ ކުދިންނަށެވެ.

ޢަބްދުލްމުޢީދު ޙަސަން

ވާރލްޑް ޑިޖިޓަލް ލައިބްރަރީއަކީ، އާދައިގެ ވެބްސައިޓެއް ނޫނެވެ. އެއީ، ވަރަށް ގިނަ ރެފަރެންސްތަކާއި ޑޮކިއުމަންޓްތަކާއި ނާދިރު ލިއުންތައް ހިމެނޭ އަރުޝީފެކެވެ. މި ލައިބްރަރީ އުފެއްދުމުގައި ބައިނަލްއަޤުވާމީ އެތައް ފަރާތެއްގެ ޙިއްޞާ ހިމެނިފައި ވެއެވެ.

ޗައިނާގެ ބޯދާ ލިއުންތަކާއި ޢަރަބި އިސްލާމީ ލިއުންތަކާއި އެމެރިކާއާއި ޔޫރަޕުގެ ބޯދާ ލިއުންތައް، އެ ސައިޓުގައި ވެއެވެ. އެ ސައިޓަށް ޒިޔާރަތްކުރައްވާ ކިއުންތެރިންނާއި ބާޙިޘުންނާއި ތަޢުލީމުޔާފުތާއިންނަށް، ދުނިޔޭގެ ޢިލްމީ ޚަޒާނާތަކުގެ ތަޅުދަނޑިތައް ވަނީ ފޯރުކޮށްދީފައެވެ. މި ބިޔަ މަޝްރޫޢުގެ ބޭނުމަކީ، އިންސާނީ ތާރީޚުގައި އުފެއްދިފައިވާ ޢިލްމާއި މަޢުރިފާ، ފުޅާ ދާއިރާއެއްގައި ފޯރުކޮށްދިނުމެވެ.

ޢަބްދުލްމުޢީދު ޙަސަން

ކީރިތި ޤުރުއާނަށް ޚިދުމަތްކޮށްދޭ ބައެއް ވެބްސައިޓްތައް، މީގެ ކުރިން ވެސް ގެނެސްދެވިފައި ވާނެއެވެ. މި ސިލްސިލާގައި މިފަހަރު ގެނެސްދޭ ވެބް ސައިޓުގައި، ކީރިތި ޤުރުއާނާއި، ކީރިތި ޤުރުއާނުގެ ދިވެހި ތަރުޖަމާ ހިމެނެއެވެ.

މިފަހަރުގެ ސައިޓަކީ، ކުއްލިއްޔަތުއްދިރާސާތިލް އިސްލާމިއްޔާގެ ވެބްސައިޓެވެ. އެ ސައިޓުގެ މައި ޞަފުޙާގެ ވާތްފަރާތު މަތީގައިވާ ދެ ވިންޑޯ، މި ލިއުމާއެކުގައިވާ ފޮޓޯގައި އެވަނީއެވެ.

ފޮޓޯގެ މަތީގައިވާ ވިންޑޯއިން، ކީރިތި ޤުރުއާނުގެ ސޫރަތްތައް ލިބިވަޑައިގަންނަވާނެއެވެ. ކޮންމެ ސޫރަތެއްގެ ނަމަށް އެއްފަހަރު ކްލިކްކޮށްލެއްވުމުން، އާ ވިންޑޯއެއްގައި، އެ ސޫރަތުގެ ޞަފުޙާ ހުޅުވޭނެއެވެ. މިއީ، ލިއުންތެރިންނަށް ނުހަނު ބޭނުންތެރި ރަނގަޅު ޚިދުމަތެއްކަމުގައި ވާނެއެވެ. އަދި ކުއްލިއްޔާގެ ދަރިވަރުންނަށް، ތަޢުލީމީ ކަންކަމުގައި، މި ޚިދުމަތުގެ ބޭނުން ހިފިދާނެއެވެ.

ޝަމްސުލް ފަލާޙް

މިލިޔުމުގައި މިބަލާލަނީ، ވިންޑޯސް 7 އާއި މެކް އޯ.އެސް އެކްސް ގެ ތަފާތުތަކަށެވެ. އިންޓަރނެޓުގައިވާ ޓެކްނޮލޮޖީ ވެބްސައިޓުތަކުގައި މިކަމާބެހޭގޮތުން ތަފާތު ގިނަ ބަޙުޘްތައްވަނީ ކޮއްފައެވެ. ތިރީގައި މިވަނީ އޭގެ ޚުލާޞާއެކެވެ. މި ދެ އޮޕަރޭޓިންގ ސިސްޓަމްޓަމްގެ ތެރޭން އެންމެ ރަނގަޅު އަދި ކަމުދާ އޯ.އެސްއެއް ކަނޑައަޅާނީ ކިޔުންތެރިންނާއި ބޭނުންކުރާ ފަރާތްތަކުންނެވެ.

ޝަމްސުލް ފަލާޙް


މައިކްރޯސޮފްޓުން އަލަށް ތަޢާރަފްކުރަންއުޅޭ އޮޕަރޭޓިންގ ސިސްޓަމް (އޯ.އެސް) ކަމަށްވާ، ވިންޑޯސް 7 ގެ ބީޓާ ވާރޝަން އެމީހުންވަނީ ވަރަށް ފަހުން ނެރެފައެވެ. މިއީ، މިހާރު ބޭނުންކުރާ އެކްސްޕީ އާއި ވިސްޓާއަށްވުރެ، އިންސްޓޯލްކުރުމަށް ފަސޭހަ އޯ.އެސްއެކެވެ. ވިންޑޯސް 7 ލޯޑްވުމަށްބަލާއިރު ފާހަގަކުރެވޭ ކަމަކީ، އެހެން އޮޕަރޭޓިންގ ސިސްޓަމްތަކަށްވުރެ އަވަސްކަމެވެ. މިކަން އެންމެ ބޮޑަށް ފާހަގަކުރެވޭނީ، ވިސްޓާ ބޭނުންކުރުމަށްފަހު، މިއޯ.އެސްއަށް ހިޖުރަކުރާ ފަރާތްތަކަށެވެ.
ވިންޑޯސް 7 ގެ ޑެސްކްޓޮޕް ފެންނަނީ ވަރަށް ހިތްގައިމުކޮށެވެ. ބައެއް ބަޓަންތަކާއި، ޓާސްކްބާރ ފަދަ އެއްޗެހިވެސް ހުންނަނީ ޓްރާންސްޕޭރަންޓްކޮށެވެ. އެހެންކަމުން، މިޒަމާނުގެ ގްރެފިކް ޑިޒައިނިންގގެ ވައްޓަފާޅި ވަރަށް ރަނގަޅަށް އެބަހުރިކަމަށް ބުނެވިދާނެއެވެ.

ޝަމްސުލް ފަލާޙް


ފަންކްޝަން ކީތަކަކަކީ، ކޮމްޕިޔުޓަރު ކީބޯރޑުގެ މަތީގައިވާ، އެ ފިތްތަކަކުން ތަފާތުގިނަ މަސައްކަތްތަކެއް ކުރެވޭ ފިތްތަކެކެވެ. ކޮމްޕިޔުޓަރު ކީބޯރޑުގައިވާ ޝިފްޓްކީއަށް ފިތައިގެން ހުރެ، އެހެން ފިތްތަކަށް ފިތުމުން، އެފިތުން އާދަކޮށް ކުރެވޭ ކަންތަކުގެ އިތުރުން އެހެން ކަންތައް ކުރެވޭބީދައިން، ފަންކްޝަން ކީތަކުން ގިނަ ބޭނުންތަކެއް ކުރެވެއެވެ. ކީބޯރޑުގެ ތިރީގައިވާ އެފް.އެން ކީއަކީ، ކީބޯރޑުގެ މަތީގައިވާ ފިތްތައް އެކްޓިވޭޓްކޮއްދޭ މައިގަނޑު ފިތެވެ. މަތީގައިވާ ފަންކްޝަން ކީތަކުގެ ސަބަބުން، ކީބޯރޑުގެ ސައިޒު ކުޑަކޮށްދެއެވެ. ފަންކްޝަން ފިތްތަކަށް، "ހޮޓްކީ" އޭވެސް ކިޔައެވެ. ހޮޓްކީ އަކީ، ފިތަކަށް ފިތާލުމުން، ވަކި ޚާއްޞަކަމެއް ކުރެވޭ ފިތެކެވެ.

ޢަބްދުލްމުޢީދު ޙަސަން

1. އަލްޤުރްއާނުލްކަރީމް ޑޮޓް ކޮމް

މިއީ، ކީރިތި ޤުރުއާނުގެ ހުރިހައި ކަލިމައެއް ވަކިވަކިން ތަރުޖަމާކޮށްދީފައިވާ ވެބްސައިޓެކެވެ. މި ވެބްސައިޓްގައިވާ، ކީރިތި ޤުރުއާނުގެ ފިހުރިސްތަށް ވަޑައިގެންނެވުމަށްޓަކައި މިތަނަށް ކްލިކްކޮށްލައްވާށެވެ. ފިހުރިސްތުން ސޫރަތެއް ނަންގަވައިފިނަމަ، ހުޅުވޭނީ ހަމަ އެޞަފުޙާގައެވެ.

ނަންގަނެވިދިޔަ ޞަފުޙާއަށްވުރެ، ސޫރަތްތަކުގެ ނަންބަރު ޖަހާފައިވާ ޞަފުޙާ ބައެއް ބޭފުޅުންނަށް މާ ކަމުދާނެއެވެ. އެ ޞަފުޙާއަށް ވަޑައިގެންނެވުމަށްޓަކައި، މިތަނަށް ކްލިކްކޮށްލައްވާށެވެ. އެ ޞަފުޙާގައި 114 ސޫރަތުގެ ނަންބަރު ވަކިވަކިން ތާވަލެއްގައި ލިޔެފައިވާނެއެވެ. އެއިން ނަންބަރަކަށް ކްލިކްކޮށްލެއްވުމުން، އާ ޞަފުޙާއެއްގައި ސޫރަތުގެ ތަރުޖަމާ ހުޅުވޭނެއެވެ.