ކޮއްޓުމުގެ ބަދަލުގައި ކްލިކްކުރުން ބޭނުންކުރެއްވިނަމަ، ދުލަށް ލުއިވެފައި ހަޖަމްކުރަން ފަސޭހަވާނެއެވެ. ކޮއްޓުމަށްވުރެ ޝުހުރަތު ބޮޑީ ކްލިކްކުރުމުގައެވެ. ކްލިކްކުރުން، ކޮއްޓުމަށް ވެފައި، އަޅުގަނޑު މީދަލަކަށް ވެއްޖެއްޔާ، މީހުން، އަޅުގަނޑުގެ ގައިގައި އަތްލާން ހާދަހާ ފަކުރުގަންނާނެއެވެ. އަދި އަޅުގަނޑާ ގާތްވާން ބިރު ވެސް ގެންފާނެއެވެ. އަޅުގަނޑަކީ މީދަލެއް ނޫނެވެ. އަޅުގަނޑަށް ކިޔަނީ "މައުސް" އެވެ.
ޝަމްސުލްފަލާޙެވެ. މަޒުމޫނު ކިތަންމެހައި ވެސް ރަނގަޅެވެ. އެކަމަކު، މީހުން ނިކަން ލޯބިން އަޅުގަނޑަށް ކިޔާ ނަން، ތިބޭފުޅާ ބަދަލުކުރައްވާފާނެހެން ހީވާތީ މިޚިޔާލު ހުށަހެޅީއެވެ. މައުސެއްކަމަކު، އަޅުގަނޑުގެ ވެސް ޝަރަފަކާއި ޝުހުރަތެއް ވެއެވެ. ކޮންމެ މަޤާމަކަށް ބަހެއްވެޔޭ ބުނާ އުސޫލުން، ދަނޑު މަތީގައި ބޯޅަ ކޮށްޓާނީއެވެ. ކަނޑު މަތީގައި ދޯނި ދުއްވާނީއެވެ. ބަނޑު މަތީގައި ނަމަ، ކުރާ ކަމަށް ކިޔާނަން ތަފާތުވާނެއެވެ. ހަމައެފަދައިން މައުސްއިން ކުރާ ކަން ވެސް ގިނަ ބަޔަކަށް އެނގިފައިވަނީ ކްލިކްކުރުމުގެ ނަމުންނެވެ.

މައުސްގެ ޚިޔާލަށް އަޅުގަނޑު އިޙްތިރާމްކުރާޙާލު އެއްޗެއް ލިޔެލާނަމެވެ. "މައުސް" އަކީ އެއްޗަކަށް ކިޔޭ ޚާއްޞަ ނަމެކެވެ. އެހެންކަމުން އެއްޗެކަށް ނުވަތަ ތަނަކަށްކިޔާ ޚާއްޞަ "ނަމެއް" ތަރުޖަމާކޮށްގެން ލިޔުން ރަނގަޅުނޫންކަން ޤަބޫލުކުރަމެވެ. ނަމަވެސް އަޅުގަނޑުގެ ނަޒަރުގައި، އެއްޗަކަށް ނުވަތަ ތަނަކަށްކިޔާ ޚާއްޞަ ނަމަކަށް ނޫންގޮތަކަށް ބަހެއް ތަރުޖަމާކުރުން އެއީ އެހާ ބޮޑު މައްސަލައެއްނޫނެވެ. މައުސް ލިޔުއްވާފަދައިން ކިޔާމީހުންނަށް ފަސޭހަވާނީ "ކްލިކް" ބޭނުންކުރެއްވިނަމަކަން އަޅުގަނޑުވެސް ޤަބޫލްކޮށް އެއަށް އިޢުތިރާފްވަމެވެ. "ކޮށްޓުން" ލިޔެފައިއެވަނީ "ކޮށުން" މިބަހުގެ މާތްބަހުރުވައިގެ ގޮތުގައިކަން ފާހަގަކޮށްލުން މުހިންމެވެ. ފަހަރެއްގައިވެސް، ދިވެހިން ލިޔެފައިވާ ލިޔުމެއް އިނގިރޭސިއަށް ބަދަލުކުރާއިރު، "ދޫނިދޫ" މިހެން ލިޔެފައިވާ ތަނެއް "BIRD TONGUE" އަށް ތަރުޖަމާކުރަން އަޅުގަނޑުވެސް އެއްބަހެއްނޫނެވެ. ފަލާޙްގެ ވިސްނުންފުޅަކީވެސް މިއީކަމުގައި ވެދާނެއެވެ.

މައުސް ކްލިކް އަށް ކޮށުން، ނުވަތަ ކޮއްޓުން ކިޔުމުން އޮޑް ކަމަށް ގަބޫލު ކުރަމެވެ. އެބަސް އެގޮތަށް ޢާންމު ވެފައި ނެތީމައެވެ. ކޮއްޓުމުގެ ބަދަލުގައި ފިއްތަވާލެއްވުން މާބޮޑަށްވެސް ގުޅެއެވެ.

މިއީ ވަރަށް ބޭނުންތެރި މައުޒޫއެކެވެ. ފަލާ ޓީވީން ޕްރޮގްރާމު ގެނެސް ދެއްވާލެއްވެސް ވަރަށް ފުރިހަމައެވެ. އެކަމަކު ޓީވީ ޕްރޮގްރާމެއް ފެންނާނީ އެއްފަހަރުއެވެ. ފަހުން އަޅުގަނޑުމެން ބަލައިލަންވާ ވަގުތަކު ފެންނާނެ ގޮތެއް ނޯންނާނެއެވެ. އެކަމަކު ނެޓުގައި މި ފަދަ މައުލޫމާތުތަކެއް ކިޔާދޭނަމަ އޮފީހުގައިވެސް، ގޭގައިވެސް ބެލޭނެއެވެ. އެހެންވީމާ، ފަލާގެ މި މަސައްކަތަށް މަރުޙަބާ ކިޔަމެވެ. އިތުރު ލިޔުއްވުމަކަށް އިންތިޒާރު ކުރަމުންނެވެ. - ޝުކުރިއްޔާ-

ހުށަހެޅޭ ކޮންމެ ޚިޔާލެއް ތަންފީޒުކުރާކަށް ނުޖެހެއެވެ. ޚިޔާލު ފާޅުކުރުމަކީ، ޚިޔާލުތައް މުއްސަނދިވާ ކަމެކެވެ. މި މަޒުމޫނުގެ ސަބަބުން، ކްލިކާއި ކޮއްޓުމާއި ކޮށްޓުމާއި ކޮށުމުގެ ވާހަކަ ދެކެވިއްޖެތާއެވެ. ހަމަގައިމުވެސް މިކުރެވުނީ، ރަނގަޅު ކަމެކެވެ. އެހެނީ، މި ޚިޔާލުތައް ފާޅުކުރެއްވިއިރު، އެއްވެސް ބޭފުޅަކު، އަނެއް ބޭފުޅަކަށް ފުރައްސާރަކުރައްވައި، މަލާމާތުގެ ބަހެއް ނުލިއުއްވައެވެ. އަޅުގަނޑު މިތަނުގައި އެއްޗެއް ލިއުނީ، ރީތި ދިވެހިބަހަށް ލޯބިކުރާ ދިވެއްސެއްގެ ހައިސިއްޔަތުން ޚިޔާލު ހުށަހެޅުއްވި ބޭފުޅުންނަށް ޝުކުރުދެންނެވުމަށެވެ. އެއާއެކު، ފަލާޙަށް ވެސް ޝުކުރު ދަންނަވަމެވެ. މިފަދަ އަގުހުރި މަޒުމޫނުތައް އަޅުގަނޑުމެން ކިއުންތެރިންނާ ހަމައަށް ފޯރުކޮށް ދެއްވާނެކަމަށް ހީކުރަމެވެ.