މަޒްމޫން ޝާއިޢުކުރުމަށްޓަކައި ފޮނުއްވާނީ
publish@fanvai.info
ފުޅަފި
ފޮންޓްޑައުންލޯޑް
ގުޅުއްވުމަށް
ފަންމާފާނު
ބެލި ޢަދަދު: 1238
| ބޭސްކެއުމަށް ހަނދާންކޮށްދޭ އާ ޖިހާޒެއް |
 |
 |
| ސިއްޙަތު - ސިއްޙަތު | |||
| 22 ޖެނުވަރީ 2010، 10:42 ހުކުރު | |||
|
ޢަބްދުލްމުޢީދު ޙަސަން އެ ޖިހާޒާ ބެހޭ ގޮތުން އިސްލާމްއޮންލައިނަށް މަޢުލޫމާތު ދެމުން، ވުޖުދާން ބުނެފައިވަނީ، ބޭހާ ބެހޭ މަޢުލޫމާތު އެއަށް އެންޓަރކުރާނީ، ބޭސްވިއްކާ ފިހާރައިން ކަމަށެވެ. ބޭސް ގަނެގެން ގެއަށް އައުމަށްފަހު، ބޭސް ކާންވީ އިރުވަރުތަކާއި، ކާންވީ މިންވަރު، އެއިން އަންގައިދެމުން ގެންދާނެ ކަމަށެވެ. އަދި އެ ޖިހާޒު ގެންގުޅޭ ބަލި މީހަކަށް ބޭސް ކާންދިނުމުގެ ކަންތައްތައް ބަލަހައްޓަން މީހަކު ހުންނަން ނުޖެހޭނެ ކަމަށެވެ. އެއީ، އާދައިގެ މޮބައިލް ފޯނެއްވަރުވާ ޖިހާޒެކެވެ. އެއަށް، މަޢުލޫމާތު އެންޓަރކުރަނީ، އޭގެ އެއްފަރާތުގައިވާ ޔޫއެސްބީ ޕޯޓަކުންނެވެ. ބޭސްފުޅިތަކާއި ބޭހުގެ ފޮޓޯތައް ވެސް އޭގައި ރައްކާކުރެވެ އެވެ. ލިޔަންކިޔަން ނުދަންނަ މީހުންނަށް އޭގެ ބޭނުންކުރުމުގައި ދަތިކަމެއް ކުރިމަތި ނުވާނެ ސަބަބަކީ، އޭގައިވާ މަޢުލޫމާތު ފޮޓޯއިން ވެސް ގެނެސްދޭތީ އެވެ. އެއީ، ވުޖުދާން އީޖާދުކުރި މުޅިން އާ ޖިހާޒެކެވެ. ރަސްމީކޮށް އެ ޖިހާޒު ދައްކާލުން އޮންނާނީ، މިއަންނަ މާޗް މަހުގައެވެ. ތަބޫކު ޔުނިވަރސިޓީން އުފެއްދި އާ އީޖާދެއްގެ ގޮތުގައި، އެ ޖިހާޒު ރަޖިސްޓަރީ ކުރުމުގެ މަސައްކަތް މިހާރު ކުރިޔަށް ދާކަމަށް އެ ޔުނިވަރސިޓީން، އިސްލާމްއޮންލައިނަށް މަޢުލޫމާތު ދީފައިވެ އެވެ. މަޞްދަރު: އިސްލާމްއޮންލައިން ޑޮޓް ނެޓް.
|
| ހަމަ މި ގަލަމުން |
|---|
ބެލި ޢަދަދު: 1238