މަޒްމޫން ޝާއިޢުކުރުމަށްޓަކައި ފޮނުއްވާނީ
publish@fanvai.info
ފުޅަފި
ފޮންޓްޑައުންލޯޑް
ގުޅުއްވުމަށް
ފަންމާފާނު
ބެލި ޢަދަދު: 3344
| އެއްމާބަނޑު 5 ކުދިންގެ ސިއްރަކީ ބޭހެކެވެ. |
 |
 |
| ސިއްޙަތު - ސިއްޙަތު | |||
| 16 މެއި 2010، 11:59 އާދީއްތަ | |||
|
ޢަބްދުލްމުޢީދު ޙަސަން  ސަޢޫދީ ޢަރަބިއްޔާގައި ދިރިއުޅޭ ޔަމަނުކަރައިގެ އަންހެނަކު، އެއްމާބަނޑު 5 ކުދިން ވިހައިފި އެވެ. އެއީ ދެ އަންހެން ކުދިންނާއި ތިން ފިރިހެން ކުދިންނެވެ. ސަޢޫދީ ޢަރަބިއްޔާގެ ވެރިރަށް ރިޔާޟުގެ ހޮސްޕިޓަލެއްގައި އެ ފަސް ކުދިން ދުނިޔޭގެ އަލިކަން ދުށީ، ސިޒޭރިއަނަކަށްފަހުގަ އެވެ. ދޮޅުގަނޑިއެއް ހައިއިރު ހޭދަވި އެ ސިޒޭރިއަން ހެދުމުގައި އިސްވެ ހުންނެވީ، ޑރ. މުޙައްމަދު ބިން ޙަސަނެވެ. އޭނާ ވިދާޅުވާ ގޮތުގައި، ފަސްކުދިންނާއި އެ ކުދިންގެ މަންމަގެ ޙާލު ރަނގަޅެވެ. ކުދިންގެ ބަރުދަން ހުރީ، 800 ގްރާމާއި 900 ގްރާމާ ދެމެދުގަ އެވެ. އެކުދިންގެ ހެދިބޮޑުވުން ފުރިހަމަވުމަށްޓަކައި ދެމަސް ދުވަހުގެ މުއްދަތަށް ހޮސްޕިޓަލުން ޚާއްޞަ ފަރުވާ ދޭންޖެހެ އެވެ.ޑރ. މުޙައްމަދު ވިދާޅުވީ، އެއްފަހަރާ 5 ކުދިން އަށަގަތުމަށް މެދުވެރިވި ސަބަބަކީ، ކުދިންގެ މަންމަ ބޭނުންކުރި ދަރިން ހޯދުމަށް އެހީވެދޭ ބޭހެކެވެ. އިތުބާރު ހުރި ޑަކުޓަރެއްގެ އިރުޝާދާ ނުލައި އެފަދަ ބޭސްތައް ބޭނުންކުރުމަކީ ވަރަށް ނުރައްކާތެރި ކަމެކެވެ. އޭގެ ސަބަބުން މީހާގެ ފުރާނައަށް ނުރައްކާވެދެ އެވެ.  ކުދިންގެ ބައްޕަ ބުނެފައިވެ އެވެ. "އެއްފަހަރާ 5 ކުދިން ލިބުމުން، އަޅުގަނޑު މިހިރީ، އުފާވެރިކަމުގެ ކުންނަށް ވާޞިލުވެފަ އެވެ. އެއްފަހަރާ މި އަގުބޮޑު ހަދިޔާ ދެއްވި ކަމަށްޓަކައި މާތް ﷲ ގެ ޙަޟުރަތަށް ޙަމްދާއި ޝުކުރު ދަންނަވަމެވެ." ނަމަވެސް ކުދިންގެ މަންމަގެ ވިސްނުން ހުރީ އެހެން ގޮތަކަށެވެ. ކުދިންނަށް އެސްފީނާ ޖެހިދާނެތީ އޭނާ ކަންބޮޑުވެ އެވެ. އަދި އެއަށްވުރެ ބޮޑަށް އޭނާ ކަންބޮޑުވަނީ، ކުދިންގެ ބައްޕައަށް ލިބޭ މުސާރައިން ދެކޮޅު ނުޖެއްސިދާނެތީ އެވެ. "އެންމެ ދެ ހާސް ރިޔާލައިން ފަސް ކުދިންނާއި ޢާއިލާގެ އެހެނިހެން ޚަރަދުތައް ބެލެހެއްޓޭނީ ކިހިނަކުން ހެއްޔެވެ؟" ކުދިންގެ ބައްޕައަށް ލިބޭ އާމުދަނީ، ދެހާސް ރިޔާލަށްވުރެ އިތުރެއް ނޫނެވެ. މަޞްދަރު: އައްރިޔާޟު ދުވަހުނޫސް. މިހާތަނަށް ހުށަހަޅާފައިވާ ޚިޔާލުގެ އަދަދު (1)
... ލިޔުނީ ޙަލީމަތު, 2010-12-18 02:57:35
ކުދިންގެ މަންމަ އެކުދިންނަށް ކުރަންޖެހޭ ޚަރަދު ބޮޑުވާނެ ކަމަށް ބިރު ގަންނާކަށް ނުޖެހޭނެއެވެ. ކޮންމެ އިންސާނަކު މި ދުނިޔެއަށް އުފަންވާއިރު އެ އިންސާނަކަށް ހުރި ރިޒުޤް މާތް ﷲ ވަނީ ދެއްވާފައެވެ. އެއީ އެކަލާނގެ ޙަޟްރަތަށް ވަރަށް ފަސޭހަކަމެކެވެ. އެކުދިންގެ މަންމަގެ އީމާންކަން ވަރުގަދަ ކުރާށެވެ.
ޚިޔާލު ހުށަހަޅާ
|
| ހަމަ މި ގަލަމުން |
|---|
ބެލި ޢަދަދު: 3344