އިސްލާމްދީނާ މެދު ބިރުވެރިކަން އުފެއްދުމަށް، ދީނާމެދު މުސްލިމުންގެ ހިތްތަކުގައި ޝައްކު އުފެއްދުމަށް މިއަދު ބޭނުންކުރާ އެންމެ ވަރުގަދަ އެއް ހަތިޔާރަކީ އަންހެނުން
އިބްރާހީމް ރަޝީދު މޫސާ
އިސްލާމްދީނުގެ ދުޝްމަނުން، އިސްލާމްދީނާ މެދު މީހުންގެ ހިތްތަކުގައި، ބިރުވެރިކަމާއި، ޝައްކާއި، ވަހްމު އުފެއްދުމަށްޓަކައި، މިއަދު ބޭނުންކުރާ އެންމެ ވަރުގަދަ ހަތިޔާރަކީ"އަންހެނުން"ނެވެ. އިސްލާމްދީނުގައި އެމީހުންނަށް އިހާނެތިކޮށް ހިތާ ވާހަކައާއި، އެމީހުންނަށް އަނިޔާވެރިވާ ވާހަކަތައް، އެއްވެސް ހަމައެއް، އުޞޫލެއް ނެތި ފަތުރަމުންނެވެ. އަންހެނުންނާއި ފިރިހެނުން ތަފާތުވާ މަސްއަލަތަކުގައި، ދީނުގެ ޤަވާޢިދުތައް އޮޅުވާލައިގެންނެވެ. 
އެތަކީ އެންމެ ބޮޑު އެއްގަމު ޖަނަވާރެވެ. އިންސާނުން އެއިން އެތައް މަންފާތަކެއް ލިބިގަނެއެވެ. ދަތުރުފަތުރުގެ ސަވާރީއެއްގެ ގޮތުގަ އެވެ. ބަރު މުދާ އުފުލައިދޭ އުޅަނދެއްގެ ގޮތުގަ އެވެ. މި ނޫނަސް އެތުގެ އެތައް ބޭނުމެއް އިންސާނުން ހިފާ އިރު، ބައެއް އިންސާނުން އެއީ ކަލާނގެ ކަމަށް ވެސް ދެކެ އެވެ. އެއީ އެސޮރުގެ ބިޔަކަމާއި ވަރުގަދަކަމުން ކަމަށް ވެސް ވެދާނެ އެވެ. މި ބިންމަތީގައިވާ އެންމެ ބިޔަ ޖަނަވާރުވިއްޔާ އެވެ.
ސެމްއީލް އެލެގްޒެންޑަރ، އުފަންވުމުގެ ކުރިން އޭނާއަށް ފަރުވާއެއް ދޭން ޖެހުނެވެ. އޭރު އޭނާގެ މަންމަ ޖޫލީގެ ބަނޑަށް އެކާވީސް ހަފުތާ މުޅިން ނުފުރެއެވެ. ނަމަވެސް ޖޫލީގެ ބަނޑުން އޭނާ ބޭރަށް ނެރެފިނަމަ މަރުވެދާނެއެވެ. އެހެންވެ، އޭނާއަށް ފަރުވާ ދޭންޖެހެނީ، ޖޫލީގެ ރަޙިމުގައި އޭނާ ބާއްވައިގެންނެވެ. މިކަން މިގޮތަށް ކުރުމަށް ނިންމެވީ، ޑަކުޓަރު ޔޫސުފު ބުރޫނަރއެވެ.
އިތުރުސާހިބާ އެބަޔަކަށް ދީނަށް ގޮވައިލެއވި މީހުންގެތެރެއިން އެކަލޭގެފާނުގެ ރިސާލަތަށް އީމާންނުވާ އަދި އެކަލޭގެފާނުގެ ލޭފޮދަށް ފެންބޮވައިގެންފައިތިބި މީހުންވެސް އަޚްލާޤީގޮތުން ކްރިސްޓިޔަނުން ވެއްޓިގަތްފަދަ ދަށުދަރަޖަޔަކަށް ވެއްޓިއެއްނުގަނެއެވެ. އެބައިމީހުން އިތުރުސާހިބާއަށް ހަޖޫކިޔެވެ. ނަމަވެސް އެކަލޭގެފާނުގެ އިސްތަށިފުޅުގައި އެއްވެސް ކަހަލަ ބަދުއަޚްލާޤީ އިލްޒާމެއް ނާޅުވައެވެ. 
މަތީންދާ ބޯޓެއްގައި އެއް ގައުމުން އަނެއް ގަމުމަށް އުދުހިލުމަކީ ދަތުރުފަތުރުގެ އެންމެ ސަލާމަތްތެރި އެންމެ އަމާން ވަސީލަތްކަމަށް އެންމެންވެސް އެއްބަސްވާނެއެވެ. އަދި ތަފާސްހިސާބުތަކުން މިކަން ސާބިތުވެއެވެ. ނަމަވެސް ކިތަންމެ ފަސިންޖަރަކު ވާނީ އުދުހުމުގެ ތެރޭގައި ބިރުގަންނަ ފަދަ ތަފާތު ހާދިސާތައް ތަޖުރިބާކޮށްފައެވެ. ނޭޕާލުން ފުރި ރޭ އަޅުގަނޑު ވެސް ބިރުގަތް ހާދިސާއަކާ ކުރިމަތިވިއެވެ. އެއަރޕޯޓްގެ ރަންވޭ އޮންނަލެއް ތިރިވެފައި ވަށައިގެން ހުންނަ ފަރުބަދަތަކުގެ އުސްކަމުންނެވެ.
ދިވެހިބަހުގެ ބައިތަކުގެ ތެރޭގައި ނަން ކިއިގެންވާ ނަން، ކަން، މަސްދަރު، ނަންއިތުރު، ކަންއިތުރު، ނަންއިތުރުގެނަން، މި ހަތްބައިގެ ތެރޭގައި ނުހިމެނޭ ކޮންމެ ލަފުޒެއް ހިމެނިފައިވަނީ "އަކުރު"ގެ ތެރޭގައެވެ. އަށްވަނަ ބައިގައެވެ. މިހެންވުމުން އަކުރުގެ ތަޢާރަފުގައި ލިޔުއްވައިފައި އޮންނަ އެއްޗަކާ ދިމާނުވާ ފަހަރު ވެސް އާދެއެވެ. ދިވެހިބަހުގެ ގަވާއިދުގެ ތެރޭގައި "އަކުރު" ކަމަށް ބަލަނީ އެ ލަފުޒެއް އެކަނި، ޖުމުލައަކާ ވަކީން އޮންނަ އިރު ފުރިހަމަ މާނައެއް ދޭހަ ނުވާ، އެހެން ނަމަވެސް ޖުމުލައިގެ ތެރޭގައި އެހެން ލަފުޒުތަކާ ގުޅުވައިގެން އައުމުން މުޅި ޖުމުލައަށް ފުރިހަމަ މާނަ ގެނެސްދޭ މަސައްކަތުގެ ލަފުޒުގެ ގޮތުގައެވެ. އިނގިރޭސި ބަހުން ކިޔާ "ފަންކްޝަނަލް" ލަފުޒަށެވެ. 
ކެތްތެރިކަމަކީ ﷲ އެންމެ ބޮޑަށް ލޯބިވެވޮޑިގެންވާ އެއް ސިފައެވެ. ކެތްތެރިކަމުގެ ތަރުބިއްޔަތު އެންމެ ބޮޑަށް ލިބިދޭ އަޅުކަމަކީ ރޯދައެވެ. ކެތްތެރިކަމުގެ ތަމްރީނު ލިބިދޭ ރޯދަމަހުގެ ފަހު ދިހައާ އަޅުގަނޑުމެން މި ކުރިމަތިލަނީއެވެ. ރަމަޟާން މަހުގެ ފަހު ދިހައަކީ ނަރަކައިން ދިންނެވުމަށް ޚާއްޞަކުރައްވައިފައިވާ ދުވަސްވަރެވެ. މިހާރު ހޭދަކުރަމުން މި ގެންދަނީ މަޣުފިރަތުގެ ދިހައެވެ. ފުރަތަމަ ދިހަ އަޅުގަނޑުމެންނަށް މާތް ﷲ ދަރުމަކުރައްވައިފައިވަނީ ރަޙުމަތުގެ ދިހަ ދުވަހުގެ ގޮތުގައެވެ. ﷲއަށް ޓަކައި ފުރިހަމަ ގޮތުގައި ރޯދަ ހިފައި، ރޭއަޅުކަން އިޚުލާޞްތެރިކަމާއެކު އަދާކުރުމުގައި ހީވާގިވަމާ ހިންގަވާށެވެ!
ދުނިޔޭގެ ވަށައިގެން ކޮންމެ މަހަކުވެސް ހަނދު އޭގެ ފަލަކުގައި ބުރެއް ޖަހައެވެ. އެ ފަލަކު އޮންނަނީ ކުކުޅުބިސް ބުރެއްގެ ޒާތަށެވެ. އެހެންކަމުން، އެ ބުރުގައި ހިނގާ ހިނގުމުގައި ހަނދުގެ ސައިޒު ދުނިޔެއަށް ފެންނަ ތަފާތު 12% ގެ މިންވަރަށް ތަފާތު ވެއެވެ. 
މި ހިނގާ 1441 އަހަރުގެ ފިޠުރު ޢީދުގެ ހަނދާ ގުޅޭ ގޮތުން ބައެއް ޢިލްމުވެރީންގެ މެދުގައި ކުރެވުނު ހޫނު ބަޙުޘަކީ ވަރަށް ޚުޠޫރަތްތެރި ވަގުތެއްގައި ކުރެވުނު ބަޙުޘަކަށްވެފައި، ތިޔަ ޢިއްޒަތްތެރި ޢިލްމުވެރީންގެ ތެރެއިން ބައެއް ޢިއްޒަތްތެރި ޢިލްމުވެރީން ކޮންމެވެސް ވަރަކަށް އަޅުގަނޑުގެ ރައުޔު ހޯއްދަވަމުން ވެސް ގެންދެވުމާއި އަދި މި ދާއިރާގައި ކޮންމެވެސް މިންވަރަކަށް މަސައްކަތް ކުރުމުގެހެޔޮ ނަޞީބު الله سبحانه وتعالى އަޅުގަނޑަށް މިންވަރު ކުރައްވައިފައި ވާތީ ކޮންމެވެސް ބަހެއް ދަންނަވާން ޤަޞްދުކުރަމެވެ. ފަހަރެއްގައި ވެސް ތިޔަ ޢިއްޒަތްތެރި ޢިލްމުވެރީންގެ ޢިލްމުވެރިކަމާމެދު އަދި ޢަޤީދާއާމެދު އަޅުގަނޑުގެ ހިތުގައި އެއްވެސް ޝައްކެއް އޮވެގެނެއް ނޫނެވެ. ނަމަވެސް ވިސްނުން ކޮށި މީހަކަށް ނުވަތަ ބަޔަކަށް އެ ފަދަ ގޮތަކަށް ވިސްނިގެން ހިނގައިދާނޭ ފަދަ ގޮތަކަށް ތިޔަ ޢިއްޒަތްތެރި ޢިލްމުވެރީންގެ ބަޙުޘް ނުދާނޭ ގޮތަކަށް ދީނީ އަދި ޢިލްމީ ދަލީލުތަކުގެ މައްޗަށް ބައްޓަން ކުރެއްވުން ކިހިނެއްވާނެތޯ ދަންނަވައިލާން އަޅުގަނޑުގެ ހިތަށް އެރީއެވެ.
ސިލްސިލާ ގޮތެއްގައި އަޅުގަނޑު ލިޔަމުން މި ގެންދާ ލިޔުމުގައި މި ފަހަރު ވެސް އަޅުގަނޑު ބަލައިލާން މި ގަސްތުކުރަނީ ނޫހެއްގައި އޮތް އެންމެ ޖުމުލައެއްގެ މައްޗަށެވެ. ދެންނެވިފައި ވާނޭ ފަދައިން އަޅުގަނޑުގެ މި ސިލްސިލާގެ ބޭނުމަކީ ނޫހުގައި ލިޔުއްވާ ޒުވާން ކުދީން ގަވާއިދަށް އަހުލުވެރިކުރުވުން ކަމަށް ވާތީ، ކުށް ޢިބާރާތް ނަކަލުކުރީ ކޮން ނޫހަކުންކަމެއް އަޅުގަނޑު ބަޔާނެއް ނުކުރަމެވެ. 
އެނގިވަޑައިގަންނަވާނޭ ފަދައިން މި އަހަރުގެ މާދަރީބަހުގެ ޝިޢާރަކީ "ތަޢުލީމުގައްޔާއި މުޖުތަމަޢުގައި ޝާމިލުވުން އިތުރުކުރުމަށް ޓަކައި ގިނަބައްސަކަން ކުރިއެރުވުން" (Fostering Multilingualism for Inclusion in Education and Society)ކަމަށް ޔުނެސްކޯއިން ވަނީ ކަނޑައަޅުއްވައިފައެވެ. މި ޝިޢާރުގެ އަމާޒަކީ ދެމެހެއްޓެނިވި ތަރައްގީގެ ލަނދުދަނޑިތަކުގައި އެންމެންގެ ޝާމިލުވުން އިތުރުކުރުމެވެ. މި ކަމަށް ޓަކައި ޅަފަތުގެ ތަޢުލީމު ނުވަތަ ތުއްތުކުދީންގެ ތަޢުލީމު މާދަރީބަހުން ދިނުމަކީ މުހިންމު ކަމެއްކަމަށް މި ޝިޢާރުން ރަމްޒުކޮށްދެއެވެ. ޔުނެސްކޯއިން ގަބޫލުކުރަނީ ތަޢުލީމަކީ އުނގެނުމުގެ ބިންގާކަމަށް ވާތީ، ޅަފަތުގެ ދުވަސްވަރު ނުވަތަ ޙަޔާތުގެ ކުރީކޮޅު ދެވޭ ތަޢުލީމު ވާންޖެހޭނީ އެ ބަޔެއްގެ ފުރަތަމަ ބަސް ނުވަތަ މާދަރީމަހުގެ މައްޗަށް ބިނާވެފައިވާ ތަޢުލީމެއް ކަމަށެވެ.
އިންސާނާކު އުފައްދައިފައިވާ ކޮންމެ އެއްޗެއް ވެސް އުފެއްދި މީހަކު ނުވަތަ ބަޔަކު ވާނެއެވެ. މި ފަދަ ކޮންމެ އެއްޗަކީ ވެސް ކޮންމެވެސް މީހެއްގެ ނުވަތަ ބަޔެއްގެ އުފެއްދުމެއްކަން ކަށަވަރެވެ. އެހެންކަމުން އެ އެއްޗެއް ވާނީ އެ އުފެއްދި މީހެއްގެ ނުވަތަ އެ އެއްޗެއް އުފައްދައިދިން މީހެއްގެ މިލްކަކަށެވެ. އެ އެއްޗެއް ބޭނުންކުރުމުގެ އެންމެހާ ޙައްޤެއް އޮންނާނީ އޭގެ ވެރި ފަރާތަށެވެ. ނުވަތަ އޭގެ ވެރި ފަރާތުން އެ ޙައްޤު ހަވާލުކޮށްފައި އޮންނަ ފަރާތަކަށެވެ. 
އަޅުގަނޑު ސިލްސިލާ ގޮތެއްގައި ލިޔަމުން މި ގެންދާ ލިޔުމުގައި މިއަދު ބަލައިލާނީ ނޫހެއްގައި އޮތް އެންމެ ޖުމުލައެއްގެ މައްޗަށެވެ. އަޅުގަނޑުގެ މި ސިލްސިލާގެ ބޭނުމަކީ ނޫހުގައި ލިޔުއްވާ ޒުވާން ކުދީން ގަވާއިދަށް އަހުލުވެރިކުރުވުން ކަމަށް ވާތީ، ކުށް ޢިބާރާތް ނަކަލުކުރީ ކޮން ނޫހަކުންކަމެއް އަޅުގަނޑު ބަޔާނެއް ނުކުރަމެވެ. އެހެނީ އަޅުގަނޑުގެ ހަގީގީ ބޭނުމަކީ، އެ ދުވަހެއްގައި ފާހަގަކުރެވުނު ކުށް ޢިބާރާތް ލިޔެ، އެ ޢިބާރާތުގެ ރަނގަޅު ގޮތް، ސަބަބާއެކު ބަޔާންކުރުމެވެ. މި ލިޔުމާ މެދު ފަހި ނަޒަރަކުން ވިސްނައިވަޑައިގެން ލިޔުންތައް އިޞްލާޙުކުރައްވާން ހުރިހާ ބޭފުޅުން ވެސް މަސައްކަތްޕުޅު ކުރެއްވުމަކީ އަޅުގަނޑުގެ އިޚުލާޞްތެރި އުންމީދާއި މަޤުޞަދާއި ނިޔަތެވެ.